Small Savings Schemes: పొదుపుతో భవిష్యత్ మలుపు.. ఆ ఏడు పథకాల్లో అదిరే వడ్డీ

వారికీ మీ ఆహారం నచ్చితే మార్కెట్ ఆటోమేటిక్‌గా క్రియేట్ అవుతుంది. ఇలా మీ మార్కెటింగ్ స్కిల్స్ ద్వారా ఫుడ్ బిజినెస్ పెంచుకుంటూపోతే.. నెలనెలా రూ. 50 వేలు మీ సొంతం.

భారతదేశంలోని ప్రజల్లో పొదుపుపై అవగాహన కల్పించేందుకు కేంద్ర ప్రభుత్వం వివిధ పొదుపు పథకాలను ప్రవేశపెట్టింది. ముఖ్యంగా గ్రామీణుల్లో పొదుపు శక్తిని పెంచడంతో పాటు అప్పులపాలు కాకుండా ఉండడానికి ఈ పథకాలు చాలా దోహదం చేస్తున్నాయి. అలాగే ప్రతి త్రైమాసికానికి వడ్డీ రేటు సవరణ చేయడం వల్ల గ్రామీణులు పొదుపుపై ఎక్కువ ఆసక్తి చూపుతున్నారు. 2024-25 ఆర్థిక సంవత్సరం మొదటి త్రైమాసికంలో వివిధ చిన్న పొదుపు పథకాలపై వడ్డీ రేట్లు ఏప్రిల్ 1, 2024 నుంచి ప్రారంభమై జూన్ 30, 2024తో ముగుస్తున్నాయి. ఈ నేపథ్యంలో  వివిధ ప్రభుత్వ పథకాల్లో ఏడు శాతం కంటే అధికంగా ఇచ్చే ఏడు పొదుపు పథకాల గురించి తెలుసుకుందాం.

పబ్లిక్ ప్రావిడెంట్ ఫండ్ 

ప్రభుత్వం పీపీఎఫ్‌పై సంవత్సరానికి 7.1 శాతం (సంవత్సరానికి కలిపి) అందిస్తుంది. కనీస డిపాజిట్ రూ.500 ప్రతి ఆర్థిక సంవత్సరం, గరిష్ట డిపాజిట్ రూ.1.50 లక్షలుగా ఉంటుంది. ఆదాయపు పన్ను చట్టంలోని సెక్షన్ 80సీ కింద డిపాజిట్లు మినహాయింపునకు అర్హత ఉంటుంది. ఈ మొత్తాన్ని ఆర్థిక సంవత్సరంలో ఎన్ని చెల్లింపులైనా రూ.1.50 లక్షల వరకూ చేయవచ్చు. క్యాలెండర్ నెల వడ్డీ ఐదో రోజు నుంచి నెలాఖరు మధ్య ఖాతాకు సంబంధించిన అత్యల్ప బ్యాలెన్స్‌పై నిర్ణయిస్తారు. 

సీనియర్ సిటిజన్ సేవింగ్స్ స్కీమ్

సీనియర్ సిటిజన్ సేవింగ్స్ స్కీమ్‌పై ప్రభుత్వం 8.2 శాతం వడ్డీని అందిస్తుంది. కనీస డిపాజిట్ రూ.1000గా ఉంటే గరిష్ట పరిమితి రూ.30 లక్షలుగా ఉంటుంది. ఒక ఆర్థిక సంవత్సరంలో అన్ని ఎస్‌సీఎస్ఎస్ ఖాతాల్లో మొత్తం వడ్డీ రూ.50,000 దాటితే వడ్డీకి పన్ను విధిస్తారు. చెల్లించిన మొత్తం వడ్డీ నుండి నిర్ణీత రేటులో టీడీఎస్ నుంచి తీసివేస్తారు. ఫారమ్ 15 జీ/15హెచ్ సమర్పించబడితే, సూచించిన పరిమితి కంటే ఎక్కువ వడ్డీని పొందకపోతే టీడీఎస్ తీసేయరు. 

మూడు సంవత్సరాల పోస్ట్ ఆఫీస్ టైమ్ డిపాజిట్

పోస్ట్ ఆఫీస్ టైమ్ డిపాజిట్ 3 సంవత్సరాల టర్మ్ డిపాజిట్‌పై 7.1 శాతం వడ్డీ రేటును అందిస్తుంది. కనీసం రూ.100తో ఖాతా తెరవవచ్చు. అలాగే ఈ పథకంలో పెట్టుబడికి గరిష్ట పరిమితి లేదు.

ఐదు సంవత్సరాల పోస్ట్ ఆఫీస్ టైమ్ డిపాజిట్

పోస్ట్ ఆఫీస్ టైమ్ డిపాజిట్ ఐదు సంవత్సరాల టర్మ్ డిపాజిట్‌పై 7.5 శాతం వడ్డీ రేటును అందిస్తుంది. 5 సంవత్సరాల టీడీ కింద పెట్టుబడి ఆదాయపు పన్ను చట్టం, 1961 సెక్షన్ 80సీ ప్రయోజనం కోసం అర్హత పొందుతారు.

పోస్ట్ మంత్లీ ఇన్కమ్ స్కీమ్ 

పోస్టాఫీసు నెలవారీ ఆదాయం పథకంలో ప్రభుత్వం 7.4 శాతం అందిస్తుంది. కనీసం రూ.1000తో ఖాతా తెరిచి, గరిష్టంగా రూ. 9 లక్షలు, జాయింట్ ఖాతాలో 15 లక్షలు జమ చేయవచ్చు. ఒక వ్యక్తి తెరిచిన అన్ని ఎంఐఎస్ ఖాతాలలోని డిపాజిట్లు రూ. 9 లక్షలకు మించకూడదు.

నేషనల్ సేవింగ్స్ సర్టిఫికేట్ 

ప్రభుత్వం ఏటా 7.7 శాతం సమ్మేళనాన్ని అందిస్తుంది. అయితే నేషనల్ సేవింగ్స్ సర్టిఫికేట్‌పై మెచ్యూరిటీ సమయంలో చెల్లిస్తారు. డిపాజిట్ చేయాల్సిన కనీస మొత్తం రూ.1000గా ఉంటే గరిష్ట పరిమితి లేదు. ఆదాయపు పన్ను చట్టంలోని సెక్షన్ 80 సీ కింద డిపాజిట్లు మినహాయింపునకు అర్హత  పొందుతాయి. డిపాజిట్ చేసిన తేదీ నుంచి ఐదు సంవత్సరాలు పూర్తయిన తర్వాత డిపాజిట్ మెచ్యూర్ అవుతుంది.

కిసాన్ వికాస్ పత్ర 

ప్రభుత్వం 7.5 శాతం కిసాన్ వికాస్ పత్రాన్ని అందిస్తుంది. ఇది ఏటా సమ్మేళనం చేస్తారు. పెట్టుబడి మొత్తం 115 నెలల్లో (9 సంవత్సరాలు & 7 నెలలు) రెట్టింపు అవుతుంది. డిపాజిట్ తేదీలో వర్తించే విధంగా ఎప్పటికప్పుడు ఆర్థిక మంత్రిత్వ శాఖ సూచించిన మెచ్యూరిటీ వ్యవధిలో డిపాజిట్ మెచ్యూర్ అవుతుందని గమనించాలి. 

మరిన్ని బిజినెస్ వార్తల కోసం ఇక్కడ క్లిక్ చేయండి..