EPFO: పీఎఫ్‌ డబ్బును ఉపసంహరించుకుంటే పన్ను చెల్లించాలా..? నిబంధనలు ఏమిటి?

ఉద్యోగుల పదవీ విరమణ భద్రత కోసం ప్రభుత్వం రూపొందించిన కొన్ని ముఖ్యమైన పథకాలలో ఈపీఎఫ్‌ ఒకటి. ఈ పథకం ప్రభుత్వ ఉద్యోగులకే కాకుండా ప్రైవేట్ రంగ ఉద్యోగులకు కూడా అందుబాటులో ఉంటుంది. ప్రైవేట్ రంగ ఉద్యోగులందరూ ఉద్యోగంలో చేరినప్పుడు వారి పేరు మీద ఈపీఎఫ్‌ ఖాతా తెరవబడుతుంది. ప్రాథమిక జీతంలో 12% డబ్బు తీసివేయబడుతుంది. అలాగే ఈ ఖాతాకు బదిలీ చేయబడుతుంది. కంపెనీ కూడా అంతే మొత్తాన్ని ఖాతాలో జమ చేస్తుంది. ప్రభుత్వం ప్రతి సంవత్సరం ఈ ఖాతాలోని మొత్తానికి వడ్డీని జోడిస్తుంది. ప్రస్తుతం ఈపీఎఫ్ రూ. 8.15% వడ్డీ ఇస్తోంది.

పదవీ విరమణ సమయంలో భద్రత కోసం ఈపీఎఫ్‌ పథకం అమలు చేయబడినప్పటికీ, ఉద్యోగి మధ్యలో అత్యవసర పరిస్థితుల్లో మాత్రమే ఈపీఎఫ్‌ ఖాతాలోని డబ్బులో కొంత భాగాన్ని విత్‌డ్రా చేసుకునేందుకు అనుమతిస్తారు.

ఇవి కూడా చదవండి

మీ ఆరోగ్య బీమా క్లెయిమ్ తిరస్కరించబడిందా..? ఇలా ఫిర్యాదు చేయండి

ఈ లావాదేవీలు చేసేటప్పుడు జాగ్రత్తగా ఉండండి.. లేకుంటే ఆదాయపు పన్ను

ఆసియాలోనే అత్యంత సంపన్నుల జాబితాలో ముఖేష్‌ అంబానీ

మీ ఆడపిల్లల భవిష్యత్తు కోసం ఈ ప్లాన్ చేయడం మర్చిపోవద్దు

EPF ఉపసంహరణ నియమాలు క్రింది విధంగా ఉన్నాయి:

• ఈపీఎఫ్‌లో రూపొందించిన నిబంధనల ప్రకారం.. ఉద్యోగి పదవీ విరమణ చేసిన తర్వాత పీఎఫ్‌ డబ్బును ఉపసంహరించుకోవాలి. ఈ పదవీ విరమణ వయస్సు 55 సంవత్సరాలుగా నిర్ణయించబడింది.
• పదవీ విరమణకు ఒక సంవత్సరం ముందు అంటే 54 శాతం వయస్సులో పీఎఫ్‌ మొత్తంలో 90% విత్‌డ్రా చేసుకోవచ్చు.
• మీరు మీ ఉద్యోగం కోల్పోయినప్పుడు, ఒక నెల తర్వాత పీఎఫ్‌లో 75% విత్‌డ్రా చేసుకోవచ్చు. రెండు నెలల తర్వాత, మీకు కావాలంటే మొత్తం పీఎఫ్ మొత్తాన్ని పొందవచ్చు.
• అనారోగ్యం వంటి అత్యవసర పరిస్థితుల్లో కూడా ఉద్యోగి తన పీఎఫ్ ఖాతా నుంచి అడ్వాన్స్ రూపంలో డబ్బు తీసుకోవచ్చు.

EPF నిధులు, ఉపసంహరణలపై పన్ను వర్తిస్తుందా?

• కంపెనీ ఈపీఎఫ్‌ ఖాతాలో జమ చేసిన డబ్బు, దానిపై వచ్చే వడ్డీపై పన్ను వర్తిస్తుంది.
• ఉద్యోగి జీతం నుంచి ఈపీఎఫ్‌ ఖాతాకు తీసివేయబడిన డబ్బుపై కూడా పన్ను వర్తిస్తుంది.
• ఐదేళ్ల సర్వీసుకు ముందు ఈపీఎఫ్ ఖాతా నుంచి 50,000 కంటే ఎక్కువ విత్‌డ్రా చేస్తే, ఆ మొత్తంపై టీడీఎస్‌ మినహాయించబడుతుంది.

మరిన్ని బిజినెస్ వార్తల కోసం ఇక్కడ క్లిక్ చేయండి