Netflix: 6 సంవత్సరాల తర్వాత మళ్లీ.. 30 రోజుల పాటు నెట్ఫ్లిక్స్ ఉచితం..!
Netflix: ఎంపిక చేసిన దేశాల్లో అర్హత ఉన్న కొత్త సభ్యులకు స్ట్రీమింగ్ సేవ ఉచిత ట్రయల్‌ను అందిస్తున్నట్లు నెట్ఫ్లిక్స్ ధృవీకరించింది. కంపెనీ సహాయ కేంద్రం ప్రకారం, వినియోగదారుడి ఖాతా, పరికరం, లొకేషన్ అర్హత కలిగి ఉంటే సైన్-అప్ సమయంలో ఉచిత ట్రయల్..
Updated on: Jul 12, 2026 | 8:03 AM
Netflix: దాదాపు 6 సంవత్సరాల తర్వాత నెట్ఫ్లిక్స్ తన ఉచిత ట్రయల్ ఆఫర్‌ను మరోసారి ప్రారంభించినట్లు తెలుస్తోంది. ప్రపంచవ్యాప్తంగా చాలా మంది వినియోగదారులు కొత్త ఖాతాను సృష్టించుకోవడం ద్వారా స్ట్రీమింగ్ సేవకు ఉచిత సబ్‌స్క్రిప్షన్ పొందుతున్నట్లు నివేదించారు. ఈ విషయాన్ని కంపెనీ కూడా ధృవీకరించింది. నెట్ఫ్లిక్స్ ఉచిత ట్రయల్ సేవను నిలిపివేసిన దాదాపు 6 సంవత్సరాల తర్వాత ఈ చర్య తీసుకుంది. ఈ ఉచిత ట్రయల్ ద్వారా కొత్త వినియోగదారులు సినిమాలు, షోలను ఉచితంగా ఆస్వాదించవచ్చు.
నెట్ఫ్లిక్స్ ఉచిత ట్రయల్:
ఎంపిక చేసిన దేశాల్లో అర్హత ఉన్న కొత్త సభ్యులకు స్ట్రీమింగ్ సేవ ఉచిత ట్రయల్‌ను అందిస్తున్నట్లు నెట్ఫ్లిక్స్ ధృవీకరించింది. కంపెనీ సహాయ కేంద్రం ప్రకారం, వినియోగదారుడి ఖాతా, పరికరం, లొకేషన్ అర్హత కలిగి ఉంటే సైన్-అప్ సమయంలో ఉచిత ట్రయల్ ఎంపిక ఆటోమేటిక్‌గా కనిపిస్తుంది. ఈ ఆఫర్ కనిపించకపోతే ప్రస్తుతానికి మీ ఖాతా దానికి అర్హత లేదని అర్థం. అయితే, భారతదేశంలో ఈ ఆఫర్ తిరిగి రావడం గురించి నెట్ఫ్లిక్స్ ఎటువంటి అధికారిక ప్రకటన చేయలేదు. కానీ గాడ్జెట్స్ 360 నివేదిక ప్రకారం.. కొత్త ఇమెయిల్ చిరునామాతో కొత్త నెట్ఫ్లిక్స్ ఖాతాను సృష్టించేటప్పుడు “రూ. 0కి 30 రోజులు ప్రయత్నించండి” అనే ఆఫర్ కనిపించింది.
కొంతమందికి 30 రోజులు.. మరికొంతమందికి 15 రోజులు:
నివేదికల ప్రకారం.. అన్ని ఖాతాలకు ఉచిత ట్రయల్ వ్యవధి ఒకేలా లేదు. కొంతమంది వినియోగదారులకు 30 రోజుల ఉచిత ట్రయల్ లభిస్తుండగా, మరికొంతమంది వినియోగదారులు తమకు 15 రోజుల ఉచిత ట్రయల్ ఆఫర్ మాత్రమే లభించిందని నివేదించారు. దీనిని బట్టి కంపెనీ బహుశా A/B టెస్టింగ్ చేస్తోందని, దానిలో భాగంగా వేర్వేరు వినియోగదారులకు వేర్వేరు ప్రమోషనల్ ఆఫర్‌లను చూపిస్తోందని తెలుస్తోంది.
నెట్ఫ్లిక్స్ ట్రయల్ ఆఫర్ 2020లో ముగిసింది:
విశేషం ఏమిటంటే చాలా సంవత్సరాలుగా 30 రోజుల ఉచిత ట్రయల్‌ను అందించిన తర్వాత, నెట్ఫ్లిక్స్ సుమారు 2020లో ప్రపంచవ్యాప్తంగా దానిని నిలిపివేసింది. ఇప్పుడు ఈ ఆఫర్‌ను తిరిగి ప్రవేశపెట్టడం ద్వారా ఉచిత ట్రయల్ పునరాగమనం స్ట్రీమింగ్ సేవకు సబ్‌స్క్రయిబ్ చేసుకోవడానికి ఎక్కువ మందిని ప్రేరేపిస్తుందని భావిస్తున్నారు.
ఇది కూడా చదవండి: Silver Anklet: మహిళలు ధరించే కాళ్ల పట్టీలు త్వరగా అరిగిపోకుండా ఉండాలంటే ఏం చేయాలి? సూపర్ టిప్స్‌..!
ఇది కూడా చదవండి: Gold Rate Today: ఆషాడంలో బంగారం ధర పెరుగుతుందా? తగ్గుతుందా..? ప్రస్తుతం తులం ధర ఎంత?
ఇది కూడా చదవండి: Post Office: ఇందులో ఒక్కసారి ఇన్వెస్ట్ చేస్తే చాలు.. ప్రతి నెల రూ.9000 ఆదాయం..!
మరిన్ని బిజినెస్ వార్తల కోసం ఇక్కడ క్లిక్ చేయండి
