Home Loan: రూ.50 లక్షల హోమ్ లోన్ తీసుకోవడానికి మీకు నెలకు ఎంత జీతం ఉండాలో తెలుసా?

Home Loan: ప్రతి ఒక్కరూ తమకంటూ ఒక సొంత ఇల్లు ఉండాలని కోరుకుంటారు. కానీ అన్నింటి ధరలు రోజురోజుకీ పెరుగుతున్నాయి. అందుకే సామాన్యుడికి గృహ రుణం అనేదే అతిపెద్ద ఆశ. మరి ఒక మంచి ఇల్లు లేదా ఫ్లాట్ కొనడానికి రుణం తీసుకోవాలంటే ఒక వ్యక్తికి ఎంత జీతం ఉండాలో మీకు తెలుసా?

ఏదైనా బ్యాంకు లేదా ఆర్థిక సంస్థ రుణం మంజూరు చేసే ముందు అనేక విషయాలను లెక్కిస్తుంది. ఆ తర్వాత వారు రుణ మొత్తాన్ని నిర్ణయిస్తారు. గృహ రుణాన్ని ఆమోదించేటప్పుడు, రుణదాతలు సాధారణంగా స్థిర బాధ్యత-ఆదాయ నిష్పత్తి (FOIR)ని ఉపయోగిస్తారు. ఒక వ్యక్తి తన నెలవారీ ఆదాయంలో ఎంత మొత్తాన్ని EMIగా సురక్షితంగా చెల్లించవచ్చో ఈ సూచిక తెలియజేస్తుంది. సాధారణంగా మొత్తం EMI నెలవారీ ఆదాయంలో 50 శాతానికి మించకుండా ఉండటం ముఖ్యం.

ప్రస్తుత 9 శాతం వడ్డీ రేటు, 30 సంవత్సరాల రుణ కాలపరిమితి ఆధారంగా లెక్కిస్తే 50 లక్షల వరకు గృహ రుణానికి ఈఎంఐ సుమారుగా రూ.40,231 వరకు ఉంటుంది. మరోవైపు మీరు 8 శాతం వడ్డీ రేటుతో రుణం తీసుకుంటే ఈఎంఐ రూ.36,688 వరకు ఉంటుంది.

ఇవి కూడా చదవండి

6 సంవత్సరాల తర్వాత మళ్లీ.. 30 రోజుల పాటు నెట్‌ఫ్లిక్స్‌ ఉచితం..!

మహిళలు ధరించే కాళ్ల పట్టీలు త్వరగా అరిగిపోకుండా ఉండాలంటే..

ఆషాడంలో బంగారం ధర తగ్గుతుందా? పెరుగుతుందా? ప్రస్తుతం తులం ధర ఎంత?

ఆ నంబర్ సిరీస్‌తో వచ్చే కాల్స్‌ను బ్లాక్ చేయడం సాధ్యం కాదు: TRAI

ఒకవేళ ఎవరైనా 35 సంవత్సరాల కాలానికి రూ.50 లక్షల గృహ రుణం తీసుకుంటే 9 శాతం వడ్డీ రేటుతో నెలవారీ వాయిదా 39,200 రూపాయలు ఉంటుంది. మరోవైపు ఇదే రుణాన్ని 8 శాతం వడ్డీ రేటుతో తీసుకుంటే నెలవారీ వాయిదా 35,514 రూపాయలు అవుతుంది.

ఇది కూడా చదవండి: Credit Card: క్రెడిట్ కార్డ్ వాడే వ్యక్తి అకస్మాత్తుగా చనిపోతే.. ఆ బిల్లు కుటుంబ సభ్యులు కట్టాలా? అసలు నిజమేంటంటే..

లెక్కల ప్రకారం.. ఒక వ్యక్తి నెలసరి ఆదాయం సుమారు రూ.70 వేల వరకు ఉంటే అతను 50 లక్షల రుణం పొందగలడు. ఆ సందర్భంలో ఆ వ్యక్తి 35 సంవత్సరాల కాలానికి 8 శాతం వడ్డీ రేటుతో ఆ రుణం తీసుకోవలసి ఉంటుంది. అదేవిధంగా అతను 30 సంవత్సరాల కాలానికి 9 శాతం వడ్డీ రేటుతో రుణం తీసుకుంటే, అతని నెలసరి జీతం సుమారు రూ.81 వేల వరకు ఉండాలి.

అయితే తుది రుణ మొత్తం దరఖాస్తుదారుడి క్రెడిట్ స్కోర్, ప్రస్తుత రుణ భారం, వయస్సు, ఉద్యోగ స్థిరత్వం, రుణ కాలపరిమితిపై ఆధారపడి ఉంటుంది. మంచి క్రెడిట్ స్కోర్ ఉండటం వల్ల రుణం సులభంగా, సాపేక్షంగా తక్కువ వడ్డీ రేటుతో ఆమోదం పొందే అవకాశాలు కూడా పెరుగుతాయి.

గృహ రుణం కోసం దరఖాస్తు చేసే ముందు ఆన్‌లైన్ అర్హత లేదా EMI కాలిక్యులేటర్‌ను ఉపయోగించి రుణ మొత్తాన్ని తనిఖీ చేసుకోవాలి. ఇది భవిష్యత్తు ఆర్థిక ప్రణాళికను సులభతరం చేస్తుంది. నెలవారీ ఆదాయానికి అనుగుణంగా EMIని నిర్ణయించుకోవడం రుణ చెల్లింపు ఒత్తిడిని తగ్గిస్తుంది. అలాగే దీర్ఘకాలంలో ఆర్థిక స్థిరత్వాన్ని కాపాడుకోవడానికి కూడా సహాయపడుతుంది.

ఇది కూడా చదవండి: Military Sleep Method: మీరు పడుకోగానే నిద్ర పట్టడం లేదా? మిలిటరీ స్లీప్ మెథడ్‌ గురించి తెలుసా?

ఇది కూడా చదవండి: Silver Anklet: మహిళలు ధరించే కాళ్ల పట్టీలు త్వరగా అరిగిపోకుండా ఉండాలంటే ఏం చేయాలి? సూపర్‌ టిప్స్‌..!

మరిన్ని బిజినెస్ వార్తల కోసం ఇక్కడ క్లిక్ చేయండి