ఐపీఎల్ భవితవ్యం తేల్చేది కేంద్రమే..

కరోనా వైరస్ వ్యాప్తి కారణంగా ఐపీఎల్ 13వ సీజన్ నిరవధికంగా వాయిదా పడిన సంగతి తెలిసిందే. లాక్ డౌన్ 4.0లో కేంద్రం.. వీక్షకులు లేకుండా స్టేడియంలను తెరుచుకునే అవకాశాన్ని కల్పించడంతో పాటు అక్టోబర్- నవంబర్ మధ్య జరగాల్సిన టీ20 ప్రపంచకప్ వాయిదా వేయాలని ఐసీసీ, క్రికెట్ ఆస్ట్రేలియా చూస్తుండటంతో మళ్లీ ఐపీఎల్ జరుగుతుందని క్రికెట్ లవర్స్ అనుకుంటున్నారు. ఈ నేపధ్యంలో కేంద్ర క్రీడాశాఖ మంత్రి కిరణ్ రిజిజు పలు కీలక వ్యాఖ్యలు చేశారు.

ఐపీఎల్ నిర్వహణపై కేంద్ర ప్రభుత్వమే తుది నిర్ణయం తీసుకుంటుందని.. BCCI కాదని వెల్లడించారు. కరోనా వైరస్ వ్యాప్తిని అంచనా వేసి ఐపీఎల్ ఈ ఏడాది నిర్వహించాలా? లేదా? అనేది నిర్ణయిస్తామన్నారు. ప్రస్తుతం తమ దృష్టి అంతా కూడా కరోనాను ఎదుర్కోవడంపైనే ఉందన్న ఆయన.. క్రీడా టోర్నమెంట్ల కోసం ప్రజల జీవితాలను రిస్క్‌లో పెట్టలేమని వెల్లడించారు. కాగా, త్వరలోనే IPL నిర్వహణపై నిర్ణయం తీసుకుంటామని చెప్పారు.