ఇదేం మ్యాచ్ మామా.. క్రికెట్ హిస్టరీకే మెంటలెక్కించిన ఫైనల్‌.. ఏకంగా 25 భారీ రికార్డులా..!

India vs NZ T20 WC 2026 Final records list: ఐసీసీ టీ20 ప్రపంచకప్ 2026 ఫైనల్లో భారత్ మొదట బ్యాటింగ్ చేసి 20 ఓవర్లలో 255 పరుగుల భారీ స్కోరు సాధించింది. అనంతరం న్యూజిలాండ్‌ను 159 పరుగులకే కట్టడి చేసి ఘనవిజయం సాధించింది. ఈ మ్యాచ్‌లో నమోదైన కొన్ని కీలక రికార్డులు ఇక్కడ ఉన్నాయి:

బ్యాటింగ్ రికార్డులు:

అత్యధిక ఫోర్లు: ఒక టీ20 ప్రపంచకప్ ఇన్నింగ్స్‌లో భారత్ 37 ఫోర్లు బాది శ్రీలంక (41) తర్వాత రెండో స్థానంలో నిలిచింది.

అత్యధిక సిక్సర్లు: ఈ ఇన్నింగ్స్‌లో భారత్ 18 సిక్సర్లు కొట్టింది.

భారీ స్కోరు: ప్రపంచకప్ ఫైనల్ చరిత్రలో భారత్ చేసిన 255/5 అత్యధిక స్కోరు.

సంజూ శాంసన్ ప్రభావం: ఒకే ప్రపంచకప్ ఎడిషన్‌లో సంజూ 321 పరుగులు చేసి విరాట్ కోహ్లీ (2014లో 319) రికార్డును అధిగమించాడు.

సెమీస్, ఫైనల్ హాఫ్ సెంచరీలు: షాహిద్ అఫ్రిది, విరాట్ కోహ్లీ తర్వాత సెమీఫైనల్, ఫైనల్ రెండింటిలోనూ అర్ధసెంచరీలు చేసిన మూడో ఆటగాడిగా సంజూ శాంసన్ నిలిచాడు.

పవర్ ప్లే విధ్వంసం: ఫైనల్లో భారత్ పవర్ ప్లే (6 ఓవర్లు) ముగిసేసరికి వికెట్ నష్టపోకుండా 92 పరుగులు చేసింది. ఇది వరల్డ్ కప్ రికార్డు.

టాప్-3 సెన్సేషన్: టీ20 ప్రపంచకప్ చరిత్రలో తొలిసారిగా ఒక జట్టులోని మొదటి ముగ్గురు బ్యాటర్లు (టాప్-3) 50కి పైగా పరుగులు చేశారు.

బౌలింగ్ రికార్డులు:

జస్ప్రీత్ బుమ్రా నెం.1: టీ20 ప్రపంచకప్ చరిత్రలో అత్యధిక వికెట్లు తీసిన ఫాస్ట్ బౌలర్‌గా బుమ్రా (40 వికెట్లు) రికార్డు సృష్టించి మలింగను అధిగమించాడు.

ఫైనల్ 4-వికెట్ హాల్: ఫైనల్లో 4/15 గణాంకాలతో బుమ్రా అజంతా మెండిస్ తర్వాత అత్యుత్తమ ప్రదర్శన చేసిన బౌలర్‌గా నిలిచాడు.

ఎకానమీ కింగ్: 40 వికెట్లు తీసిన బౌలర్లలో బుమ్రా ఎకానమీ (5.66) అత్యుత్తమంగా ఉంది.

జట్టు రికార్డులు:

వరుసగా 250+ స్కోర్లు: భారత్ ఒకే క్యాలెండర్ ఇయర్ (2026)లో నాలుగు సార్లు 250కి పైగా పరుగులు చేసి ప్రపంచ రికార్డు సృష్టించింది.

డిఫెండింగ్ ఛాంపియన్: మొదట బ్యాటింగ్ చేసి టీ20 ప్రపంచకప్ నాకౌట్ మ్యాచ్‌లలో (సెమీస్/ఫైనల్) గెలిచిన ఏకైక జట్టు భారత్.