IRCTC: మీ రైలు టికెట్ పోయిందా.. తిరిగి డూప్లికేట్ పొందండిలా.. పూర్తి వివరాలు
మీ రైలు టికెట్ పోయిందా.. ట్రైన్లో ప్రయాణించేటప్పుడు పోగొట్టుకున్నారా.? డోంట్ వర్రీ టెన్షన్ పడకండి.. మీకోసం ఓ కీలక అప్ డేట్ తీసుకోచ్చేశాం. పోగొట్టుకున్న ట్రైన్ టికెట్ ఎలా తిరిగి పొందాలో.. ఇప్పుడు ఈ స్టోరీలో తెలుసుకుందామా మరి. ఓ లుక్కేయండి.
Updated on: Feb 05, 2025 | 7:36 PM
భారత రైల్వే ప్రతిరోజూ వేల సంఖ్యలో రైళ్లను నడుపుతున్నాయి. దీని ద్వారా కోట్లాది మంది ప్రయాణికులు తమ గమ్యస్థానాలకు చేరుకుంటారు. దేశంలో రైలు ప్రయాణం చేయడానికి టిక్కెట్టు తప్పనిసరి. అయితే మీ టికెట్ పోయినా లేదా చిరిగినా? ప్రయాణం చేయలేరు. మీరు రైలులో ప్రయాణిస్తుంటే, మీ టికెట్ పోయినట్లయితే, మీరు ఈ విషయంలో రైలులోని TTEకి ముందే తెలియజేయాలి. పోగొట్టుకున్న టిక్కెట్కు బదులుగా TTE మీకు డూప్లికేట్ టిక్కెట్ను జారీ చేస్తారు. ఈ టిక్కెట్టు ఉచితంగా ఇవ్వరు.
భారతీయ రైల్వేకు చెల్లించిన తర్వాత ప్రయాణీకుడు నకిలీ టిక్కెట్ను పొందుతారు. వివిధ వర్గాల రైళ్లకు ఛార్జీలు వేర్వేరుగా ఉంటాయి. స్లీపర్ క్లాస్ లేదా సెకండ్ క్లాస్ టికెట్ కోసం డూప్లికేట్ టికెట్ కోసం 50 రూపాయిలు చెల్లించాలి. ఏదైనా ఫస్ట్ క్లాస్ ఉంటే 100 రూపాయిలు చెల్లించాల్సి ఉంటుంది. ఒకవేళ మీ దగ్గర ఉన్న ట్రైన్ టికెట్ చిరిగిపోతే, ప్రయాణ ధరలో 25 శాతం చెల్లించి డూప్లికేట్ టికెట్ పొందవచ్చు. మీ ట్రైన్ టికెట్ పోయిన, చిరిగినా అస్సలు కంగారు పడకండి వెంటనే అధికారులకు తెలపండి.
మరిన్ని బిజినెస్ వార్తల కోసం ఇక్కడ క్లిక్ చేయండి
