Fixed Deposits: మీరు ఈ బ్యాంకులో ఫిక్స్‌డ్‌ డిపాజిట్‌ చేశారా..? తాజాగా సవరించిన వడ్డీ రేట్ల వివరాలు..!

Fixed Deposits: ఫిక్స్‌డ్‌ డిపాజిట్లపై చాలా మంది మొగ్గు చూపుతుంటారు. ఈ పెట్టుబడులపై మంచి ఆదాయం వస్తుంటుంది. అందుకే ఉద్యోగులు, సీనియర్‌ సిటిజన్స్‌..

Subhash Goud |

Updated on: Sep 14, 2021 | 11:39 AM

Fixed Deposits: ఫిక్స్‌డ్‌ డిపాజిట్లపై చాలా మంది మొగ్గు చూపుతుంటారు. ఈ పెట్టుబడులపై మంచి ఆదాయం వస్తుంటుంది. అందుకే ఉద్యోగులు, సీనియర్‌ సిటిజన్స్‌ ఎఫ్‌డీలో పెట్టుబడి పెట్టేందుకు ఆసక్తి చూపుతుంటారు. వీరిని ఆకర్షించేందుకు బ్యాంకులు కూడా ఎఫ్డీలపై వడ్డీ రేట్లను పెంచుతున్నాయి. తాజాగా భారతదేశంలోని అతిపెద్ద ప్రైవేట్ రంగ బ్యాంకులలో ఒకటైన కోటక్ మహీంద్రా బ్యాంక్ తాజాగా ఫిక్స్‌డ్‌ డిపాజిట్లపై వడ్డీ రేట్లను సవరించింది. సాధారణ కస్టమర్ల కంటే సీనియర్ సిటిజన్లకు ఎక్కువ వడ్డీ ఆఫర్చేస్తోంది. సెప్టెంబర్ 8 నుంచి ఈ కొత్త వడ్డీ రేట్లను అమల్లోకి తీసుకువచ్చింది. కోటక్ మహీంద్రా బ్యాంక్ తాజా ఎఫ్డీ వడ్డీ రేట్లను పరిశీలిస్తే..

కోటక్ మహీంద్రా బ్యాంకు కస్టమర్ల నుంచి రూ .2 కోట్ల వరకు డిపాజిట్లను స్వీకరిస్తోంది. తాజాగా సవరించిన వడ్డీ రేట్ల ప్రకారం.. 7 నుంచి 30 రోజుల వరకు మెచూరిటీ గల ఫిక్స్‌డ్‌ డిపాజిట్లపై 2.5 శాతం వడ్డీ రేటును అందిస్తోంది. 31 నుంచి 90 రోజుల్లో మెచూరిటీ అవుతున్న డిపాజిట్లపై 2.75 శాతం, 91-120 రోజుల వ్యవధి గల ఎఫ్డీపై 3 శాతం, 121-179 రోజుల ఫిక్స్‌డ్‌ డిపాజిట్లపై 3.25 శాతం వడ్డీ రేట్లను అమలు చేస్తోంది. 180-269 రోజుల ఫిక్స్‌డ్ డిపాజిట్లపై 4.25 శాతం, 270- 364 రోజుల ఎఫ్డీపై 4.4 శాతం వడ్డీ అందిస్తోంది. ఇక 365- 389 రోజుల వరకు 4.5 శాతం, 390 రోజుల నుంచి 23 నెలల ఎఫ్డీపై 4.75 శాతం వడ్డీ రేటు అమలు చేస్తోంది.

సీనియర్ సిటిజన్లకు..

సీనియర్ సిటిజన్లకు, కోటక్ మహీంద్రా బ్యాంక్ అనేక ప్రయోజనాలను అందిస్తుంది. వారి ఫిక్స్‌డ్ డిపాజిట్లపై అధిక వడ్డీ అందజేస్తుంది. 7- 14 రోజుల ఫిక్స్‌డ్‌ డిపాజిట్లపై 3 శాతం వడ్డీ అందజేస్తుంది. 180 రోజుల మెచూరిటీ గల ఫిక్స్‌డ్‌ డిపాజిట్లపై 4.75 శాతం వడ్డీ రేట్లను అమలు చేస్తుంది. అలాగే 364 రోజుల ఫిక్స్‌డ్‌ డిపాజిట్‌పై 4.9 శాతం, 23 నెలల నుంచి 2 సంవత్సరాల మెచూరిటీ గల డిపాజిట్లపై 5.4 శాతం వడ్డీ రేటును అందిస్తోంది. ఐదు సంవత్సరాల కంటే ఎక్కువ వ్యవధి గల డిపాజిట్లపై 5.75 శాతం వడ్డీ అమలు చేస్తోంది. అయితే ఈ బ్యాంకే కాకుండా ఇతర బ్యాంకులు కూడా ఫిక్స్‌డ్‌ డిపాజిట్లపై మంచి వడ్డీ రేట్లను అందిస్తున్నాయి. ఈ విధమైన వడ్డీ రేట్ల ద్వారా ఫిక్స్‌డ్‌ డిపాజిట్లు చేసిన వారు మంచి ఆదాయం పొందవచ్చు.