Awas Yojana: ఈ పథకం ద్వారా ఇల్లు నిర్మించుకుంటున్నారా? ఈ పొరపాట్లు చేస్తే సబ్సిడీ కట్!
మధ్యతరగతి ప్రజలకు సరసమైన గృహ సౌకర్యాలను అందించడానికి ఉద్దేశించిన ప్రతిష్టాత్మక ప్రభుత్వ పథకం. దీని కింద అర్హులైన లబ్ధిదారులకు ఇల్లు కొనడానికి లేదా నిర్మించుకోవడానికి సబ్సిడీ ఇస్తారు. అయితే, లబ్ధిదారులు ప్రభుత్వం పేర్కొన్న కొన్ని ముఖ్యమైన షరతులను అనుసరించకపోతే ఈ పథకం కింద..
Updated on: Oct 08, 2024 | 12:11 PM
ప్రధాన్ మంత్రి ఆవాస్ యోజన (PMAY) అనేది దేశంలోని దిగువ, మధ్యతరగతి ప్రజలకు సరసమైన గృహ సౌకర్యాలను అందించడానికి ఉద్దేశించిన ప్రతిష్టాత్మక ప్రభుత్వ పథకం. దీని కింద అర్హులైన లబ్ధిదారులకు ఇల్లు కొనడానికి లేదా నిర్మించుకోవడానికి సబ్సిడీ ఇస్తారు. అయితే, లబ్ధిదారులు ప్రభుత్వం పేర్కొన్న కొన్ని ముఖ్యమైన షరతులను అనుసరించకపోతే ఈ పథకం కింద ఇచ్చే సబ్సిడీ మొత్తాన్ని కూడా ప్రభుత్వం ఉపసంహరించుకోవచ్చు. మీరు ఏ తప్పులను దృష్టిలో ఉంచుకుని నివారించవచ్చో తెలుసుకుందాం.
లోన్ డిఫాల్ట్ చేయనివ్వవద్దు:
ప్రధాన్ మంత్రి ఆవాస్ యోజన కింద సబ్సిడీ ప్రయోజనం లబ్ధిదారుడు బ్యాంకు లేదా ఆర్థిక సంస్థ నుండి తీసుకున్న గృహ రుణాన్ని క్రమం తప్పకుండా చెల్లించినట్లయితే మాత్రమే పొందవచ్చు. లబ్ధిదారుడు రుణ వాయిదాలను సకాలంలో చెల్లించకపోతే, డిఫాల్ట్ అయితే, ప్రభుత్వం సబ్సిడీని ఉపసంహరించుకోవచ్చు. లోన్ డిఫాల్ట్ మీ క్రెడిట్ స్కోర్ను మరింత దిగజార్చడమే కాకుండా, మీరు ప్రధాన్ మంత్రి ఆవాస్ యోజన సబ్సిడీని కూడా కోల్పోవచ్చు. మీరు మీ రుణ వాయిదాలను సకాలంలో చెల్లించడం చాలా ముఖ్యం.
మీరు ఇంటిని నిర్మించే లేదా కొనుగోలు చేసే ప్రక్రియను పూర్తి చేసినప్పుడు PMAY కింద సబ్సిడీ ప్రయోజనం లభిస్తుంది. లబ్ధిదారుడు ఏ కారణం చేతనైనా ఇంటి నిర్మాణ పనులను ఆపివేస్తే లేదా అసంపూర్తిగా వదిలేస్తే, సబ్సిడీని ఉపసంహరించుకునే హక్కు ప్రభుత్వానికి ఉంటుంది. దీని వెనుక ఉన్న ప్రధాన లక్ష్యం ఏమిటంటే, ఈ పథకం ప్రయోజనాలను ఇల్లు నిర్మించడానికి లేదా కొనుగోలు చేయడానికి ఉద్దేశించిన వ్యక్తులు మాత్రమే పొందాలి. మీరు ఎలాంటి అక్రమాలకు పాల్పడినా చర్యలు చేపడతారు. అందువల్ల ఇంటి నిర్మాణం సక్రమంగా, సమయానికి పూర్తయ్యేలా చూసుకోండి.
ఇంటిని ఖాళీగా ఉంచడం లేదా అద్దెకు ఇవ్వడం
పేద, మధ్యతరగతి కుటుంబాలు నివసించడానికి సొంత ఇల్లు పొందేలా చూడడమే ప్రధాన మంత్రి ఆవాస్ యోజన లక్ష్యం. ఒక లబ్ధిదారుడు పథకం కింద సబ్సిడీ పొందిన తర్వాత ఇంటిని కొనుగోలు చేసినా, ఆ ఇంట్లో తాను నివసించకపోయినా లేదా అద్దెకు ఇచ్చినట్లయితే ప్రభుత్వం పథకం దుర్వినియోగం అవుతున్నట్లు భావించవచ్చు. అటువంటి సందర్భాలలో సబ్సిడీని ఉపసంహరించుకోవచ్చు. లబ్ధిదారుడు స్వయంగా ఇంట్లోనే నివసిస్తూ వ్యక్తిగతంగా వినియోగించుకోవడం తప్పనిసరి. అందుకే ఈ పథకం పొంది ఇంటిని నిర్మించినట్లయితే ముందుగా నియమ నిబంధనలు తెలుసుకోవడం చాలా ముఖ్యం
మరిన్ని బిజినెస్ వార్తల కోసం ఇక్కడ క్లిక్ చేయండి
