Samsung Mobile: శాంసంగ్ సరికొత్త ట్రై ఫోల్డ్ ఫోన్! రెండు సార్లు మడత పెట్టొచ్చు! డిజైన్ మాత్రం సూపర్!

ఫోల్డబుల్ ఫోన్స్ లో కొత్త డిజైన్ ను తెరతీస్తూ శాంసంగ్ ట్రై ఫోల్డ్ ఫోన్ ను తీసుకురాబోతోంది. ఈ ఫోన్ మడత పెడితే 6 అంగుళాల మొబైల్ లా ఉంటుంది. ఓపన్ చేస్తే ట్యాబ్ అంత సైజులోకి మారిపోతుంది. ఈ ఏడాది చివరి నాటికి శాంసంగ్ తన మొట్టమొదటి ట్రైఫోల్డ్ ఫోన్‌ను విడుదల చేయనుందినున్నట్లు టెక్ వర్గాల్లో టాక్ నడుస్తోంది. ఈ ఫోన్ గురించిన మరిన్ని డీటెయిల్స్ లోకి వెళ్తే..

లార్జెస్ట్ డిస్‌ప్లే

శాంసంగ్ గెలాక్సీ  జెడ్ ఫోల్డ్‌(Galaxy Z Fold) మొబైల్ త్రీ-ఫోల్డింగ్ డిజైన్‌‌తో వస్తుంది. ఇది పూర్తిగా తెరిచినప్పుడు 10 అంగుళాల కంటే పెద్ద అమోలెడ్ స్క్రీన్‌ గా మారుతుంది. ఇది యూజర్లకు ట్యాబ్ వంటి అనుభవాన్ని అందిస్తుంది. ఫోన్ ను మడిచినప్పుడు కవర్ డిస్‌ప్లే 6.5-అంగుళాలు ఉంటుంది.

స్పెసిఫికేషన్లు

ఇక ఫోన్ ఫీచర్ల విషయానికొస్తే ఇందులో స్నాప్‌డ్రాగన్ 8 ఎలైట్ ప్రాసెసర్ ఉండే అవకాశం ఉంది. ట్రై-ఫోల్డ్ డిజైన్ కారణంగా, ఇది రెండు లేదా మూడు బ్యాటరీ యూనిట్లు కలిగి ఉండొచ్చు. మొత్తం బ్యాటరీ కెపాసిటీ 6000mAh కంటే ఎక్కువగా ఉంటుందని అంచనా. కెమెరా విషయానికొస్తే ఇందులో 200MP ప్రైమరీ కెమెరా, అల్ట్రా-వైడ్, టెలిఫోటో లెన్స్‌లను కలిగి ఉంటుంది.

ధరలు

శాంసంగ్ ట్రై ఫోల్డ్ ఫోన్ గురించిన అఫిషియల్ డీటెయిల్స్ ఇంకా రాలేదు. అయితే ఈ ఫోన్ మొదటగా చైనా, కొరియా మార్కెట్లలో లాంచ్ అవుతుంది. ఆ తర్వాత ఇండియాలో లాంచ్ అయ్యే అవకాశం ఉంది. ఇక ఈ ఫోన్ ధర సుమరు రూ.3,000 డాలర్లు అంటే సుమారు రూ. 2,64,000 వరకూ ఉండొచ్చు.