Coronavirus: ఒమిక్రాన్ సాధారణ జలుబు అనుకుంటే పొరబడినట్టే.. హెచ్చరిస్తోన్న ప్రపంచ ఆరోగ్య సంస్థ..
Coronavirus: కరోనా మహమ్మారి ఇప్పట్లో మానవ జాతిని వదిలేలా కనిపించడం లేదు. ఏడాదికో రూపం మార్చుకుంటూ ప్రపంచంపై దండెత్తుతోంది. సెకండ్ తర్వాత కేసులు తగ్గడంతో అంతా ఊపిరి పీల్చుకున్నారు. కానీ తాజాగా...
Updated on: Jan 06, 2022 | 12:20 PM
Coronavirus: కరోనా మహమ్మారి ఇప్పట్లో మానవ జాతిని వదిలేలా కనిపించడం లేదు. ఏడాదికో రూపం మార్చుకుంటూ ప్రపంచంపై దండెత్తుతోంది. సెకండ్ తర్వాత కేసులు తగ్గడంతో అంతా ఊపిరి పీల్చుకున్నారు. కానీ తాజాగా ఒమిక్రాన్ రూపంలో మరోసారి కరోనా విజృంభిస్తోంది. ప్రపంచంపై సునామీలా విరుచుకుపడుతోంది. ఇప్పటికే ప్రపంచంలోని చాలా దేశాల్లో కేసులు విపరీతంగా పెరిగిపోతున్నాయి. గతంలో ఎన్నడూ లేని విధంగా అమెరికాలో ఒక్క రోజులోనే ఏకంగా 10 లక్షల కేసులు నమోదవుతున్నాయి. ఇక భారత్లో కూడా కేసులు ఓ రేంజ్లో పెరిగిపోతున్నాయి. రోజువారీ కేసులు సంఖ్య లక్షకు చేరువుతోంది. ఇదిలా ఉంటే డేల్టా వేరియెంట్తో పోలిస్తే.. ఒమిక్రాన్ అంత ప్రమాదకరం కాదనే వాదనలు వినిపిస్తున్నాయి. ఒమిక్రాన్తో పెద్దగా ఆందోళన చెందాల్సిన అవసరం లేదని కథనాలు వస్తున్న విషయం తెలిసిందే.
అయితే ఒమిక్రాన్ను సాధారణ వ్యాధిలా పరిగణించడం ప్రమాదకరమని ప్రపంచ ఆరోగ్య సంస్థ హెచ్చరిస్తోంది. ఈ విషయమైన డబ్ల్యూహెచ్వో టెక్నికల్ లీడ్ మరియా వాన్ కేర్ఖోవ్ పలు కీలక వ్యాఖ్యలు చేశారు. ఒమిక్రాన్ వ్యాధి తీవ్రత తక్కువైనప్పటికీ.. తేలికపాటి వ్యాధి కాదని తెలిపారు.. ఒమిక్రాన్ సాధారణ జలుబు లాంటిదని చెప్పడం చాలా ప్రమాదకరమని హెచ్చరించారు. ముఖ్యంగా వృద్ధులు ఈ వేరియంట్ బారిన పడితే పరిస్థితి తీవ్రంగా ఉండొచ్చని ఆయన సూచించారు. రానున్న రోజుల్లో కేసులు మరింతగా పెరిగే అవకాశం ఉందని తెలిపినా కేర్ఖోవ్.. ఆసుపత్రులు నిండిపోయే ప్రమాదం ఉందని హెచ్చరించారు. మొత్తం మీద ఒమిక్రాన్ వేరియంట్ను ఏ మాత్రం లైట్ తీసుకోకూడదని, అది చాలా ప్రమాదకరమని ప్రపంచ ఆరోగ్య సంస్థ నొక్కి మరీ చెబుతోంది.
Also Read: Aha: ఆహాలో సరికొత్త వినోదం.. జనవరిలో అలరించనున్న షోస్.. సినిమాలు ఇవే..
