Women Investment: మహిళలపై కీలక సర్వే.. అంత్యంత ఇష్టపడేది వేటినో తెలుసా..?

సాంప్రదాయకంగా భారతీయులు పెట్టుబడికి రియల్ ఎస్టేట్, బంగారాన్ని ఎంచుకుంటున్నారు. ప్రాపర్టీ కన్సల్టింగ్ సంస్థ అనరాక్ నిర్వహించిన సర్వే ప్రకారం.. 2024 ద్వితీయార్థంలో 70 శాతం మంది మహిళలు రియల్ ఎస్టేట్ అత్యంత ఇష్టపడే పెట్టుబడి ఆస్తి అని తేలింది. అదే సమయంలో 2022 రెండవ భాగంలో ఇది 65 శాతం, కోవిడ్ ముందు కాలంలో అంటే 2019 సంవత్సరం రెండవ భాగంలో ఈ సంఖ్య 57 శాతంగా ఉంది. 2024 ద్వితీయార్థంలో స్టాక్ మార్కెట్‌లో పెట్టుబడులు పెట్టడానికి మహిళల ప్రాధాన్యత కేవలం 2 శాతానికి పడిపోయింది. 2022 ద్వితీయార్థంలో ఈ సంఖ్య 20 శాతం ఎక్కువగా ఉంది.

రియల్ ఎస్టేట్ తర్వాత బంగారంలో పెట్టుబడి పెట్టండి:

2022 సంవత్సరంలో స్టాక్ మార్కెట్‌లో వచ్చిన వృద్ధితో పోలిస్తే ఇటీవలి నెలల్లో స్టాక్ మార్కెట్‌లో క్షీణత దృష్ట్యా, మహిళలు నివాస రంగంలో పెట్టుబడులు పెట్టడానికి ఖచ్చితంగా ముందుకు వచ్చి విజయం సాధించారని అనరాక్ చైర్మన్ అనుజ్ పూరి అన్నారు. రియల్ ఎస్టేట్ తర్వాత మహిళలు పెట్టుబడి పెట్టడానికి ఎక్కువ ఆసక్తి చూపిన ఆస్తి తరగతి బంగారం. మహిళా పెట్టుబడిదారులలో బంగారం పట్ల ఆదరణ 2022 రెండవ భాగంలో 8 శాతం నుండి 2024 రెండవ భాగంలో 12 శాతానికి కొద్దిగా పెరిగింది.

ప్రీమియం లేదా లగ్జరీ ఇళ్లకు ప్రాధాన్యత:

మహిళా గృహ కొనుగోలుదారుల బడ్జెట్ ప్రాధాన్యతలను కూడా సర్వే ట్రాక్ చేసింది. 2024 ద్వితీయార్థంలో కనీసం 52 శాతం మంది మహిళలు రూ. 90 లక్షల కంటే ఎక్కువ ధర గల ప్రీమియం లేదా లగ్జరీ ఇళ్లను ఇష్టపడ్డారు. 2022 ద్వితీయార్థంలో దాదాపు 47 శాతం మంది మహిళాలు ఈ బడ్జెట్ విభాగాన్ని ఎంచుకున్నారు.

గృహ కొనుగోలు చేయాలనుకుంటున్న మహిళా కొనుగోలుదారులలో కనీసం 33 శాతం మంది రూ. 90 లక్షల నుంచి రూ. 1.5 కోట్ల మధ్య ధర గల ఆస్తుల కోసం చూస్తున్నారని సర్వేలో తేలింది. అయితే 11 శాతం మంది రూ. 1.5 కోట్ల నుంచి రూ. 2.5 కోట్ల మధ్య ధర గల ఇళ్లను ఇష్టపడుతున్నారు. ఆసక్తికరంగా కనీసం 8 శాతం మంది రూ.2.5 కోట్ల కంటే ఎక్కువ ధర గల ఇళ్లను కొనడానికి ఇష్టపడుతున్నారు.

సర్వేలో పాల్గొన్న మహిళల్లో 18 శాతం కంటే ఎక్కువ మంది ఇప్పుడు నిర్మాణంలో ఉన్న ఇళ్లకే ప్రాధాన్యత ఇస్తున్నారు. 2022 రెండవ అర్ధభాగంలో ఈ సంఖ్య 10 శాతంగా ఉంది. 2022 ద్వితీయార్థంలో 48 శాతంగా ఉన్న రెడీ-టు-మూవ్-ఇన్ ఇళ్లకు ప్రాధాన్యత 2024 ద్వితీయార్థంలో 29 శాతానికి తగ్గింది.

సర్వేలోని ముఖ్యాంశాలు:

• 70 శాతం మంది మహిళలు పెట్టుబడి కోసం నివాస రియల్ ఎస్టేట్‌ను ఇష్టపడుతున్నారు.
• స్టాక్ మార్కెట్ పట్ల ఆకర్షణ తగ్గింది. రెండేళ్ల క్రితం 20 శాతం మంది మహిళలు దీన్ని ఇష్టపడగా, ఇప్పుడు 2 శాతం మంది మాత్రమే దీన్ని ఇష్టపడుతున్నారు.
• 18 శాతం మంది మహిళలు కొత్తగా ప్రారంభించిన ఇళ్లను కొనేందుకు ఇష్టపడుతున్నారట. గతంలో ఈ సంఖ్య 10 శాతంగా ఉంది.
• 52 శాతం కంటే ఎక్కువ మంది మహిళలు రూ.90 లక్షల కంటే ఎక్కువ ధర కలిగిన ప్రీమియం, లగ్జరీ ఇళ్లను ఇష్టపడుతున్నారు.

మరిన్ని బిజినెస్ వార్తల కోసం ఇక్కడ క్లిక్ చేయండి