రోజుకు రూ.200 ఆదా చేస్తే చేతికి రూ.26 లక్షలు.. ఈ చిన్న సీక్రెట్ తెలిస్తే మీరే లక్షాధికారులు..

పెట్టుబడి పెట్టాలంటే లక్షల రూపాయలు ఉండాలని అనుకుంటున్నారా? అయితే మీరు పొరపడినట్లే. సంపదను సృష్టించడానికి కావాల్సింది భారీ పెట్టుబడి కాదు, కేవలం క్రమశిక్షణ మాత్రమే. మీరు ప్రతిరోజూ చేసే చిన్నపాటి ఖర్చులను ఆదా చేసి, రోజుకు కేవలం రూ. 200 పెట్టుబడిగా పెడితే.. కొన్నేళ్లలో మీరు ఏకంగా రూ. 26 లక్షలకు పైగా సొమ్మును వెనకేయవచ్చు. దీనికి మార్గం డైలీ SIP.

చిన్న మొత్తంతో పెద్ద లక్ష్యం

ప్రస్తుతం అనేక మ్యూచువల్ ఫండ్ సంస్థలు రోజుకు కేవలం రూ.100 నుండే పెట్టుబడి పెట్టే అవకాశాన్ని కల్పిస్తున్నాయి. ముఖ్యంగా తక్కువ ఆదాయం ఉన్నవారు, ఫ్రీలాన్సర్లు, చిన్న వ్యాపారులు, ప్రైవేట్ ఉద్యోగులకు ఇది ఒక వరప్రసాదం. రోజువారీ ఖర్చులైన టీ, స్నాక్స్ కోసం చేసే చిల్లర ఖర్చును పక్కన పెడితే భవిష్యత్తులో అది ఒక పెద్ద మూలధనంగా మారుతుంది.

లెక్కలు ఇలా ఉన్నాయి

మీరు ప్రతిరోజూ రూ. 200 ఆదా చేస్తే నెలకు అది దాదాపు రూ. 6,000 అవుతుంది. ఈ మొత్తాన్ని మీరు ఒక మంచి మ్యూచువల్ ఫండ్‌లో 14 ఏళ్ల పాటు పెట్టుబడి పెడితే వచ్చే లాభాలు చూడండి..

ఇవి కూడా చదవండి

వారం రోజుల్లో బంగారం, వెండి ధరలు ఎంత పెరిగాయో తెలుసా..?

పల్లీల పొట్టును పారేస్తున్నారా.. అది చేసే అద్భుతాలు తెలిస్తే..

డెలివరీ బాయ్స్ ఎంత సంపాదిస్తారో తెలుసా..? జొమాటో సీఈవో లెక్కలు..

మీ ఇంట్లోని ఈ ప్లేస్‌లో మనీ ప్లాంట్ పెడితే డబ్బే డబ్బు..

• రోజువారీ పెట్టుబడి: రూ. 200
• నెలవారీ పెట్టుబడి: రూ. 6,000
• కాలపరిమితి: 14 ఏళ్లు
• అంచనా రాబడి: 12శాతం (వార్షికం)
• మీ మొత్తం పెట్టుబడి: రూ.10,08,000
• మీకు వచ్చే అంచనా లాభం: రూ. 16,10,000
• మొత్తం చేతికి వచ్చే సొమ్ము: రూ. 26,18,000

డైలీ SIP వల్ల ప్రయోజనాలేంటి?

రూపీ కాస్ట్ యావరేజింగ్: మార్కెట్ పడిపోయినప్పుడు ఎక్కువ యూనిట్లు, మార్కెట్ పెరిగినప్పుడు తక్కువ యూనిట్లు కొనుగోలు చేయడం ద్వారా మీ పెట్టుబడి సగటు ధర తగ్గుతుంది. ఇది రిస్క్‌ను తగ్గిస్తుంది.

కాంపౌండింగ్ పవర్: దీనిని ప్రపంచంలోని ఎనిమిదవ వింతగా పిలుస్తారు. మీరు పెట్టిన వడ్డీ మీద కూడా వడ్డీ వస్తూ పోవడంతో కాలం గడిచేకొద్దీ మీ డబ్బు జెట్ వేగంతో పెరుగుతుంది. నెలకు ఒకేసారి పెద్ద మొత్తం చెల్లించడం కష్టంగా అనిపించే వారికి రోజుకు రూ. 200 అనేది చాలా సులభంగా అనిపిస్తుంది.

ఇన్వెస్టర్లకు సూచన

ధనవంతులు కావడం అంటే ఒక్కసారిగా పెద్ద అదృష్టం కలిసి రావడం కాదు చిన్న మొత్తాలను తెలివిగా పెద్దవిగా మార్చుకోవడమే. మీ ఆదాయం పెరిగే కొద్దీ ఈ SIP మొత్తాన్ని కూడా పెంచుకుంటూ వెళ్లడం ఇంకా మేలు. ద్రవ్యోల్బణాన్ని ఎదుర్కోవాలంటే ఈరోజే పెట్టుబడిని ప్రారంభించడం సరైన నిర్ణయం.

(గమనిక: మ్యూచువల్ ఫండ్ పెట్టుబడులు మార్కెట్ రిస్క్‌లకు లోబడి ఉంటాయి. పెట్టుబడి పెట్టే ముందు నిపుణుల సలహా తీసుకోగలరు.)

మరిన్ని బిజినెస్ వార్తల కోసం ఇక్కడ క్లిక్ చేయండి