Stock Market: స్టాక్‌ మార్కెట్‌పై బేర్ పంజా.. సెన్సెక్స్‌ 1016, నిఫ్టీ 276 పాయింట్లు డౌన్‌.. ఐటీ స్టాక్‌ల్లో భారీ క్షీణత..
వారంతంలో స్టాక్‌ మార్కెట్లు భారీ నష్టాల్లో ముగిశాయి. దాదాపు అన్ని సెక్టర్లు నష్టాల్లో స్థిరపడ్డాయి. యూపోపియన్‌ సెంట్రల్‌ బ్యాంక్ వడ్డీ రేట్లను పెచండం, త్వరలో రానున్న యూఎస్‌ ద్రవ్యోల్బణం డాటా మార్కెట్‌ సెంటిమెంట్‌ను దెబ్బతీసింది...
Updated on: Jun 10, 2022 | 3:57 PM
వారంతంలో స్టాక్‌ మార్కెట్లు భారీ నష్టాల్లో ముగిశాయి. దాదాపు అన్ని సెక్టర్లు నష్టాల్లో స్థిరపడ్డాయి. యూపోపియన్‌ సెంట్రల్‌ బ్యాంక్ వడ్డీ రేట్లను పెచండం, త్వరలో రానున్న యూఎస్‌ ద్రవ్యోల్బణం డాటా మార్కెట్‌ సెంటిమెంట్‌ను దెబ్బతీసింది. శుక్రవారం బీఎస్‌ఈ సెన్సెక్స్‌ 1016 పాయింట్లు పతనమై 54,303 వద్ద ముగిసింది. ఎన్‌ఎస్‌ఈ నిఫ్టీ 276 పాయింట్లు తగ్గి 16,201 వద్ద ముగిసింది. మిడ్‌ క్యాప్‌ 0.78 శాతం, స్మాల్‌ క్యాప్‌ 1.10 శాతం పడిపోయాయి. నిఫ్టీ సబ్‌ ఇండెక్స్‌లు నిఫ్టీ ఐటీ 2.14, నిఫ్టీ ఫైనాన్షియల్‌ సర్వీసెస్ 2.04, నిఫ్టీ ఆయిల్‌ అండ్ గ్యాస్‌ 1.77 శాతం తగ్గాయి. కోటక్ మహీంద్రా బ్యాంక్ టాప్‌ లూజర్‌గా నిలిచింది. ఈ స్టాక్‌ 3.44 శాతం పెడిపోయి రూ.1,801 వద్ద ముగిసింది. బజాజ్‌ ఫైనాన్స్‌, హిందుల్కో, హెచ్‌డీఎఫీసీ, విప్రో కూడా నష్టాల్లో ముగిశాయి.
30 షేర్ల బీఎస్‌ఈ ఇండెక్స్‌లో కోటక్ మహీంద్రా బ్యాంక్, బజాజ్‌ ఫైనాన్స్‌, హెచ్‌డీఎఫ్‌సీ, విప్రో, టెక్ మహీంద్రా, రిలయన్స్ ఇండస్ట్రీస్‌, ఇన్ఫోసిస్‌, టాటా స్టీల్‌, హెచ్‌డీఎఫ్‌సీ బ్యాంక్, ఐసీఐసీఐ బ్యాంక్, టీసీఎస్‌, బజాజ్‌ ఫిన్‌సర్వ్ టాప్‌ లూజర్లుగా నిలిచాయి. దేశంలోని అతిపెద్ద ఇన్సూరెన్స్ కంపెనీ అయిన లైఫ్ ఇన్సూరెన్స్ కార్పొరేషన్‌ ఆఫ్‌ ఇండియా షేర్లు శుక్రవారం కూడా పడిపోయాయి. ఈ స్టాక్‌ 1.77 శాతం తగ్గి రూ. 709.20 వద్ద స్థర పడింది. ఏసియన్‌ పెయింట్స్, యాక్సిస్‌ బ్యాంక్, డా. రెడ్డీస్‌, నెస్లే ఇండియా, మారుతి, టైటాన్, ఎన్టీపీసీ లాభాల్లో ముగిశాయి.
