New AC Price: పాత ఏసీ స్థానంలో కొత్తది.. సగ ధరకే కొత్త ఎయిర్‌ కండీషన్‌.. బంపర్ ఆఫర్

షాపింగ్ మాల్స్‌ అయినా, చుట్టుపక్కల షాపులైనా సరే.. వేసవి తాపంతో ఏసీ విక్రయాలు విపరీతంగా పెరిగాయి. విపరీతమైన వేడిలో ఏసీ లేకుండా బతకడం కష్టంగా మారింది. మీ ఇంట్లో కూడా ఏసీ ఉండి, అది పాతబడిపోతుంటే, ఈ వార్త మీకు ఉపయోగపడుతుంది. ఇప్పుడు మీరు పాత ఏసీని రిపేర్ చేయడానికి లేదా కొత్తది కొనడానికి ఎక్కువ డబ్బు ఖర్చు చేయవలసిన అవసరం లేదు. మీరు సగం కంటే తక్కువ ధరతో కొత్త ఏసీని ఇంటికి తీసుకురావచ్చు. కానీ ఎలా? నిజానికి ఈ స్కీమ్‌ ఢిల్లీ వాసుల కోసం. ఎలక్ట్రిసిటీ కంపెనీ BSES ఢిల్లీలోని తన కస్టమర్ల కోసం పాత ఏసీల స్థానంలో కొత్త ఎయిర్ కండీషనర్లను అందించే పథకాన్ని ప్రారంభించింది. ఈ స్కీమ్‌లో మీరు గరిష్ట ధరపై 63 శాతం వరకు తగ్గింపు పొందుతారు. బీఎస్‌ఈఎస్‌ రాజధాని పవర్ లిమిటెడ్ (BRPL), బీఎస్‌ఈఎస్‌ జమున పవర్ లిమిటెడ్. (BYPL) వోల్టాస్, బ్లూస్టార్ వంటి ప్రధాన AC తయారీదారుల సహకారంతో ఏసీ రీప్లేస్‌మెంట్ ప్రాజెక్ట్‌లను ప్రారంభించింది.

విద్యుత్ వినియోగాన్ని తగ్గించేందుకే ఇలా చేస్తున్నట్లు కంపెనీ ఒక ప్రకటనలో తెలిపింది. వాస్తవానికి, కంపెనీ పాత ఏసీని తక్కువ విద్యుత్ వినియోగించే దానితో భర్తీ చేస్తుంది. ఈ పథకం ప్రస్తుతం దక్షిణ, పశ్చిమ, తూర్పు,మధ్య ఢిల్లీలోని వినియోగదారులకు అందుబాటులో ఉంది. నివేదికల ప్రకారం.. దక్షిణ, పశ్చిమ, తూర్పు మరియు మధ్య ఢిల్లీ ప్రజలు ఈ పథకం కింద గరిష్టంగా మూడు ఎయిర్ కండీషనర్లను మార్చగలరు. మొత్తం 40 విండో, స్ప్లిట్ ఏసీ మోడల్స్ అందుబాటులో ఉన్నాయి.

కొత్త ఏసీతో ఏటా దాదాపు 3 వేల యూనిట్ల విద్యుత్‌ను వినియోగదారులు ఆదా చేసుకోవచ్చు. అయితే దీని కోసం దరఖాస్తు ప్రాధాన్యత ఆధారంగా ప్రక్రియ మొత్తం జరుగుతుందని చెబుతున్నారు. అంటే, మీరు ముందు వచ్చినట్లయితే, మీరు ముందుగా ఈ ప్రత్యేక ప్రయోజనాన్ని పొందవచ్చు. ఇదిలా ఉండగా, గత కొన్ని రోజులుగా ఉత్తర, ఈశాన్య భారతదేశంలోని చాలా ప్రాంతాల్లో మంచి వర్షాలు కురుస్తున్నప్పటికీ, త్వరలో వేడి పెరుగుతుందని వాతావరణ కార్యాలయం తెలిపింది. అలాంటప్పుడు ఏసీ విక్రయాలు కూడా పెరుగుతాయని ప్రత్యేకంగా చెప్పనవసరం లేదు.

మరిన్ని బిజినెస్ వార్తల కోసం ఇక్కడ క్లిక్ చేయండి