Buy House: ఒంటరి మహిళలకు సొంతిల్లు ఉండాలా? అద్దెకుంటే నష్టం ఏంటి? నిపుణులు చెబుతున్న షాకింగ్ అంశాలు..

సొంత ఇల్లు అనేది చాలా మందికి జీవితాశయం. అయితే నేటి యువత చాలా మంది ఉద్యోగ రీత్య ఇతర ప్రాంతాలలో ఉంటూ ఏళ్లకు ఏళ్లు అద్దె ఇళ్లలోనే ఉంటున్నారు. ఈ క్రమంలో అసలు సొంత ఇల్లు కొనుగోలు చేయడం మేలా? లేదా జీవితాంతం అద్దె ఇంట్లోనే ఉండటం సబబా? అని ప్రశ్నిస్తే నిపుణులు సొంత ఇల్లే చాలా మంచిదని చెబుతున్నారు. ప్రస్తుతం ద్రవ్యోల్బణం, జీవనశైలి మార్పుల కారణంగా ఇది ముఖ్యమైన అంశంగా మారుతోంది. మరి ముఖ్యంగా ఒంటరి మహిళలకు సొంత ఇల్లు అనేది అత్యవశ్యమని నిపుణులు చెబుతున్నారు. అందుకు ఇల్లు కొనుగోలు చేయడానికి డబ్బును ఆదా చేయాలని సూచిస్తున్నారు. ఒకవేళ బ్యాంకు లోను ద్వారా ఇల్లు కొనుగోలు చేయాలని చూసినా.. మొత్తం ఖర్చులో 80శాతం మాత్రమే బ్యాంకు ఇస్తుంది. మిగిలిన మొత్తం మీరు చూసుకోవాల్సి ఉంటుంది. కాబట్టి ముందు నుంచి సొంత ఇల్లు నిమిత్తం డబ్బు ఆదా చేయాలని చెబుతున్నారు.

ఒంటరి మహిళలకు ప్రణాళిక అవసరం..

వివాహమైన స్త్రీకి లేదా జీవితాంతం తమ కుటుంబంతో కలిసి జీవించాలనుకునే వారికి అద్దెపై జీవించడం చాలా సవాలుగా ఉంటుంది. ఆమె భర్త, పిల్లలు, తల్లిదండ్రులు, తోబుట్టువులతో సహా మొత్తం కుటుంబ బాధ్యతల వల్ల అవాంతరాలు పెరుగుతాయి. కానీ, స్త్రీ ఒంటరిగా ఉన్నట్లయితే, ఆమె ముందుగానే ఇల్లు కొనడానికి ప్రణాళిక చేసుకోవచ్చు. ఒక మహిళ తాను నివసించాలనుకునే నగరాన్ని నిర్ణయించుకున్న తర్వాత ఇంటిని కొనుగోలు చేయడానికి ప్రణాళికను రూపొందించడం అని సూచిస్తున్నారు. ఇల్లు కొనడం వల్ల సంతృప్తి, సంతోషం, గౌరవం లభిస్తాయని నిపుణులు చెబుతున్నారు.

భద్రత కోసం..

ఒంటరి మహిళలు తమ భద్రత కోసం ఇంటిని కొనుగోలు చేయడానికి ఇష్టపడాలని నిపుణులు వివరిస్తున్నారు. ఎందుకంటే ఒంటరి మహిళలకు అద్దెకు ఇల్లు దొరకడం కష్టంగా ఉంటుంది. అదే సమయంలో లివ్-ఇన్ రిలేషన్‌షిప్‌లో ఉన్న జంటలకు కూడా అద్దెకు ఇల్లు పొందడంలో ఇబ్బంది పడుతుంటారు. అందుకే సొంత ఇల్లు అనేది ఎప్పుడు సేఫ్ ఆప్షన్ అని నిపుణులు చెబుతున్నారు.

మహిళలకు రాయితీ..

భారతదేశంలోని అనేక రాష్ట్రాల్లో, స్టాంప్ డ్యూటీలో మహిళలకు రాయితీలు అందిస్తున్నారని కూడా గమనించాలని నిపుణులు సూచిస్తున్నారు. అనేక గృహ రుణాలు మహిళలకు ఆకర్షణీయమైన వడ్డీ రేట్లను కూడా వస్తాయంటున్నారు. ఇది కాకుండా, అర్హత కలిగిన మొదటిసారిగా కొనుగోలు చేసే మహిళా కొనుగోలుదారులు ఇంటి కొనుగోలు ధరను తగ్గించడానికి పీఎంఏవై సీఎల్ఎస్ఎస్ని పొందొచ్చని చెబుతున్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి..