Gas Cylinder Price: మండుతోన్న బండ… మళ్లీ పెరిగిన గ్యాస్ సిలిండర్ ధర.. వారికి మాత్రం ఊరట!

అక్టోబర్ ఒకటో తేదీ వచ్చేసింది. ఓ షాకింగ్ న్యూస్ తెచ్చింది. అవును గ్యాండ బండ బరువు పెరిగింది. అలాగని గ్యాస్ వెయిట్ పెరిగింది అనుకునేరు. గ్యాస్ బండ ధరలు పెరిగాయి. ప్రతీ నెలా ఒకటో తేదీన ఆయిల్ కంపెనీలు గ్యాస్ సిలిండర్ ధరల్ని సవరిస్తూ ఉంటాయి. తాజాగా ఆయిల్ మార్కెటింగ్ కంపెనీలు మరోసారి ఎల్‌పీజీ ధరలను పెంచుతూ నిర్ణయం తీసుకున్నాయి. ధరల పెంపు నిర్ణయం ఈరోజు నుంచే అమలులోకి రానుంది.  దేశంలోని అతిపెద్ద ప్రభుత్వ యాజమాన్యంలోని చమురు కంపెనీ ఇండియన్ ఆయిల్ కార్పొరేషన్ (IOC) 19 కిలోల వాణిజ్య గ్యాస్ సిలిండర్ ధరను సిలిండర్‌కు రూ. 43.50 పెంచింది. సవరించిన రేట్ల ప్రకారం, దేశ రాజధాని ఢిల్లీలో 19 కిలోల వాణిజ్య గ్యాస్ సిలిండర్ ధర రూ .1693 నుంచి రూ .1736.50 కి పెరిగింది. అయితే ఇక్కడ ఊరట కలిగే అంశం ఒకటుంది. ఈసారి 19 కేజీల గ్యాస్ సిలిండర్  రేటు మాత్రమే పెరిగింది. సాధారణ ప్రజలు ఉపయోగించే 14.2 కేజీల గ్యాస్ సిలిండర్ ధర మాత్రం స్థిరంగానే కొనసాగింది. ప్రస్తుతం 14.2 కిలోల సిలిండర్ ధర ఢిల్లీలో రూ. 884.50, కోల్‌కతాలో రూ .911, ముంబైలో రూ .884.50, చెన్నైలో రూ. 900.50 గా ఉంది.

19 కిలోల వాణిజ్య గ్యాస్ సిలిండర్ కొత్త ధర

ప్రభుత్వ చమురు కంపెనీలు 19 కిలోల వాణిజ్య గ్యాస్ సిలిండర్ ధరను పెంచాయి. ఢిల్లీలో అత్యధికంగా సిలిండర్‌కి రూ. 43.50 పెరిగింది. ఢిల్లీలో 19 కిలోల వాణిజ్య గ్యాస్ ధర రూ .43.5 పెరిగి రూ .1736.5 కి చేరుకుంది. కోల్‌కతాలో వాణిజ్య గ్యాస్ సిలిండర్ ధర రూ. 35 పెరిగి రూ .1805.5 కి చేరుకుంది. ముంబైలో ధర రూ. 35.5 పెరిగి రూ .1685… చెన్నైలో రూ. 36.5 పెరిగి రూ. 1867.5 కి చేరుకుంది

LPG ధరను ఎలా చెక్ చేయాలి

LPG సిలిండర్ ధరను చెక్ చేయడానికి, మీరు ప్రభుత్వ చమురు కంపెనీ వెబ్‌సైట్‌కి వెళ్లాలి. ఇక్కడ కంపెనీలు ప్రతి నెలా కొత్త రేట్లు జారీ చేస్తాయి. మీరు https://iocl.com/Products/IndaneGas.aspx లింక్‌లో మీ నగరంలో గ్యాస్ సిలిండర్ల ధరను చెక్ చేయవచ్చు.

Also Read:  కలికాలం అంటే ఇదే కదా..! రైస్ కుక్కర్‌తో పెళ్లేంటి గురూ..!

ధోని ఖాతాలో మరో అరుదైన రికార్డ్.. ‘తలా’నా మజాకా.. ప్రశంసల జల్లు