Maruti Suzuki Fronx vs Baleno: మారుతీ సుజుకీ ఫ్రాంక్స్ vs బలెనో రెండింటిలో ఏది బెస్ట్ కారు… ధర, ఫీచర్స్ వివరాలివే!!
మారుతి సుజుకి తన కొత్త SUV ఫ్రాంక్స్ను మార్కెట్ లో పరిచయం చేసింది. దీనిని కంపెనీ తన Nexa షోరూమ్ నుంచి విక్రయిస్తోంది.
మారుతి సుజుకి తన కొత్త SUV ఫ్రాంక్స్ను మార్కెట్ లో పరిచయం చేసింది. దీనిని తన Nexa షోరూమ్ నుంచి విక్రయిస్తోంది. అయితే ఈ కారు Nexa నుంచే విడుదలైన మరొక కారు మారుతి బాలెనో నుండి గట్టి పోటీని ఎదుర్కోవడం విశేషం. కొత్త ఫ్రాంక్స్ కూడా బాలెనో తరహాలోనే ఉంది. ఇది హ్యాచ్బ్యాక్ కారుకు SUV వెర్షన్ అని నిపుణులు చెబుతున్నారు. అయితే ఈ రెండు కార్ల మధ్య తేడాలేంటో తెలుసుకుందాం.
Maruti Suzuki Fronx vs Maruti Suzuki Baleno:
కొత్త తరం బాలెనో పెద్ద గ్రిల్ , స్వెప్ట్బ్యాక్ హెడ్ల్యాంప్లతో మరింత అట్రాక్టివ్ గా కనిపిస్తోంది.. Fronx SUV ఫ్రంట్ ఫేసింగ్ చాలా సన్నగా ఉండే DRLలు, హెడ్ల్యాంప్లతో పాటు మందపాటి క్రోమ్ స్ట్రిప్ , పెద్ద గ్రిల్తో గ్రాండ్ విటారాతో సమానంగా కనిపిస్తోంది. ఫ్రంక్స్ డిజైన్ విషయానికి వస్తే వాలుగా ఉన్న బ్యాక్, కనెక్ట్ చేసిన LED టెయిల్-ల్యాంప్లు ఇతర కార్ల నుండి దీనిని ప్రత్యేకంగా కనిపించేలా చేస్తున్నాయి. ఈ కారు డిజైన్ , స్టైలింగ్ కూపే SUV లాగా తయారు చేసింది. Fronx కారు.. బాలెనో కంటే పొడవుగా, వెడల్పుగా ఉంది. కానీ ఒకే వీల్బేస్ మాత్రం రెండింటికి ఒకేలా ఉంది.
ఇంటర్నల్ డిజైన్ ఎలా ఉందంటే..
కొత్త ఫ్రాంక్స్ , బాలెనో ఇంటీరియర్లు దాదాపు ఒకేలా ఉన్నాయి, అయితే ఫ్రంక్స్ లేఅవుట్ మాట్టే/సిల్వర్ యాక్సెంట్లతో కొత్త పెయింట్ స్కీమ్తో కొద్దిగా భిన్నంగా ఉంది. బాలెనో , టోటల్ బ్లాక్ లుక్తో పోలిస్తే లోపలి ఫ్రంట్లు ఎరుపు/నలుపు థీమ్ను కలిగి ఉన్నాయి. రెండు కార్లు హెడ్-అప్ డిస్ప్లే, 9-ఇంచెస్ టచ్స్క్రీన్, కనెక్ట్ చేసిన కార్ టెక్, 360-డిగ్రీ కెమెరా, వైర్లెస్ ఛార్జింగ్తో పాటు అన్ని ఇతర ఫీచర్లను కలిగి ఉన్నాయి.
ఇంజిన్ పోలిక
బాలెనో, ఫ్రాంక్స్ 1.2L పెట్రోల్ AMT , మాన్యువల్ గేర్బాక్స్ను పొందుతాయి. కానీ ఫ్రాంక్స్లో 1.0 L టర్బో పెట్రోల్ ఇంజన్ , మరొక ఆప్షన్ కూడా అందుబాటులో ఉంది. ఈ ఇంజన్తో 5-స్పీడ్ మాన్యువల్ , 6-స్పీడ్ ఆటోమేటిక్ ఆప్షన్ తో వస్తోంది.
ఏ కారు కొనడం మంచిది?
మారుతి బాలెనో ఎక్స్-షోరూమ్ ధర రూ.6.5 లక్షల నుండి మొదలై రూ.9.7 లక్షల వరకు ఉంటుంది. కాగా ఫ్రాంక్స్ ధర రూ.7 లక్షల నుంచి రూ.10 లక్షల వరకు ఉంటుంది. దీన్ని బట్టి చూస్తే ఫ్రాంక్స్ కారు కొనుగోలు చేయడం మరింత ప్రయోజనకరమని చెప్పవచ్చు. ఫీచర్స్ కంటే ధరను మాత్రమే పరిగణలోకి తీసుకుంటే మాత్రం బాలెనో ఒక బెస్ట్ ఆప్షన్ అవుతోంది.
మరిన్ని బిజినెస్ వార్తల కోసం