Edible Oil: సామాన్యులకు శుభవార్త.. తగ్గనున్న వంట నూనె ధరలు..!

త్వరలో వంటనూనెల(Edible Oil) ధరల్లో మరింత ఉపశమనం లభించే అవకాశం ఉంది. సోయాబీన్(Soyabean), సన్‌ఫ్లవర్(sunflower) ఆయిల్‌పై దిగుమతి సుంకాన్ని తగ్గించాలని భారత ప్రభుత్వం పరిశీలిస్తోందని బ్లూమ్‌బెర్గ్ నివేదిక ప్రకారం తెలిసింది. మూలాల ప్రకారం ప్రస్తుతం 5% ఉన్న వ్యవసాయ మౌలిక సదుపాయాలు, అభివృద్ధి సెస్‌ను తగ్గించాలా లేదా తొలగించాలా అనే విషయాన్ని ప్రభుత్వం పరిశీలిస్తోంది. ఈ వారంలో దీనిపై తుది నిర్ణయం తీసుకోవచ్చని తెలుస్తుంది. ప్రస్తుతం దీనికి సంబంధించి ప్రభుత్వం నుంచి ఎలాంటి సమాచారం లేదు. ఉత్పత్తులపై సెస్‌ను ప్రభుత్వం వ్యవసాయానికి సంబంధించిన మౌలిక సదుపాయాల అభివృద్ధికి వినియోగిస్తుంది. ప్రస్తుతం ప్రభుత్వం ఎడిబుల్ ఆయిల్స్ ధరలను నియంత్రించేందుకు ప్రయత్నిస్తోంది. అందుకే ఎడిబుల్ ఆయిల్స్‌పై సుంకాన్ని తగ్గించడంతోపాటు హోర్డింగ్‌ను నియంత్రించేందుకు నిబంధనలను కఠినతరం చేస్తోంది.

అదే సమయంలో ఇండోనేషియా తాజాగా పామాయిల్‌పై ఎగుమతి నిషేధాన్ని తొలగిస్తున్నట్లు ప్రకటించింది. పామాయిల్ ఎగుమతులపై నిషేధం కారణంగా వంటనూనెల ధరలు పెరిగాయి. ఇప్పుడు ఆంక్షల ఎత్తివేతతో మరోసారి సరఫరా పెరిగి ధరలు తగ్గుముఖం పట్టే అవకాశం ఉంది. తినదగిన చమురు దిగుమతిపై ఆధారపడిన ప్రపంచంలోని అనేక దేశాలపై నిషేధం చెడు ప్రభావాన్ని చూపింది. ఇందులో భారత్‌ కూడా ఉంది. భారత్‌లో ఇప్పటికే ఎడిబుల్ ఆయిల్ ధరలు పెరిగాయి. ఇండోనేషియా నిర్ణయం తర్వాత ధరలపై మరింత ఒత్తిడి పెరిగింది. ఇప్పుడు ఉపశమనం లభిస్తుందని భావిస్తున్నప్పటికీ, అదే సమయంలో పామాయిల్‌కు ప్రత్యామ్నాయంగా ఉపయోగించే ఇతర నూనెలపై ఒత్తిడి కూడా తగ్గుతుందని భావిస్తున్నారు.

ఇవి కూడా చదవండి

LSG vs RCB Match Preview: పోరుకు రెడీ అవుతున్న బెంగుళూరు, లక్నో.. రెండో క్వాలిఫయర్‌కి ఏ జట్టు వెళుతుందో..!

మరిన్ని బిజినెస్‌ వార్తలకు ఇక్కడ క్లిక్‌ చేయండి.