TG EAPCET 2024 Counselling: జులై 4 నుంచి ఈఏపీసెట్‌ ఆన్‌లైన్‌ రిజిస్ట్రేషన్‌ ప్రారంభం.. ఈ సర్టిఫికెట్లు తప్పనిసరి!

తెలంగాణ రాష్ట్ర వ్యాప్తంగా ఉన్న ప్రభుత్వ, ప్రైవేట్‌ ఇంజినీరింగ్‌ కాలేజీల్లో 2024-25 విద్యా సంవత్సరానికి బీఈ/ బీటెక్‌/ ఫార్మసీ కోర్సుల్లో ప్రవేశాలకు జులై 4వ తేదీ నుంచి కౌన్సెలింగ్‌ ప్రక్రియ మొదలుకానున్న సంగతి తెలిసిందే. ఇందుకు సంబంధించి కొత్త షెడ్యూల్‌ను కూడా ఉన్నత విద్యా మండలి ప్రకటించింది. కొత్త షెడ్యూల్‌ ప్రకారం జులై 4వ తేదీ నుంచి ఆగస్టు 21వ తేదీ వరకు కౌన్సెలింగ్‌ ప్రక్రియ కొనసాగనుంది...

TG EAPCET 2024

Srilakshmi C |
Updated on: Jun 27, 2024 | 2:57 PM

హైదరాబాద్‌, జూన్‌ 27: తెలంగాణ రాష్ట్ర వ్యాప్తంగా ఉన్న ప్రభుత్వ, ప్రైవేట్‌ ఇంజినీరింగ్‌ కాలేజీల్లో 2024-25 విద్యా సంవత్సరానికి బీఈ/ బీటెక్‌/ ఫార్మసీ కోర్సుల్లో ప్రవేశాలకు జులై 4వ తేదీ నుంచి కౌన్సెలింగ్‌ ప్రక్రియ మొదలుకానున్న సంగతి తెలిసిందే. ఇందుకు సంబంధించి కొత్త షెడ్యూల్‌ను కూడా ఉన్నత విద్యా మండలి ప్రకటించింది. కొత్త షెడ్యూల్‌ ప్రకారం జులై 4వ తేదీ నుంచి ఆగస్టు 21వ తేదీ వరకు కౌన్సెలింగ్‌ ప్రక్రియ కొనసాగనుంది. మొత్తం మూడు విడతల్లో కౌన్సెలింగ్‌ ప్రక్రియ కొనసాగుతుంది. జులై 4 నుంచి 23 వరకు తొలిదశ, జులై 26 నుంచి ఆగస్టు 2 వరకు రెండోదశ, ఆగస్టు 8 నుంచి ఆగస్టు 15 వరకు చివరిదశ కొనసాగనుంది. కాగా మే 7 నుంచి 11వ తేదీ వరకు తెలంగాణ ఈఏపీసెట్‌ పరీక్ష ఆన్‌లైన్‌ విధానంలో నిర్వహించగా.. మే 18న పలితాలు విడుదలయ్యాయి. ఇంజినీరింగ్‌ స్ట్రీమ్‌లో 74.98 శాతం, అగ్రికల్చర్ అండ్ ఫార్మసీ విభాగంలో 89.66 శాతం మంది ఉత్తీర్ణత సాధించారు. కౌన్సెలింగ్‌కు హజరయ్యే అభ్యర్ధులు తప్పనిసరిగా ఈ కింది ధ్రువపత్రాలను తమతోపాటు తీసుకురావల్సి ఉంటుంది. అవేంటంటే..