Gratuity: కాంట్రాక్ట్ కార్మికులకు ఒక సంవత్సరం సర్వీస్ తర్వాత గ్రాట్యుటీ? ఐదేళ్ల సర్వీసు సడలింపుపై ప్రభుత్వం ప్రతిపాదన!
కొత్త కార్మిక చట్టాలు ఇంకా అన్ని రాష్ట్రాలు క్రమబద్ధీకరించబడలేదు. టేక్-హోమ్ జీతం, ప్రావిడెంట్ ఫండ్‌కు సహకారం, ప్రైవేట్ రంగంలోని ఉద్యోగుల పని గంటలను గణనీయంగా మారుస్తుంది...
కొత్త కార్మిక చట్టాలు ఇంకా అన్ని రాష్ట్రాలు క్రమబద్ధీకరించబడలేదు. టేక్-హోమ్ జీతం, ప్రావిడెంట్ ఫండ్‌కు సహకారం, ప్రైవేట్ రంగంలోని ఉద్యోగుల పని గంటలను గణనీయంగా మారుస్తుంది. కొత్త లేబర్ కోడ్‌లలో ప్రతిపాదిత మార్పులు ఉద్యోగి పదవీ విరమణ, గ్రాట్యుటీ మొత్తాన్ని కూడా పెంచుతాయి. 29 కేంద్ర కార్మిక చట్టాలను సమీక్షించడం ద్వారా నాలుగు కొత్త లేబర్ కోడ్‌లు రూపొందించబడ్డాయి. పేమెంట్ ఆఫ్ గ్రాట్యుటీ చట్టం 1972 ప్రకారం.. 10 మంది కంటే ఎక్కువ మంది కార్మికులు ఉన్న ప్రైవేట్ కంపెనీలో ఉద్యోగి ఐదేళ్ల నిరంతర సర్వీసు తర్వాత గ్రాట్యుటీ ప్రయోజనాలను క్లెయిమ్ చేసుకోవడానికి అర్హులు. అయతిఏ త్వరలో అమలు కానున్న లేబర్ కోడ్‌ల ప్రకారం గ్రాట్యుటీ అర్హత థ్రెషోల్డ్‌ను నిర్ణీత కాలవ్యవధి లేదా కాంట్రాక్ట్ ఉద్యోగులకు కేవలం ఒక సంవత్సరం సర్వీసుకు తగ్గించాలని కేంద్రం యోచిస్తోంది.
కానీ కంపెనీ సాధారణ పేరోల్స్‌లో ఉన్నవారికి గ్రాట్యుటీ నిబంధనలు అలాగే ఉంటాయి. కొత్త సోషల్ సెక్యూరిటీ అండ్ ఇండస్ట్రియల్ రిలేషన్ కోడ్ ప్రకారం.. ఫిక్స్‌డ్-టర్మ్ ఉద్యోగులకు గ్రాట్యుటీ చెల్లింపుల కోసం ఐదేళ్ల సర్వీస్ రూల్‌ను సడలించాలని ప్రభుత్వం ప్రతిపాదించింది. ఫిక్స్‌డ్-టర్మ్ ఉద్యోగులు అంటే కాంట్రాక్టు వ్యవధి ముగియడంతో ఉద్యోగం ముగుస్తుంది. కాంట్రాక్టు ఉద్యోగులకు గ్రాట్యుటీ ప్రయోజనాలను విస్తరించడం ద్వారా ప్రైవేట్ రంగ ఉద్యోగులకు సామాజిక భద్రతను విస్తృతం చేయాలని ప్రభుత్వం లక్ష్యంగా పెట్టుకుంది. ఇందులో కార్మికులు, ఫ్యాక్టరీ ఆపరేటర్లు, హెల్పర్లు, డ్రైవర్లు వంటి తక్కువ స్థాయి సిబ్బంది ఎక్కువగా ఉంటారు.
కొత్త మార్గదర్శకాల ప్రకారం వేతనం ఆధారంగా గ్రాట్యుటీని లెక్కించాలని కూడా కోడ్ సూచిస్తోంది. అయితే రెగ్యులర్ ఉద్యోగులు కంపెనీలో ఐదేళ్ల నిరంతర సర్వీసు తర్వాత గ్రాట్యుటీకి అర్హులు. ప్రస్తుత చట్టం ప్రకారం, గ్రాట్యుటీ ప్రాథమిక వేతనం, డియర్‌నెస్ అలవెన్స్ ఆధారంగా లెక్కించబడుతుంది. ప్రతి సంవత్సరం సర్వీస్ కోసం చివరిగా డ్రా చేసిన జీతం ప్రకారం 15 రోజుల బేసిక్ పే మరియు డియర్‌నెస్ అలవెన్స్ గ్రాట్యుటీగా చెల్లించబడుతుంది. కొత్త లేబర్ కోడ్‌లు స్థూల జీతంలో 50 శాతం బేసిక్ పేగా చెల్లించాలని కూడా ఆదేశించింది. దీంతో ఉద్యోగులకు గ్రాట్యుటీ మొత్తం పెరుగుతుంది. ఉద్యోగి ప్రాథమిక జీతం స్థూల మొత్తంలో 50 శాతం కంటే తక్కువగా ఉంటే యజమాని వేతనాన్ని పునర్వ్యవస్థీకరించాలి.
గ్రాట్యూటీ అంటే ఏమిటి?
గ్రాట్యూటీ అంటే ఆ సంస్థకు చేసిన సేవలకుగాను సంస్థ ఉద్యోగికి కొంత మొత్తంలో చెల్లించే డబ్బులే గ్రాట్యూటీ అని పిలుస్తాం. అయితేగ్రాట్యూటీ అందుకోవాలంటే ఎవరు అర్హులు ఎలాంటి అర్హతలు కలిగి ఉండాలనే అంశం చాలామందికి తెలియదు. ఉదాహరణకు ఓ వ్యక్తి నాలుగేళ్లు 7 నెలల సమయం వరకు ఒక సంస్థలో పనిచేసి మరో సంస్థకు మారిపోతున్నాడనుకుందాం. అప్పుడు తను నాలుగేళ్లు పనిచేసిన సంస్థ నుంచిగ్రాట్యూటీ పొందే అవకాశం ఉందా..? గ్రాట్యూటీ ఏ పరిశ్రమలకు ఎవరికి వర్తిస్తుంది..? మనదేశంలో పేమెంట్, గ్రాట్యూటీ చట్టం అన్ని పరిశ్రమలకు, గనులకు, ఆయిల్ ఫీల్డ్స్, ప్రాంటేషన్, పోర్టులు, రైల్వేలకు వర్తిస్తుంది. వీటికి తోడు ఒక సంస్థలో 10 లేదా అంతకంటే ఎక్కువ మంది ఉద్యోగస్తులు ఉన్నట్లయితే అక్కడ కూడాగ్రాట్యూటీ వర్తిస్తుంది. పేమెంట్, గ్రాట్యూటీ చట్టం ప్రకారం ఒక ఉద్యోగిగ్రాట్యూటీ పొందాలంటే తాను పనిచేస్తున్న సంస్థలో వరుసగా ఐదేళ్లు పనిచేసి ఉండాలి. అప్పుడైతేనే ఆ ఉద్యోగిగ్రాట్యూటీ పొందేందుకు అర్హత సాధిస్తారు.
మరిన్ని బిజినెస్ వార్తల కోసం ఇక్కడ క్లిక్ చేయండి
