Indian Railways: 2 నిమిషాల్లో తత్కాల్ టికెట్.. సీటు పక్కాగా దొరకాలంటే ఇలా చేయండి..

మీరు ట్రైన్ టికెట్ కోసం చూస్తున్నారా..? అర్జెంట్‌గా ఊరికి వెళ్లాలి.. కానీ టికెట్స్ దొరకడం లేదా..? అప్పుడు మీకు గుర్తొచ్చేదే తత్కాల్ బుకింగ్. ఉదయం 10 గంటలకు విండో తెరుచుకుంటే.. 10:02 కల్లా అన్ని సీట్లు అయిపోతాయి. ఈ రెండు నిమిషాల యుద్ధంలో మీరు గెలవాలంటే కొన్ని చిట్కాలు పాటించాలి. తత్కాల్ అంటే సంస్కృతంలో తక్షణం అని అర్థం. అత్యవసర ప్రయాణీకుల కోసం దీనిని ప్రవేశపెట్టారు. సాధారణ టిక్కెట్లు 120 రోజుల ముందుగా అందుబాటులో ఉంటే.. తత్కాల్ టిక్కెట్లు రైలు బయలుదేరడానికి ఒక రోజు ముందు విడుదల చేస్తారు.

తత్కాల్ ఎప్పుడు బుక్ చేయాలి..?

సమయమే ఇక్కడ కీలకం. ఒక నిమిషం ఆలస్యం చేసినా టికెట్ పోయినట్టే.

• ఏసీ టిక్కెట్లు – ఉదయం 10:00 గంటలకు
• నాన్ ఏసీ (స్లీపర్) టిక్కెట్లు – ఉదయం 11:00 గంటలకు

టికెట్ దొరకాలంటే ఏం చేయాలి..

• తత్కాల్ బుకింగ్‌ను ఒక రేసులాగా భావించండి. ముందే సిద్ధమైతేనే గెలుస్తారు.
• బుకింగ్ సమయానికి 10 నిమిషాల ముందుగానే IRCTC వెబ్‌సైట్‌లో లాగిన్ అవ్వండి.
• మీ పేరు, వయస్సు వంటి ప్రయాణీకుల వివరాలను IRCTCలోని మాస్టర్ లిస్ట్‌లో ముందుగానే సేవ్ చేసుకోండి. ఇది టైప్ చేసే సమయాన్ని ఆదా చేస్తుంది.
• డబ్బులు కట్టడానికి యూపీఐ లేదా ఐఆర్‌సీటీసీ ఈ వాలెట్ ఉపయోగించండి. నెట్ బ్యాంకింగ్ సెలెక్ట్ చేస్తే సమయం పడుతుంది.. టికెట్ పోవచ్చు.
• ఒక రైలులో టికెట్ దొరకకపోతే, వెంటనే బుక్ చేయడానికి మరొక రైలును లేదా పక్క స్టేషన్‌ను చూసి పెట్టుకోండి.

ఛార్జీలు, రీఫండ్, కొత్త రూల్స్

సాధారణ టిక్కెట్ల కంటే తత్కాల్ టిక్కెట్ ధర ఎక్కువగా ఉంటుంది.

ఫీజు: స్లీపర్‌కు రూ. 100 నుండి 200 వరకు, AC టికెట్లకు రూ. 300 నుండి 500 వరకు అదనంగా కట్టాల్సి ఉంటుంది.

రీఫండ్ లేదు: ఒకసారి కన్ఫర్మ్ అయిన తత్కాల్ టికెట్‌ను క్యాన్సిల్ చేస్తే డబ్బులు తిరిగి ఇవ్వరు. రైల్వేలే రైలును రద్దు చేస్తే మాత్రమే రీఫండ్ వస్తుంది.

వెయిటింగ్‌ లిస్ట్ లేదు: ఇప్పుడు తత్కాల్‌లో కన్ఫర్మ్ సీట్లు మాత్రమే ఇస్తారు. వెయిటింగ్‌ లిస్ట్ ఉండదు.

ముఖ్యమైనది: ఏజెంట్లు మొదటి అరగంట బుక్ చేయకుండా కొత్త రూల్ పెట్టారు. ఒక వ్యక్తి ఒక యూజర్ ఐడీ నుంచి ఒకే టికెట్ బుక్ చేయగలరు.

తత్కాల్ బుకింగ్ కొంచెం కష్టమైనా, చివరి నిమిషంలో ప్రయాణానికి ఇది ఒక మంచి అవకాశం. సిద్ధంగా ఉండటం, ఈ రెండూ గుర్తుంచుకుంటే చాలు.. మీకు టికెట్ దొరికినట్లే!

మరిన్ని బిజినెస్ వార్తల కోసం ఇక్కడ క్లిక్ చేయండి..