Mukesh Ambani-Gautam Adani: మళ్ళీ అంబానీని దాటిన అదాని.. ఆసియాలో రెండో అత్యంత ధనవంతుడు..ఆయన ఆస్తుల విలువ ఎంతంటే..

Mukesh Ambani-Gautam Adani:  అదానీ గ్రూప్ యజమాని గౌతమ్ అదానీ ఆసియాలో రెండవ ధనవంతుడుగా నిలిచారు.  గత ఒక సంవత్సరంలో, ఆయన ప్రతిరోజూ రూ .1,002 కోట్లు సంపాదించారు. ప్రస్తుతం అతని ఆస్తులు 5.05 లక్షల కోట్లు. ఒక సంవత్సరం క్రితం, ఆయన ఆస్తులు రూ .1.40 లక్షల కోట్లు.

ముఖేష్ అంబానీ అత్యంత ధనవంతుడు. ముఖేష్ అంబానీ కుటుంబం భారతదేశంలో అత్యంత ధనిక కుటుంబంలో ఉంది. ఆయన గత ఒక సంవత్సరంలో ప్రతిరోజు రూ .163 కోట్లు సంపాదించారు. ఆయన సంపద 9%పెరిగింది. ఆయన ఆస్తులు ప్రస్తుతం రూ. 7.18 లక్షల కోట్లు. అంబానీతో పోలిస్తే, గత ఒక సంవత్సరంలో అదానీ రోజుకు 6 సార్లు కంటే ఎక్కువ సంపాదించారు.

అదానీ సంపద 4 రెట్లు పెరిగింది ఐఐఎఫ్ఎల్ (IIFL) వెల్త్ హురున్ ఇండియా రిచ్ లిస్ట్ 2021 ప్రకారం, గౌతమ్ అదానీ సంపద ఏడాదిలో దాదాపు 4 రెట్లు పెరిగింది. ఈ కారణంగా, 59 ఏళ్ల అదానీ మళ్లీ ఆసియాలో రెండవ ధనవంతుడైన వ్యాపారవేత్త అయ్యారు. ఈ సంవత్సరం మేలో, ఆయన ఆసియాలో రెండవ ధనిక వ్యాపారవేత్త అయ్యారు. అయితే, తమ కంపెనీలలో విదేశీ పెట్టుబడిదారుల వార్తల కారణంగా జూన్‌లో వారి కంపెనీల షేర్లు భారీగా పడిపోయాయి. దీని ద్వారా అదానీ వ్యక్తిగత సంపద కూడా తగ్గింది.

టాప్ 10 లో అదానీ సోదరులు.. 

అదానీ షేర్ల ధరలు పెరగడం ప్రారంభించాయి. అదానీ ఇప్పటివరకు చైనాకు చెందిన జాంగ్ షాన్‌షాన్ కంటే వెనుకబడి ఉన్నారు. ఆయన రెండవ స్థానంలో ఉన్నారు. గౌతమ్ అదానీ, అతని దుబాయ్‌కు చెందిన సోదరుడు వినోద్ అదానీ ఇద్దరూ కలిసి ఐఐఎఫ్‌ఎల్ వెల్త్ హురున్ ఇండియా రిచ్ లిస్ట్‌లో టాప్ 10 లో చోటు దక్కించుకోవడం ఇదే మొదటిసారి. ఆయన సోదరుడు ఆసియాలో 8 వ ధనవంతుడు. ఆయన ఇంతకు ముందు 12 వ స్థానంలో ఉన్నారు.

వినోద్ అదానీ ఆస్తులు 1.31 లక్షల కోట్లు..

ఆ నివేదిక ప్రకారం, వినోద్ అదానీ ఆస్తులు 1.31 లక్షల కోట్లు. ఆయన సంపద ఒక సంవత్సరంలో 21% పెరిగింది. IT కంపెనీ HCL టెక్  శివ్ నాడార్..ఆయన కుటుంబ సంపద ఒక సంవత్సరంలో 67% పెరిగాయి. ఆయన ఆస్తులు రూ .2.36 లక్షల కోట్లు. అతని ర్యాంకింగ్ గత సంవత్సరం మాదిరిగానే ఉంది. వారు మూడవ స్థానంలో ఉన్నారు. ఎస్పీ హిందూజా కుటుంబం ఆస్తులు రూ .2.30 లక్షల కోట్లు. ఆయన సంపద 53%పెరిగింది.

 5 వ స్థానంలో లక్ష్మీ మిట్టల్..

ఆర్సిలర్ మిట్టల్ యజమాని లక్ష్మీ మిట్టల్ ఆసియా ధనికుల జాబితాలో 5 వ స్థానంలో ఉన్నారు. ఆయన  ఆస్తులు రూ .1.74 లక్షల కోట్లు. ఆయన రోజువారీ సంపాదన రూ. 312 కోట్లు. నివేదిక ప్రకారం, సీరమ్ ఇనిస్టిట్యూట్ యొక్క సైరస్ పూనవల్లా రూ .1.63 లక్షల కోట్ల నికర విలువతో ఆరవ స్థానంలో ఉన్నారు. ఆయనకి 80 సంవత్సరాలు. ఆయన సంపాదన రోజుకు రూ .190 కోట్లు. ఆయనసంపద 74%పెరిగింది. DMart రాధాకృష్ణ దమాని 7 వ స్థానంలో ఉన్నారు. ఆయన ఆస్తులు రూ .1.54 లక్షల కోట్లు.

బిర్లా గ్రూప్‌కు చెందిన కుమార్ మంగళం బిర్లా 9 వ స్థానంలో ఉన్నారు. ఆయన ఆస్తులు 1.22 లక్షల కోట్ల రూపాయలు. ఆసియాలోని టాప్ 10 ధనవంతులలో ముగ్గురు ముంబైలో, ఇద్దరు లండన్‌లో నివసిస్తున్నారు. ఒక వ్యాపారవేత్త అహ్మదాబాద్‌లో, మరొకరు ఢిల్లీలో నివసిస్తుండగా, ఒక వ్యాపారవేత్త పూణేలో నివసిస్తున్నారు.

Also Read: NASA and ISRO: అంతరిక్ష డేటాను పంచుకోవడం కోసం ఇస్రో-నాసాల మధ్య ప్రత్యేక ఒప్పందం.. భారత్‌కు మరింత బలం!

Brain Eating Amoeba: అగ్రరాజ్యంలో మళ్ళీ మెదడు తినే అమీబా వెలుగులోకి.. చికిత్స పొందుతూ మృతి..