Indian Railways: గోల్డెన్ చారియట్ లగ్జరీ రైలు.. ఇందులో 7 స్టార్ హోటల్ తరహాలో సదుపాయాలు!

భారతీయ రైల్వే, ఐఆర్‌సీటీసీ లగ్జరీ రైళ్లలో ఒకటైన గోల్డెన్ చారియట్ లగ్జరీ రైలు మరోసారి పట్టాలపైకి రావడానికి సిద్ధంగా ఉంది. కర్ణాటక గొప్ప సాంస్కృతిక వారసత్వాన్ని ప్రదర్శించే గోల్డెన్ చారియట్ లగ్జరీ టూరిస్ట్ రైలు ఈసారి డిసెంబర్ 14న బయలుదేరుతుంది. రైలులో 13 డబుల్ బెడ్ క్యాబిన్‌లు, 26 ట్విన్ బెడ్ క్యాబిన్‌లు, వికలాంగ అతిథుల కోసం 1 క్యాబిన్ ఉన్నాయి. 40 క్యాబిన్లతో కూడిన ఈ రాయల్ రైలులో 80 మంది ప్రయాణికులు ప్రయాణించవచ్చు.

క్యాబిన్ ఎయిర్ కండీషనర్, వైఫై:

ఈ రైలు పేరు గోల్డెన్ రథం. అంటే బంగారు రథం. ప్రయాణికులకు రాయల్ అనుభూతిని అందించడానికి రైలులోని అన్ని విలాసవంతమైన క్యాబిన్‌లు, ఎయిర్ కండిషనర్లు, వైఫై వంటివి ఉంటాయి. అన్ని క్యాబిన్లలో కుషన్డ్ ఫర్నిచర్, విలాసవంతమైన బాత్‌రూమ్‌లు, సౌకర్యవంతమైన బెడ్‌లు, విలాసవంతమైన టీవీలు ఉన్నాయి. ఇక్కడ అనేక OTTలను ఆస్వాదించవచ్చు. రైలులో సెలూన్ కోసం ప్రత్యేక ఏర్పాటు కూడా ఉంది.

స్థానిక, విదేశీ వంటకాల ప్రత్యేకత:

గోల్డెన్ చారియట్ లగ్జరీ రైలులో దేశ, విదేశీ వంటకాలకు ప్రత్యేక ఏర్పాట్లు చేశారు. రుచి, నలపాక్ పేరుతో రెండు గొప్ప రెస్టారెంట్లు ఉన్నాయి. ఈ రెస్టారెంట్లలో అంతర్జాతీయ బ్రాండ్‌ల క్రోకరీ, కట్లరీలలో శాఖాహారం, మాంసాహార వంటకాలు అందించనున్నారు. దీంతో పాటు బెస్ట్ అండ్ బ్రాండెడ్ వైన్స్, బీర్లు, లిక్కర్లు బార్‌లో లభిస్తున్నాయి.

హెల్త్ స్పా సౌకర్యం కూడా..

ప్రయాణికుల ఆరోగ్యం, సౌకర్యవంతమైన ప్రయాణం కోసం ఈ గోల్డెన్ చారియట్ రైలులో ఆరోగ్య స్పా కూడా ఉంది. ఇక్కడ స్పా థెరపీతో సహా అనేక స్పాలు ఆనందించవచ్చు. ఇది మాత్రమే కాదు, ఆరోగ్యాన్ని జాగ్రత్తగా చూసుకోవడానికి, ఒక హైటెక్ జిమ్ కూడా ఉంది. ఇక్కడ వ్యాయామం చేయడానికి చాలా ఆధునిక వ్యాయామ యంత్రాలు ఉన్నాయి. అతిథులకు మెరుగైన భద్రత కల్పించేందుకు రైలు మొత్తం సీసీటీవీ కెమెరాలు, ఫైర్ అలారం వ్యవస్థను అమర్చారు. రైలు మొత్తం 7 స్టార్ హోటల్ కంటే తక్కువేమి కాదు. లగ్జరీ రైలులో 5 రాత్రులు, 6 పగళ్లు గడపడానికి మీరు కేవలం రూ. 4,00,530, 5% GST చెల్లించాలి. ఇందులో వసతి, ఆహారం, మద్యం, ప్రవేశ టిక్కెట్టు, గైడ్ మొదలైనవి ఉంటాయి.

షెడ్యూల్‌:

• ప్రైడ్ ఆఫ్ కర్నాటక (5 రాత్రులు/6 రోజులు) – బెంగళూరు, బందీపూర్, మైసూర్, హళేబీడు, చిక్కమగళూరు, హంపి, గోవా, తిరిగి బెంగుళూరు నుండి ప్రారంభమవుతుంది.
• జెమ్స్ ఆఫ్ ది సౌత్ (5 రాత్రులు/6 రోజులు) – బెంగళూరు నుండి మైసూర్, కాంచీపురం, మహాబలిపురం, తంజావూరు, చెట్టినాడ్, కొచ్చిన్, చేర్యాల, తిరిగి బెంగళూరు వరకు.
• డిసెంబర్ 14, 2024- ప్రైడ్ ఆఫ్ కర్ణాటక (5రాత్రులు, 6 రోజులు)
• డిసెంబర్ 21, 2024 – జెమ్స్ ఆఫ్ ది సౌత్ (5 రాత్రులు/6 రోజులు)
• జనవరి 4, 2025- ప్రైడ్ ఆఫ్ కర్ణాటక (5రాత్రులు, 6 రోజులు)
• ఫిబ్రవరి 1, 2025 – ప్రైడ్ ఆఫ్ కర్ణాటక (5 రాత్రులు/6 రోజులు)
• ఫిబ్రవరి 15, 2025 – జెమ్స్ ఆఫ్ ది సౌత్ (5 రాత్రులు/6 రోజులు)
• మార్చి 1, 2025- ప్రైడ్ ఆఫ్ కర్ణాటక (5 రాత్రులు/6 రోజులు)

ఇది కూడా చదవండి: Indian Railways: మన దేశంలో చివరి రైల్వేస్టేషన్ ఏదో తెలుసా? ఇక్కడి నుంచి గాంధీ, సుభాస్‌ చంద్రబోస్‌..

మరిన్ని బిజినెస్ వార్తల కోసం ఇక్కడ క్లిక్ చేయండి