Multibagger stock: ఇన్వెస్టర్లపై కాసుల వర్షం కురిపించిన స్టాక్.. లక్ష రూపాయలు పెట్టుబడి పెడితే రూ.82 లక్షలు..

పెన్నీ స్టాక్‌లలో పెట్టుబడి పెట్టడం చాలా ప్రమాదకరం ఎందుకంటే అవి ఎప్పుడు పెరుగుతాయో ఎప్పుడు తగ్గుతాయో తెలియదు...

Stock Market

Srinivas Chekkilla |
Updated on: Feb 13, 2022 | 2:39 PM

పెన్నీ స్టాక్‌లలో పెట్టుబడి పెట్టడం చాలా ప్రమాదకరం ఎందుకంటే అవి ఎప్పుడు పెరుగుతాయో ఎప్పుడు తగ్గుతాయో తెలియదు. కానీ ఇలాంటి స్టాక్‌లు మల్టీ రిటర్న్స్ ఇస్తాయి. ఇలాంటి మల్టీ రిటర్న్స్ ఇస్తున్న స్టాక్‌ల్లో సింధు ట్రేడ్ లింక్స్ లిమిటెడ్ ఒకటి. ఈ మిడ్-క్యాప్ స్టాక్ కొన్నేళ్లుగా దాని పెట్టుబడిదారులకు అద్భుతమైన రాబడిని ఇస్తోంది. ఈ కంపెనీ షేరు విలువ 5 సంవత్సరాలలో రూ.1.69 (BSEలో 17 ఫిబ్రవరి 2017న ముగింపు ధర) నుండి రూ.139.25 (BSEలో 11 ఫిబ్రవరి 2022న ముగింపు ధర) ఒక్కో స్థాయికి పెరిగింది. ఈ కాలంలో దాదాపు 8100 శాతం పెరుగుదలను నమోదు చేసింది.

సింధు ట్రేడ్ లింక్స్ లిమిటెడ్‌లో నెల క్రితం రూ. 1 లక్ష పెట్టుబడి పెట్టి ఉంటే దాని విలువ ఇప్పుడు1.60 లక్షలకు చేరి ఉండేది. ఒక పెట్టుబడిదారుడు 6 నెలల క్రితం ఈ మల్టీబ్యాగర్ పెన్నీ స్టాక్‌లో రూ.1 లక్ష పెట్టుబడి పెడితే దాని విలువ ఇప్పుడు రూ.14.50 లక్షలకు చేరేది. ఒక సంవత్సరం క్రితం స్టాక్‌లో లక్ష రూపాయలు పెడితే దాని విలువ ఈరోజు ₹21 లక్షలకు చేరి ఉండేది. ఇందులో 5 సంవత్సరాల 1 లక్ష పెట్టుబడి పెట్టి ఉండే ఇప్పుడు ఆ లక్ష రూపాయల విలువ రూ. 82 లక్షలకు చేరి ఉండేది.

Note: స్టాక్‌ మార్కెట్‌లో పెట్టుబడి పూర్తిగా నష్టభయంతో కూడుకున్నది. మల్టీబ్యాగర్‌ స్టాక్స్‌ని గుర్తించడానికి చాలా నైపుణ్యం కావాలి. పైన ఇచ్చిన సమాచారం కేవలం అవగాహన కోసం మాత్రమే ఇచ్చాం.