SBI Amrit Kalash: సీనియర్ సిటీజనులకు ఎస్‪బీఐ గుడ్ న్యూస్.. ఎఫ్‪డీ ఖాతాలపై 7.6 శాతం వడ్డీ.. వివరాలు ఇవి..

ప్రజల నమ్మకాన్ని చూరగొన్న పొదుపు పథకాల్లో ఫిక్స్ డ్ డిపాజిట్ ఒకటి. ముఖ్యంగా మన భారతదేశంలో ఎఫ్ డీ లపై వినియోగదారులకు అపారమైన నమ్మకం. అధిక వడ్డీతో పాటు సురక్షిత పెట్టుబడి పథకం కావడంతో అందరూ దీనిలో పెట్టుబడి పెట్టేందుకు మొగ్గు చూపుతున్నారు. ఇటీవల కాలంలో పలు బ్యాంకులు తమ ఎఫ్ డీ ఖాతాల వడ్డీ రేట్లను సవరించాయి. చాలా బ్యాంకులు ఎఫ్డీ వడ్డీ రేట్లను పెంచాయి. చిన్న చిన్న ఫైనాన్స్ బ్యాంకుల్లో 9 శాతం వరకూ వడ్డీ రేటు అందిస్తున్నాయి. ఇదే క్రమంలో స్టేట్ బ్యాంక్ ఆఫ్ ఇండియా (ఎస్బీఐ) కూడా ఎఫ్డీ రేట్లను సవరించింది. కొత్త పరిమిత-కాల ఫిక్స్‌డ్ డిపాజిట్ స్కీమ్ అమృత్ కలాష్‌ను ప్రారంభించింది. దీనిలో సీనియర్ సిటిజనులకు 7.6%, ఇతరులకు 7.1% వడ్డీ రేటును అందిస్తోంది. అలాగే సిబ్బంది,పెన్షనర్లకు అదనపు 1% వడ్డీ రేటును అందిస్తారు.

ఇది ఎస్బీఐ అమృత్ కలాష్ పథకం..

పరిమిత కాల ఫిక్స్డ్ డిపాజిట్ స్కీమ్ అమృత్ కలాష్ ను ఎస్బీఐ ప్రకటించింది. దీనిలో డిపాజిట్ చేసిన మొత్తానికి మెచ్యూరిటీ వ్యవధి 400 రోజులు ఉంటుంది. ఈ పథకం 2023, ఫిబ్రవరి 15 నుంచి మార్చి 31 వరకూ మాత్రమే అందుబాటులో ఉంటుంది. అంటే మీరు ఈ పథకానికి దరఖాస్తు చేయాలంటే మార్చి 31లోపు చేసుకోవాల్సి ఉంది. ఆ తర్వాత ఈ పథకం ఉండదు. దీనిలో వడ్డీ రేటు సీనియర్ సిటిజన్‌లకు 7.6% , ఇతరులకు 7.1% అందిస్తారు. అలాగే సీనియర్ సిటిజన్లు, సిబ్బంది, స్టాఫ్ పెన్షనర్లు వారికి వర్తించే అదనపు వడ్డీ రేటుకు అర్హులు అని బ్యాంక్ తెలిపింది. దీనిని దరఖాస్తు చేసుకోవాలి అనుకొనే వారు బ్యాంక్ బ్రాంచ్, ఎస్బీఐ ఇంటర్నెట్ బ్యాంకింగ్ లేదా, ఎస్బీఐ యోనో యాప్ ద్వారా చేసుకోవచ్చు.

ఎవరు చేసుకోవచ్చు..

అమృత్ కలాష్ ఎఫ్ డీలో దాదాపు ఒక సంవత్సరం స్వల్ప కాలానికి మాత్రమే అందుబాటులో ఉంటుంది. ఏడాదిలోనే పూర్తవ్వాలి అనుకొనే వారు ఇది బెస్ట్ ఆప్షన్. ఎందుకంటే దీనిలో వడ్డీ రేటు సంవ్సతర కాలానికి పోస్ట్ ఆఫీస్ ఇస్తున్న వడ్డీ కన్నా అధికం. పథకం కాలవ్యవధి 400 రోజులు కాబట్టి, ఈ పథకం సీనియర్ సిటిజన్లకు రూ.లక్ష డిపాజిట్‌పై దాదాపు రూ.8,600 వడ్డీని అందిస్తుంది. ఇతరులకు, రూ. 1 లక్ష డిపాజిట్ 400 రోజుల్లో వడ్డీగా రూ. 8,017 పొందుతారు.

మరిన్ని బిజినెస్ వార్తల కోసం..