Debt Average: ఆ రాష్ట్ర ప్రజలు అప్పును నిప్పులా చూస్తారు.. మరి మనోళ్ళ సంగతి వింటే..

అప్పుచేసి పప్పుకూడు తినడం అనేది ఓ నానుడి. అలాగే, అప్పిచ్చే వాడు.. వైద్యుడు లేని చోట ఉండకూడదనీ మనకు ఓ సామెత ఉంది. ఇవన్నీ పాత కాలం నాటి ముచ్చట్లు.

Debt Average: ఆ రాష్ట్ర ప్రజలు అప్పును నిప్పులా చూస్తారు.. మరి మనోళ్ళ సంగతి వింటే..
Debt Rate In India

Debt Average: అప్పుచేసి పప్పుకూడు తినడం అనేది ఓ నానుడి. అలాగే, అప్పిచ్చే వాడు.. వైద్యుడు లేని చోట ఉండకూడదనీ మనకు ఓ సామెత ఉంది. ఇవన్నీ పాత కాలం నాటి ముచ్చట్లు. ఇప్పుడు అప్పు చేయండి.. ఖర్చు పెట్టండి అనేది సర్వత్రా వినిపించే విధానం. రోడ్ల మీద టెంట్లు వేసి మరీ అప్పు తీసుకోండి.. తరువాత చెల్లించండి అని బోర్డులు పెట్టి జనం వెనుక పడుతున్న సంస్థలు కోకొల్లలు. అప్పులు.. అవి తెచ్చే తిప్పలు అనే మాట పక్కన పెడితే.. చదువుల దగ్గర నుంచి చావుల వరకూ అన్ని కారణాలకూ అప్పు ఇవ్వడం ఆధునిక విధానం.

అప్పు చేయడం సర్వత్రా ఆమోదయోగ్యమైన విషయం. అంతెందుకు.. మన పరపతికి ప్రభుత్వమే కొలమానం విధించి.. క్రెడిట్ స్కోర్ ఇస్తున్న పరిస్థితి ఉంది. అందువల్ల తప్పనిసరి అప్పు తప్పు కాదు. అలా అని పప్పుకూడు కోసం చేసే అప్పు మాత్రం తిప్పలు తెస్తుంది కచ్చితంగా. ఇప్పుడు ఇదంతా ఎందుకనే కదా మీ డౌటు.. అక్కడికే వచ్చేస్తున్నాం.. మన దేశంలో ప్రజలకు సగటున తలసరి ఆస్తి ఎంత ఉంది? సగటున తలసరి అప్పు ఎంత ఉంది? ఈ విషయాలను ఇటీవల కాలంలో ఓ సర్వేలో తేల్చారు. ఆ సర్వేలో తేలిన అంశాల లెక్కలు చెప్పడం కోసమే ఇదంతా చెప్పాం. ఇక ఆ సర్వే లెక్కలు చూద్దాం..

మన దేశంలో జార్ఖండ్, ఛత్తీస్‌గఢ్, బీహార్ ప్రజలు అతి తక్కువ రుణాలు తీసుకుంటారు. అదేవిధంగా రుణాలు తీసుకోవడంలో దక్షిణ భారతదేశ రాష్ట్రాలు ముందున్నాయి. ఇటీవల విడుదల చేసిన ఆల్ ఇండియా క్రెడిట్ అండ్ ఇన్వెస్ట్‌మెంట్ సర్వే నివేదికలో ఈ సమాచారం తెరపైకి వచ్చింది. దీని ప్రకారం, జార్ఖండ్ గ్రామీణ ప్రాంతంలో సగటు ఆస్తి 860 రూపాయలు. కాగా, రుణం మాత్రం 10 రూపాయలే! దక్షిణ భారత రాష్ట్రమైన కేరళలో ప్రతి వ్యక్తికి రూ .241 అప్పు ఉంది. బీహార్-యుపి పట్టణ ప్రాంతాల గురించి మాట్లాడుకుంటే, ఇక్కడి ప్రజలు రుణాలు తీసుకోవడం మానుకుంటున్నారు.

బీహార్‌లో సగటు అప్పు 1.5 శాతం మాత్రమే. అంటే రూ .2,484 సగటు ఆస్తులకు వ్యతిరేకంగా కేవలం రూ. 37 అప్పు మాత్రమే ఉంది. అదే సమయంలో, ఆంధ్రప్రదేశ్ ప్రజలు పట్టణ ప్రాంతంలో గరిష్ట రుణం తీసుకుంటారు. దాని తరువాత కేరళ, తెలంగాణ ఉన్నాయి. ఆంధ్రప్రదేశ్‌లో 1,712 ఆస్తిపై రూ .163 అప్పు ఉంది. అంటే, తలసరి ఆదాయానికి వ్యతిరేకంగా 9.5 శాతం. ఈ నివేదికలో, చెప్పిన రుణాలు బ్యాంక్ లేదా ఏదైనా సంస్థ నుండి తీసుకున్నవి. సగటు ఆస్తుల గురించి చెప్పుకోవలసి వస్తే ఒడిశా దేశంలో అతి తక్కువ తలసరి సగటు ఆస్తి రూ .532 వద్ద ఉంది. కానీ ప్రతి వ్యక్తి రూ .31 రుణం తీసుకున్నాడు, అంటే ఆస్తికి వ్యతిరేకంగా 5.8%.

మరోవైపు, హర్యానా, ఉత్తరప్రదేశ్, మధ్యప్రదేశ్ రాష్ట్రాల ప్రజలు రుణాలు తీసుకోవడానికి వెనుకాడుతున్నారు. ఈ రాష్ట్రాల ప్రజలపై సగటు రుణ శాతం 2.5%. దేశ సగటు విషయానికి వస్తే, గ్రామీణ ప్రాంత ప్రజల సగటు ఆస్తి రూ .1592. ఉంది. అలాగే, ప్రతి వ్యక్తికి సగటున రూ .60 రుణం ఉంది అంటే ఆస్తికి వ్యతిరేకంగా 3.8% ఋణం ఉంది. అదే సమయంలో, నగరాల్లో 2,717 సగటు ఆస్తికి వ్యతిరేకంగా, రుణం రూ .120 అంటే సగటున 4.4%.

Also Read: Narendra Giri: నరేంద్రగిరి సూసైడ్‌ కేసులో మరో ట్విస్ట్‌.. సెల్‌ఫోన్‌లో సెల్ఫీ వీడియో.. అందులో ఏముందంటే..

Blue Flag: దేశంలో మరో రెండు బీచ్‌లకు బ్లూ ఫ్లాగ్ సర్టిఫికేట్.. మొత్తం పదికి చేరిన అంతర్జాతీయ స్థాయి సాగరతీరాలు!

Read Full Article

Click on your DTH Provider to Add TV9 Telugu