Petrol Price: పెట్రోల్‌, డీజిల్‌ ధరలు తగ్గనున్నాయా? పెట్రోలియం మంత్రి చెప్పిందేమిటి?

ఇరాన్ – ఇజ్రాయెల్ మధ్య కొనసాగుతున్న వివాదం మధ్య భారతదేశంలో పెట్రోల్, డీజిల్ ధరలను తగ్గించడానికి ప్రభుత్వం స్పందించింది. అప్పటి నుంచి ఇరాన్, ఇజ్రాయెల్ మధ్య వివాదం మొదలైంది. ముడి చమురు ధరల్లో 10 శాతం పెరుగుదల కనిపించింది. అంతర్జాతీయ మార్కెట్‌లో గల్ఫ్ దేశాల ముడి చమురు బ్యారెల్‌కు 78 డాలర్లు దాటింది. గత నెల చివరి వారంలో బ్యారెల్‌కు $ 70 దిగువకు చేరుకుంది. ఈ మొత్తం వ్యవహారంలో ఆ దేశ పెట్రోలియం శాఖ మంత్రి హర్దీప్ సింగ్ పూరీ ఏం చెప్పారో చూద్దాం.

పశ్చిమాసియాలో పెరుగుతున్న సంక్షోభం కారణంగా గ్లోబల్ క్రూడ్ ఆయిల్ ధరలు పెరుగుతుండటంతో భారత్ పరిస్థితిని నిశితంగా పరిశీలిస్తోందని, ఎలాంటి సవాళ్లనైనా ఎదుర్కొంటామని పెట్రోలియం, సహజవాయువు మంత్రి హర్దీప్ సింగ్ పూరి సోమవారం తెలిపారు. అంతర్జాతీయంగా చమురు ధరలు బ్యారెల్‌కు US $ 70 నుండి $ 78 కంటే ఎక్కువగా పెరిగాయి. ఎక్సాన్‌మొబిల్ గ్లోబల్ ఔట్‌లుక్ 2024లో మంత్రి పూరి మాట్లాడుతూ, మేము పరిస్థితిని నిశితంగా పరిశీలిస్తున్నామని చెప్పారు.

పశ్చిమాసియాలో ఉద్రిక్తత పెరిగితే ఇంధన లభ్యతపై ప్రభావం పడవచ్చని అన్నారు. కానీ సరఫరా ఇంకా ప్రభావితం కాలేదు. ప్రపంచంలోని మూడవ అతిపెద్ద చమురు వినియోగదారు, దిగుమతిదారు అయిన భారతదేశం ఎటువంటి పరిస్థితినైనా ఎదుర్కోగలదని పూర్తిగా నమ్మకంగా ఉందన్నారు. చమురు కొరత లేదని, భారత్ తన అవసరాలను తీర్చగలదన్న నమ్మకం ఉందని పూరీ అన్నారు.

పెట్రోల్, డీజిల్ ధరలు ఎప్పుడు తగ్గుతాయి?

చమురు ధరలను తగ్గించే అవకాశం గురించి అడిగిన ప్రశ్నకు మంత్రి సమాధానం ఇచ్చారు. ఇంధన ధరలను తగ్గించే అంశంపై దేశంలోని ఆయిల్ మార్కెటింగ్ కంపెనీలు (ఓఎంసీలు) నిర్ణయం తీసుకుంటాయని తెలిపారు. పరిస్థితి మరింత దిగజారకుండా చూసుకోవాలని చెప్పారు. పరిస్థితిని జాగ్రత్తగా పర్యవేక్షిస్తున్నామన్నారు. కొంతకాలం క్రితం వరకు పెట్రోల్, డీజిల్ ధరలు తగ్గుతాయని అంచనాలు ఉన్నాయి. అయితే ఇటీవల పెరిగిన ధరల కారణంగా దీనికి అడ్డుకట్ట పడింది. గత వారం పెరుగుదలకు ముందు, రేటింగ్ ఏజెన్సీ ICRA పెట్రోల్, డీజిల్ ధరలలో లీటరుకు రెండు-మూడు రూపాయల తగ్గింపుకు అవకాశం ఉందని పేర్కొంది.

మరిన్ని బిజినెస్ వార్తల కోసం ఇక్కడ క్లిక్ చేయండి