Indian Railway: ఇక వీరు జూలై 1 నుంచి తత్కాల్‌ టికెట్లు బుక్‌ చేసుకోలేరు!

Indian Railway: ఆధార్ ప్రామాణీకరణ లేకుండా తత్కాల్ టిక్కెట్ల బుకింగ్‌ను నిషేధించాలని రైల్వే మంత్రిత్వ శాఖ పెద్ద నిర్ణయం తీసుకుంది. జూలై 1 నుండి కొత్త నిబంధన అమల్లోకి వస్తుందని రైల్వేలు తెలిపాయి. తత్కాల్ టిక్కెట్లను బుక్ చేసుకోవడానికి ఆధార్ కార్డు తప్పనిసరి..

Subhash Goud |
Updated on: Jun 12, 2025 | 10:30 AM

తత్కాల్ టిక్కెట్ల బుకింగ్‌లో భారతీయ రైల్వేలు పెద్ద మార్పు చేసింది. తత్కాల్ టిక్కెట్ల నిబంధనలను మార్చింది. ఇప్పుడు మీరు ఆధార్ కార్డ్, OTP లేకుండా తత్కాల్ టిక్కెట్లను బుక్ చేసుకోలేరు. జూలై 1, 2025 నుండి తత్కాల్ టిక్కెట్లను బుక్ చేసుకోవడానికి ఆధార్ ఆధారిత OTP అవసరమని రైల్వేలు స్పష్టం చేశాయి. అంటే మీ IRCTC ఖాతా ఆధార్‌తో లింక్ చేయకపోతే జూలై 1 నుండి మీరు తత్కాల్ టిక్కెట్లను బుక్ చేసుకోలేరు.

తత్కాల్ టికెట్ బుకింగ్‌కు కొత్త నిబంధన:

ఆధార్ ప్రామాణీకరణ లేకుండా తత్కాల్ టిక్కెట్ల బుకింగ్‌ను నిషేధించాలని రైల్వే మంత్రిత్వ శాఖ పెద్ద నిర్ణయం తీసుకుంది. జూలై 1 నుండి కొత్త నిబంధన అమల్లోకి వస్తుందని రైల్వేలు తెలిపాయి. తత్కాల్ టిక్కెట్లను బుక్ చేసుకోవడానికి ఆధార్ కార్డు తప్పనిసరి అని స్పష్టం చేశాయి. రైల్వే మంత్రి అశ్విని వైష్ణవ్ కూడా కొన్ని రోజుల క్రితం ట్వీట్ ద్వారా ఈ సమాచారాన్ని అందించారు. ఇప్పుడు రైల్వే మంత్రిత్వ శాఖ ఒక సర్క్యులర్ జారీ చేసింది. సర్క్యులర్ ప్రకారం.. ఆధార్ ధృవీకరణ ఉన్న వినియోగదారులు మాత్రమే IRCTC వెబ్‌సైట్ లేదా యాప్ ద్వారా టిక్కెట్లను బుక్ చేసుకోవచ్చు. దీని తర్వాత, జూలై 15 నుండి తత్కాల్ టిక్కెట్లను బుక్ చేసుకోవడానికి ఆధార్ ఆధారిత OTP ప్రామాణీకరణ తప్పనిసరి అవుతుంది.

బుకింగ్ ఏజెంట్లపై నియంత్రణ:

రైల్వే కొత్త నిబంధనల ప్రకారం.. రైల్వే టికెట్ ఏజెంట్లు తత్కాల్ టికెట్ బుకింగ్ ప్రారంభించడానికి 30 నిమిషాల ముందు వరకు టిక్కెట్లు బుక్ చేసుకోలేరు. తత్కాల్ కోసం ఏసీ కోచ్ సమయం ఉదయం 10 గంటలు, స్లీపర్ కోచ్ సమయం ఉదయం 11 గంటలు. తత్కాల్ టిక్కెట్లలో జరుగుతున్న మోసం తర్వాత రైల్వే కఠినమైన చర్యలు తీసుకుంది. ఐఆర్‌సీటీసీ ఖాతాను ఆధార్‌తో లింక్ చేయడం రైల్వే తప్పనిసరి చేసింది. మీ ఐఆర్‌సీటీసీ ఖాతా కూడా ఆధార్‌తో లింక్ చేయకపోతే వెంటనే చేయడం ఉత్తమం.

ఇవి కూడా చదవండి