LIC: ప్రపంచంలో మూడో అతిపెద్ద కంపెనీగా ఎల్ఐసీ.. ఈక్విటీపై అధిక రాబడి ఇస్తున్న బీమా కంపెనీ..

దేశంలోని అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా(LIC) దేశీయ మార్కెట్లో అత్యధికంగా 64.1 శాతం వాటాతో పాటు ఈక్విటీపై అత్యధికంగా 82 శాతం రాబడిని(roe) కలిగి ఉందని క్రిసిల్(Crisil) నివేదిక ప్రకారం తెలిపింది. LIC 2020లో దేశీయ మార్కెట్ వాటా 64.1 శాతానికి పైగా ఉంది. జీవిత బీమా ప్రీమియంల విషయంలో LIC ప్రపంచంలోనే మూడో అతిపెద్ద కంపెనీ. నవంబర్ 2021లో రూపొందించిన తన నివేదికలో క్రిసిల్ ఈ సమాచారాన్ని ఇచ్చింది. ఈ నివేదిక ఇంకా బహిరంగపరచబడలేదు.

LIC మార్కెట్ వాటా 2000 సంవత్సరానికి కంటే మందు 100 శాతంగా ఉండేది. 2016 నాటికి 71.8 శాతానికి తగ్గింది. 2020లో LIC మార్కెట్ వాటా 64.1 శాతానికి తగ్గింది. దేశంలో రెండో అతిపెద్ద జీవిత బీమా సంస్థ అయిన SBI లైఫ్ 2016లో కేవలం ఐదు శాతం మార్కెట్‌తో ఉండగా 2020లో ఎనిమిది శాతం మార్కెట్ వాటాను కలిగి ఉంది. నివేదిక ప్రకారం, స్థూల వ్రాత ప్రీమియం (GWP)లో 64.1 శాతం లేదా $56.045 బిలియన్లతో LICకి ఉన్న మార్కెట్ వాటా ప్రపంచంలో ఏ ఇతర కంపెనీకి లేదు. మార్చి 2021 నాటికి, LICకి 13.5 లక్షల ఏజెంట్లు ఉన్నారు. ఇది దేశంలోని మొత్తం ఏజెంట్ నెట్‌వర్క్‌లో 55 శాతం. రెండో అతిపెద్ద జీవిత బీమా సంస్థ అయిన SBI లైఫ్ కంటే 7.2 రెట్లు ఎక్కువ.

2020-21 ఆర్థిక సంవత్సరంలో SBI లైఫ్ మార్కెట్ వాటా 8 శాతం మాత్రమే కాగా, LICది 64.1 శాతంగా ఉంది. అయితే, లాభాల పరంగా LIC 2020-21 ఆర్థిక సంవత్సరంలో కేవలం రూ. 40.6 కోట్ల నికర ఆదాయంతో చాలా వెనుకబడి ఉంది. ఎల్‌ఐసీ, పాలసీబజార్‌ మధ్య ఒప్పందం కుదిరింది. దీని కింద, రెండూ వినియోగదారులకు విస్తృత శ్రేణి టర్మ్ ఇన్సూరెన్స్, పెట్టుబడి ఉత్పత్తులను అందిస్తాయి.

ఐపీఓ తీసుకురావడానికి సిద్ధమవుతున్న లైఫ్ ఇన్సూరెన్స్ కార్పొరేషన్ డైరెక్టర్ల బోర్డులో ఆరుగురు స్వతంత్ర డైరెక్టర్లు చేరారు. ఈ నియామకాలతో ఎల్‌ఐసీ బోర్డులో స్వతంత్ర డైరెక్టర్ల సంఖ్య తొమ్మిదికి చేరగా, ఖాళీలన్నీ భర్తీ అయ్యాయి. కార్పొరేట్ గవర్నెన్స్‌కు సంబంధించిన రెగ్యులేటరీ నిబంధనలకు అనుగుణంగా కంపెనీ ఈ చర్య తీసుకుంది.

Read Also.. Multibagger stocks: భారీ రాబడిని ఇచ్చిన స్మాల్‌క్యాప్ స్టాక్స్‌.. ఆ ఐదు కంపెనీలు ఏమిటంటే..