Maruti Dzire: తక్కువ బడ్జెట్లో పెద్ద కారు.. కేవలం రూ. 50,000కే మారుతి డిజైర్.. ఎలాగంటే..
Maruti Dzire: డిజైర్ భారత్ NCAP నుండి 5-స్టార్ సేఫ్టీ రేటింగ్ను పొందింది. భద్రత కోసం 6 ఎయిర్బ్యాగులు, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ అసిస్ట్, ISOFIX చైల్డ్ సీట్ మౌంట్లు, టైర్ ప్రెజర్ మానిటరింగ్ సిస్టమ్ (TPMS)..
Updated on: Jun 12, 2025 | 1:35 PM
భారత మార్కెట్లో అత్యధికంగా అమ్ముడవుతున్న కంపెనీలలో మారుతి ఒకటి. నేటికీ చాలా మంది ఇళ్లలో మారుతి కారు ఉంటుంది. మీరు తక్కువ బడ్జెట్లో స్టైలిష్, పవర్ఫుల్ కారు కొనాలని కలలు కంటుంటే మారుతి సుజుకి డిజైర్ మీకు గొప్ప ఎంపిక కావచ్చు. ప్రత్యేకత ఏమిటంటే ఇప్పుడు మీరు దానిని కేవలం 50,000 రూపాయల డౌన్ పేమెంట్తో ఇంటికి తీసుకెళ్లవచ్చు. ఎలాగో తెలుసుకుందాం.
మారుతి డిజైర్ ఒక నమ్మకమైన సెడాన్:
మారుతి డిజైర్ భారతీయ మార్కెట్లో ఒక ప్రసిద్ధ సెడాన్. ఇది దాని సరసమైన ధర, గొప్ప మైలేజ్, గొప్ప లక్షణాలకు ప్రసిద్ధి చెందింది. ఈ కారు ముఖ్యంగా బడ్జెట్లో గొప్ప అనుభవాన్ని కోరుకునే కుటుంబాలకు ఉత్తమమైనదిగా చెప్పవచ్చు. మారుతి డిజైర్లో 1.2 లీటర్ పెట్రోల్ ఇంజిన్ ఉంది. ఇది దాదాపు 89 bhp శక్తిని, 111.7 Nm టార్క్ను ఉత్పత్తి చేస్తుంది. దీనికి మాన్యువల్, ఆటోమేటిక్ ట్రాన్స్మిషన్ ఎంపిక కూడా ఉంది. ఇక మైలేజ్ విషయానికొస్తే.. ఈ కారు పెట్రోల్ వేరియంట్లో లీటరుకు 22-24 కి.మీ మైలేజీని ఇస్తుంది.
కేవలం రూ.50,000 కి డిజైర్ ఎలా కొనాలి?
మీరు మొత్తాన్ని ఒకేసారి చెల్లించలేకపోతే ఫైనాన్స్ స్కీమ్ ఎంపిక మీకు సులభమైన మార్గం కావచ్చు. ఈ రోజుల్లో అనేక బ్యాంకులు, NBFC కంపెనీలు ఆకర్షణీయమైన కార్ లోన్ ప్లాన్లను అందిస్తున్నాయి. ఇవి తక్కువ డౌన్ పేమెంట్, సులభమైన EMI ఎంపికలను అందిస్తాయి. ఉదాహరణకు.. మీరు ఢిల్లీలో రూ. 7,73,806 లక్షల ఆన్-రోడ్ ధర కలిగిన మారుతి డిజైర్ బేస్ మోడల్ LXiని కొనుగోలు చేయాలనుకుంటే మీరు రూ. 50,000 డౌన్ పేమెంట్ చెల్లించడం ద్వారా కారును మీ సొంతం చేసుకోవచ్చు. మిగిలిన మొత్తాన్ని బ్యాంకు నుండి రుణంగా తీసుకోవచ్చు.
EMI ప్లాన్ ఎలా?
మీరు రూ.7,23,806 లక్షల రుణం తీసుకున్నారని అనుకుందాం.. వడ్డీ రేటు సంవత్సరానికి 9% అయితే మీ 5 సంవత్సరాల కాలానికి EMI నెలకు దాదాపు రూ.15,025 అవుతుంది. దానికి వడ్డీని కలిపితే మొత్తం లోన్ రూ.9,01,500 అవుతుంది. ఈ EMIలో కారు ధర, వడ్డీ, ప్రాసెసింగ్ ఫీజులు మొదలైనవి ఉంటాయి. మీకు కావాలంటే మీరు 3 నుండి 7 సంవత్సరాల వరకు EMI సమయాన్ని కూడా ఎంచుకోవచ్చు. దీని కారణంగా మీ నెలవారీ వాయిదా తక్కువగా లేదా ఎక్కువగా ఉండవచ్చు.
మారుతి డిజైర్ ఫీచర్స్:
డిజైర్ భారత్ NCAP నుండి 5-స్టార్ సేఫ్టీ రేటింగ్ను పొందింది. భద్రత కోసం 6 ఎయిర్బ్యాగులు, ఎలక్ట్రానిక్ స్టెబిలిటీ ప్రోగ్రామ్ (ESP), హిల్ హోల్డ్ అసిస్ట్, ISOFIX చైల్డ్ సీట్ మౌంట్లు, టైర్ ప్రెజర్ మానిటరింగ్ సిస్టమ్ (TPMS), 360-డిగ్రీ కెమెరా వంటి ఫీచర్లు అన్ని వేరియంట్లలో ప్రామాణికంగా అందించింది కంపెనీ.
ఇది కూడా చదవండి: Schools Holidays: ఈ ఏడాదిలో పాఠశాలలకు 83 రోజుల పాటు సెలవులు.. ప్రభుత్వం షెడ్యూల్ విడుదల!
మరిన్ని బిజినెస్ వార్తల కోసం ఇక్కడ క్లిక్ చేయండి
