ప్రజలకు కేంద్రం బిగ్ అలర్ట్.. డిసెంబర్ 31వరకే మీకు డెడ్‌లైన్.. చేయకపోతే సమస్యలే..

మీరు ఇంకా ఆధార్ కార్డుతో పాన్‌ను లింక్ చేయలేదా..? డిసెంబర్ 31 వరకే మీకు గడువు ఉంది. ఒకవేళ చేయకపోతే పాన్ కార్డు రద్దు అయ్యే అవకాశముంది. అంతేకాకుండా బ్యాక్ సేవలు, జీతం పొందటం విషయంలో మీరు సమస్యలు ఎదుర్కొనే అవకాశముంది.

Aadhar And Pan Link

Venkatrao Lella |
Updated on: Nov 26, 2025 | 3:32 PM

Link Aadhaar with PAN :పాన్ కార్డును ఆధార్‌తో లింక్ చేసుకోవడాన్ని కేంద్రం ప్రభుత్వం తప్పనిసరి చేసింది. ట్యాక్స్ డిపార్ట్‌మెంట్ కూడా ఎప్పటికప్పుడు ప్రజలను అలర్ట్ చేస్తూ ఉంది. లింక్ చేసుకోకపోతే పాన్ కార్డు నుంచి సేవలు పొందలేరని, రద్దు చేస్తామంటూ హెచ్చరికలు జారీ చేస్తోంది. పాన్-ఆధార్ లింక్‌ చేసుకోవడానికి గడువును ఈ ఏడాది డిసెంబర్ 31 వరకు పొడిగించింది. కేంద్రం ఎప్పటికప్పుడు గడువు పొడిగిస్తూనే ఉంది. అయినా ఇంకా కొంతమంది లింక్ చేసుకోలేదని ట్యాక్స్ డిపార్ట్‌మెంట్ గణాంకాలు చెబుతున్నాయి. దీంతో మిగతావారు కూడా ఈ పనిని పూర్తి చేయాలని, లేకపోతే కొత్త సంవత్సరం నుంచి కఠినంగా వ్యవహరిస్తామని కేంద్రం చెబుతోంది. జనవరి 1లోపు చేసుకోకపోతే తీవ్ర సమస్యలు ఎదుర్కోవాల్సి ఉంటుందని అంటోంది.

కొత్త సంవత్సరంలోపు ఆధార్-పాన్ లింక్ చేసుకోకపోతే జీతం, ఇన్‌కమ్ ట్యాక్స్ రిటర్న్స్, లోన్ ప్రాసెసింగ్, బ్యాంకింగ్, పెట్టుబడి వంటి ఆర్ధిక లావాదేవీలు మీకు నిలిచిపోవచ్చు. దీంతో ఇంకా చేసుకోనివారి ఉంటే వెంటనే జాగ్రత్త పడటం మంచిది. ఇన్‌కమ్ ట్యాక్స్ అధికారిక వెబ్ సైట్ లేదా సమీపంలోని పాన్ సెంటర్‌కు వెళ్లి లింక్ చేసుకోండి. ఒకవేళ ఇంతకముందే మీరు ఈ పని పూర్తి చేస్తే మళ్లీ చెక్ చేసుకోవడం మంచిది. లేకపోతే కొత్త సంవత్సరం నుంచి ఆర్ధిక లావాదేవీల విషయంలో సమస్యలు రావొచ్చు.