SBI Magnum Children’s Plan: పిల్లల ఆర్థిక భవిష్యత్ కోసం ఎస్బీఐ నయా ప్లాన్.. రూ.10 లక్షల పెట్టుబడితో రూ.30 లక్షల రాబడి
పెరిగిన చదువుల ఖర్చుల నేపథ్యంలో పిల్లల పేర్లపై కచ్చితంగా సొమ్ము ఆదా చేయాల్సిన పరిస్థితి నెలకొంది. ఇలాంటి వారి కోసం సెప్టెంబర్ 29, 2020న ఎస్బీఐ మాగ్నమ్ చిల్డ్రన్స్ బెనిఫిట్ ఫండ్ ప్రారంభించారు. ఇప్పటి వరకు 44.39 శాతం సమ్మేళనం వార్షిక వృద్ధి రేటు సీఏజీఆర్ను అందించింది. ఈ ఫండ్ ప్రారంభించిన సమయంలో రూ. 10 లక్షల పెట్టుబడి పెడితే దాని విలువ ప్రస్తుతం రూ. 30.10 లక్షలకు పెరిగింది.
Updated on: Oct 14, 2023 | 6:19 PM
మనం ఎంత కష్టపడి సంపాదించిన సొమ్మైనా పిల్లలతో పాటు మన కుటుంబానికి అండగా ఉండాలని కోరుకుంటూ ఉంటాం. ముఖ్యంగా పిల్లల భవిష్యత్ కోసం చాలా మంది ఆలోచించి పెట్టుబడి పెడుతూ ఉంటారు. పెరిగిన చదువుల ఖర్చుల నేపథ్యంలో పిల్లల పేర్లపై కచ్చితంగా సొమ్ము ఆదా చేయాల్సిన పరిస్థితి నెలకొంది. ఇలాంటి వారి కోసం సెప్టెంబర్ 29, 2020న ఎస్బీఐ మాగ్నమ్ చిల్డ్రన్స్ బెనిఫిట్ ఫండ్ ప్రారంభించారు. ఇప్పటి వరకు 44.39 శాతం సమ్మేళనం వార్షిక వృద్ధి రేటు సీఏజీఆర్ను అందించింది. ఈ ఫండ్ ప్రారంభించిన సమయంలో రూ. 10 లక్షల పెట్టుబడి పెడితే దాని విలువ ప్రస్తుతం రూ. 30.10 లక్షలకు పెరిగింది. ఎస్ అండ్ పీ బీఎస్ఈ సెన్సెక్స్ టీఆర్ఐలో అదే పెట్టుబడి కేవలం రూ.18.06 లక్షలు మాత్రమే. ఎస్బీఐ మాగ్నమ్ చిల్డ్రన్స్ బెనిఫిట్ ఫండ్ కూడా గత మూడు సంవత్సరాల్లో ఎస్ఐపీ పెట్టుబడులకు గణనీయమైన రాబడిని ఇచ్చింది. ఉదాహరణకు ఈ పథకంలో 3 సంవత్సరాల పాటు నెలవారీ రూ. 10,000 ఎస్ఐపీ మీ మొత్తం పెట్టుబడిని రూ.5.41 లక్షలుగా మార్చింది. మీరు మీ ఎస్ఐపీ పెట్టుబడిపై రూ. 1.81 లేదా 50 శాతం కంటే ఎక్కువ రాబడిని పొందుతారు.
ఎస్బీఐ మాగ్నమ్ చిల్డ్రన్స్ బెనిఫిట్ ఫండ్
ఎస్బీఐ మాగ్నమ్ చిల్డ్రన్స్ బెనిఫిట్ ఫండ్ అనేది దీర్ఘకాలిక మూలధన కోసం రూపొందించిన ఓపెన్ ఎండెడ్ పథకం. మ్యూచువల్ ఫండ్ అంటే ప్రధానంగా ఈక్విటీ, ఈక్విటీ-సంబంధిత సెక్యూరిటీలలో అనేక రంగాలు మరియు మార్కెట్ క్యాపిటలైజేషన్లలో పెట్టుబడి పెడుతుంది. ఇది ఆదాయాన్ని సంపాదించడానికి డెట్, మనీ మార్కెట్ సాధనాల్లో పెట్టుబడి పెడుతుంది. ఈ ప్లాన్కు ఐదేళ్ల కంటే తక్కువ లేదా బిడ్డ మేజర్ అయ్యే వరకు లాక్-ఇన్ పీరియడ్ ఉంటుంది. ఈ మ్యూచువల్ ఫండ్ పెట్టుబడి తమ పిల్లల భవిష్యత్ అవసరాల కోసం పొదుపు కోసం ఎదురు చూస్తున్న తల్లిదండ్రులకు అమూల్యమైన సాధనమని మార్కెట్ రంగ నిపుణులు పేర్కొంటున్నారు.
ఎస్బీఐ మాగ్నమ్ చిల్డ్రన్స్ బెనిఫిట్ ఫండ్ పోర్ట్ఫోలియో
ఆగస్ట్ 31, 2023న ఈ ఫండ్కు సంబంధించిన ఏయూఎం రూ. 1,182.26 కోట్లుగా నమోదైంది. ప్రత్యేకంగా ఏయూఎం దేశీయ, విదేశీ సెక్యూరిటీలను కలిగి ఉన్న 29 కంపెనీల్లో మాత్రమే విస్తరించి ఉంది. పోర్ట్ఫోలియోకు సంబంధించిన మొదటి ఐదు రంగాలు ఆర్థిక సేవలు, రసాయనాలు, ఎఫ్ఎంసీజీ, ఐటీ, కన్జ్యూమర్ డ్యూరబుల్స్, ఇవి పోర్ట్ఫోలియోలో 65.03 శాతంగా ఉన్నాయి. ఈ స్కీమ్కు ప్రాథమిక బెంచ్మార్క్ సీఆర్ఐఎస్ఐఎల్ హైబ్రిడ్ 35+65 అగ్రెసివ్ ఇండెక్స్గా ఉంది. ముఖ్యంగా విభిన్న నైపుణ్యం కలిగిన అనుభవజ్ఞులైన ఫండ్ మేనేజర్ల బృందంచే ఈ ఫండ్ నిర్వహిస్తున్నారు. ఈ బృందం బాగా సమతుల్యతతో, వృద్ధి వైపు దృష్టి సారించే పెట్టుబడి విధానాన్ని నడిపిస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
