Indigo Airline: పండగ సీజన్‌లో విమాన ప్రయాణం మరింత ప్రియం.. టికెట్‌ ధరలను పెంచిన ఇండిగో
క్కువగా పండగ సీజన్‌లో ప్రయాణికుల కోసం పలు ఆఫర్లను అందుబాటులోకి తీసుకువస్తుంటాయి. ఈ ఆఫర్లలో జాతీయ, అంతర్జాతీయంగా ప్రయాణించే విమాన ప్రయాణికులు తక్కువ ధరల్లోనే టికెట్లను బుకింగ్‌ చేసుకునే అవకాశం వచ్చేది. కానీ ఇప్పుడు ఈ సంస్థ పండగ సీజన్‌లోనే ప్రయాణికులకు షాకిస్తూ నిర్ణయం తీసుకుంది. ఇప్పుడు దేశీయ విమానయాన సంస్థల టిక్కెట్ ధరలు ప్రస్తుతం ఖరీదైనవిగా మారాయి. ఈ విధంగా దేశంలోని ప్రముఖ విమానయాన సంస్థ ఇండిగో టిక్కెట్ ధరను పెంచింది. దేశీయ..
Updated on: Oct 09, 2023 | 5:01 PM
ఈ మధ్య కాలంలో విమాన ప్రయాణం మరింత ఖరీదైనదిగా మారిపోతోంది. ఇంధన ధరల పెరుగుదల కారణంగా ఆయా విమానయాన సంస్థలు ప్రయాణ టికెట్‌ ధరలను పెంచేస్తున్నాయి. దీంతో ప్రయాణికులకు మరింత భారం అవుతోంది. ఇప్పటికే చాలా విమానయాన సంస్థలు టికెట్‌ ధరలను పెంచగా, ఇప్పుడు మరో సంస్థ టికెట్‌ ధరలను పెంచుతూ నిర్ణయం తీసుకుంది. అయితే ఎక్కువగా పండగ సీజన్‌లో ప్రయాణికుల కోసం పలు ఆఫర్లను అందుబాటులోకి తీసుకువస్తుంటాయి. ఈ ఆఫర్లలో జాతీయ, అంతర్జాతీయంగా ప్రయాణించే విమాన ప్రయాణికులు తక్కువ ధరల్లోనే టికెట్లను బుకింగ్‌ చేసుకునే అవకాశం వచ్చేది. కానీ ఇప్పుడు ఈ సంస్థ పండగ సీజన్‌లోనే ప్రయాణికులకు షాకిస్తూ నిర్ణయం తీసుకుంది. ఇప్పుడు దేశీయ విమానయాన సంస్థల టిక్కెట్ ధరలు ప్రస్తుతం ఖరీదైనవిగా మారాయి. ఈ విధంగా దేశంలోని ప్రముఖ విమానయాన సంస్థ ఇండిగో టిక్కెట్ ధరను పెంచింది. దేశీయ, అంతర్జాతీయ విమానాలకు టిక్కెట్ ధరలో ఇంధన సర్‌ఛార్జ్‌ను ప్రవేశపెట్టనున్నట్లు కంపెనీ ప్రకటించింది. జెట్ ఇంధనం ధర పెరగడం వల్లే కంపెనీ ఈ నిర్ణయం తీసుకోవలసి వచ్చిందని ఇండిగో కంపెనీ తెలిపింది. ఇంధన సర్‌ఛార్జ్‌ను ప్రవేశపెట్టడంతో ఇండిగో టిక్కెట్ ధరలు రూ.300 నుంచి రూ.1000 వరకు పెరగనున్నాయి. ఇండిగో ఇంతకుముందు 2018 సంవత్సరంలో ఇంధన సర్‌ఛార్జ్‌ను ప్రవేశపెట్టింది. అయితే ఇంధన ధరలు తగ్గిన తర్వాత ఈ ఛార్జీని క్రమంగా తొలగిస్తూ వచ్చింది.
దేశీయ, అంతర్జాతీయ మార్గాల్లో పెరుగుతున్న ఏవియేషన్ టర్బైన్ ఇంధన ధర కారణంగా ఇండిగో 6 అక్టోబర్ 2023 నుంచి టిక్కెట్ ధరపై ఇంధన ఛార్జీని జోడించడం ప్రారంభించింది. దేశంలో గత మూడు నెలలుగా ఏవియేషన్ టర్బైన్ ఇంధనం ధర పెరుగుతూ వస్తోంది. ఏదైనా ఎయిర్‌లైన్ కంపెనీ నిర్వహణలో ఇంధనమే అతిపెద్ద వ్యయం. అందువల్ల ఖర్చు పెరిగితే విమానయాన సంస్థ ఇంధనాన్ని ఛార్జ్ చేయడం ద్వారా ఖర్చును చెల్లిస్తుంది.
రూ.300 నుంచి రూ.1000 వరకు ఇంధనం చార్జీ:
ఇదిలా ఉండగా, ఈ ఇంధన ఛార్జ్ దూరం ప్రకారం లెక్కించబడుతుంది. ఇండిగో విమానాలను బుక్ చేసుకునే వారు సెక్టార్ ప్రయాణ దూరాన్ని బట్టి ఒక్కో సెక్టార్ ఛార్జీని చెల్లించాల్సి ఉంటుంది. 500 కి.మీ దూరం ప్రయాణించిన తర్వాత రూ.300 చార్జీ వసూలు చేస్తారు. అలాగే 501-1000 కి.మీల కోసం మీరు టిక్కెట్‌పై అదనంగా రూ.400 చెల్లించాలి. 1001 నుంచి 1500 కి.మీలకు రూ.550 ఇంధనం చార్జీ, 1501 నుంచి 2500 కి.మీలకు రూ.650. 2501 నుంచి 3500 కి.మీలకు 800. 3501 కి.మీ కంటే ఎక్కువ ప్రయాణానికి 1000 ఇంధన ఛార్జీగా వసూలు చేయబడుతుంది. పండుగల సీజన్‌లో ఇండిగో ఎయిర్‌లైన్ కంపెనీ ప్రయాణికుల టూరిజం ధరలను పెంచబోతోంది.
మరిన్ని బిజినెస్ వార్తల కోసం ఇక్కడ క్లిక్ చేయండి
