Tesseract EV: సింగిల్ చార్జింగ్ పై 260 కిలోమీటర్ల రేంజ్.. అదరహో అనిపిస్తున్న టెస్రాక్ట్ ఎలక్ట్రిక్ స్కూటర్

మన దేశంలో రాడార్ సహాయక ముందు, వెనుక డాష్ క్యామ్ లను కలిగిన మొదటి స్కూటర్ టెస్రాక్ట్. ఇది రియల్ టైమ్ రైడ్ పుటేజ్ ను రికార్డు చేస్తుంది. అడ్వాన్స్ డ్ రైడర్ టైమ్ అసిస్టెన్స్ సిస్టమ్ (ఏఆర్ఏఎస్) కొలిషన్ అలారాలు, లేన్ చేంజ్ అసిస్టెన్స్ తదితర ఫీచర్లు ఉన్నాయి. రైడర్ భద్రతకు ఎంతో ప్రాధాన్యత ఇచ్చారు. స్కూటర్ లో 20.1 హార్స్ పవర్ ఎలక్ట్రిక్ మోటారు ఏర్పాటు చేశారు. గంటకు గరిష్టంగా 125 కిలోమీటర్ల వేగంగా పరిగెడుతుంది. దీనిలోని 3.5 కేడబ్ల్యూహెచ్ బ్యాటరీ ప్యాక్ ద్వారా సింగిల్ చార్జింగ్ పై సుమారు 260 కిలోమీటర్ల రేంజ్ వస్తుంది. వేగవంతమైన చార్జర్ తో గంట కంటే తక్కువ సమయంలో 80 శాతం బ్యాటరీని చార్జింగ్ చేసుకోవచ్చు.

రైడర్ భద్రతకు ఎంతో ప్రాధాన్యం ఇచ్చారు. రాడార్, డాష్ క్యామ్ వ్యవస్థలు చాలా ఉపయోగంగా ఉంటాయి. డ్యూయల్ చానల్ ఏబీఎస్, ట్రాక్షన్ కంట్రోల్, డైనమిక్ స్టెబిలిటీ కంట్రోల్ తో సురక్షితమైన ప్రయాణం చేయవచ్చు. హ్యాండిల్ బార్ లపై హాప్టిక్ ఫీడ్ బ్యాక్, బ్లైండ్ స్పాట్ హెచ్చరికలు, స్మార్ట్ మిర్రర్లు అదనపు ప్రయోజనాన్ని అందిస్తాయి. స్కూటర్ లో ఏర్పాటు చేసిన ఆధునిక ఫీచర్లు ఆకట్టుకుంటున్నాయి. దీనిలోని ఏడు అంగుళాల టీఎఫ్ టీ టచ్ స్క్రీన్ ద్వారా ఆన్ బోర్డు నావిగేషన్, స్మార్ట్ ఫోన్ కనెక్టివిటీ పొందవచ్చు. హాప్టిక్ ఫీడ్ బ్యాక్ హ్యాండిల్ బార్లు, వైర్ లెస్ స్మార్ట్ ఫోన్ చార్జింగ్, వైలెట్ ఏఐ ఇంటిగ్రేషన్ తో ప్రయాణం చాలా సౌకర్యంగా ఉంటుంది. సెల్ ఫోన్ ను చార్జింగ్ చేసుకునే అవకాశం, అండర్ సీటు స్టోరేజీలో హెల్మెట్ ను దాచుకోవచ్చు.

వారెవ్వా అనిపించే డిజైన్ తో టెస్రాక్ట్ స్కూటర్ ఆకట్టుకుంటోంది. యుద్ద హెలికాప్టర్ల నుంచి ప్రేరణ పొందిన షార్ప్ లేన్లు, డీఆర్ఎల్ లు, ట్విన్ ఎల్ఈడీ ప్రొజెక్టర్ హెడ్ ల్యాంపులు బాగున్నాయి. స్టీల్త్ బ్లాక్, సోనిక్ పింక్, డెసర్ట్ సాండ్ తదితర రంగులతో ఆకట్టుకుంటోంది. కీలెస్ యాక్సెస్, పార్క్ అసిస్ట్, హిల్ హూల్డ్ , క్రూయిజ్ కంట్రోల్ తదితర ఫీచర్లు ఉన్నాయి.

ఇవి కూడా చదవండి

కేంద్రం ప్రభుత్వం పెట్రోల్, డీజిల్ పై పన్ను ఎందుకు పెంచింది?

తన ఆస్తిపై కీలక ప్రకటన చేసిన బిల్‌గేట్స్.. పిల్లలకు ఎంతో తెలుసా?

ప్రభుత్వ సహాయంతో ఈ సూపర్‌ బిజినెస్‌ గురించి తెలుసా? లక్షల్లో లాభం

హమ్మయ్య కోలుకుంది.. భారీ లాభాలతో దూసుకుపోతున్న స్టాక్ మార్కెట్లు