Cement prices: ఇళ్లు కట్టుకునే వారికి అలర్ట్.. పెరిగిన సిమెంట్ ధరలు.. ఎంత పెరిగాయంటే..

బొగ్గు ధరల పెరుగుదల, అస్థిర ముడి చమురు అదనపు వ్యయ ఒత్తిడి కారణంగా సిమెంట్ ధరలు పెరిగాయి. జనవరిలో 3 -5 శాతం ధరలు పెరిగాయి. ప్రధానంగా తూర్పు, దక్షిణ ప్రాంతాలలో ధరలు పెంచారు. నవంబర్‌లో బలహీనమైన డిమాండ్ కనిపించిన తర్వాత కదలిక వచ్చింది. సిమెంట్ కంపెనీలకు వాష్-అవుట్ – డిసెంబర్‌లో కొంత భాగం కొనసాగింది. దక్షిణ భారతదేశంలో వర్షాలు, తూర్పు భారత్‌లో ఇసుక మైనింగ్ సమస్యలు కూడా అక్టోబర్-డిసెంబర్ కాలంలో డిమాండ్‌ తగ్గుదలకు కారణమయ్యాయి. డిసెంబరు మధ్య సిమెంట్ డిమాండ్‌లో గణనీయమైన మెరుగుదల ఉందని కంపెనీలు చెబుతున్నాయి. ధరల పెరుగుదల ఫిబ్రవరిలో ఉండొచ్చని చెబుతున్నారు. సౌత్, ఈస్ట్‌ భారత్‌లో 5 శాతం, 6 శాతం పెంపుదల ఉన్నట్లు మార్కెట్ వర్గాలు పేర్కొన్నాయి. పశ్చిమ, ఉత్తర ప్రాంతాలలో ధరలు వరుసగా 3 శాతం, 1 శాతంగా పెరిగాయి.

దేశంలో నాల్గో-అతిపెద్ద కంపెనీ దాల్మియా సిమెంట్ లిమిటెడ్, MD, CEO మహేంద్ర సింఘి బిజినెస్‌లైన్‌తో మాట్లాడుతూ, “Q3 FY22లో సామర్థ్య వినియోగం 69 శాతం నుంచి డిసెంబర్‌లో 83 శాతం పెరిగింది. జనవరి-మార్చి త్రైమాసికంలో ఇది 70-75 శాతం శ్రేణిలో ఉంటుందని అంచనా. ఎంపిక చేసిన ప్రాంతాల్లో ధరల పెంపుదల ఇప్పటికే అమల్లోకి వస్తుందని చెప్పారు.” రెండో అతిపెద్ద సిమెంట్ తయారీ కంపెనీ శ్రీ సిమెంట్స్ మేనేజ్‌మెంట్ జనవరి-ఫిబ్రవరి 2022లో వివిధ ప్రాంతాలలో ధరల పెరుగుదల ఉంటుందని పేర్కొంది.

రామ్‌కో సిమెంట్స్ మేనేజ్‌మెంట్ నివేదిక ప్రకారం, జనవరి 2022 మధ్య నుంచి పశ్చిమ బెంగాల్‌లో బ్యాగ్‌కి రూ. 30 – 40, ఒడిశాలో బ్యాగ్‌కు రూ. 15-20 పెరిగాయి. తూర్పులో ధరలు మరింత పెరుగుతాయని అంచనా వేస్తోంది. అలాగే, దక్షిణాదిలో రూ.15-20 వరకు బ్యాగ్ ధరలు పెరిగాయి. కేరళలో రూ.30-40 పెరిగాయి. ఇదిలా ఉండగా, జనవరి 2022లో సిమెంట్ కంపెనీలకు వ్యయం పెరిగింది. బొగ్గు ధర జనవరిలో 9 శాతం పెరిగింది.

Read Also.. NCD vs Fixed Deposit: ఫిక్స్‌డ్‌ డిపాజిట్ కంటే ఎన్‌సీడీల్లో వడ్డీ ఎక్కువ వస్తుందా.. ఎన్‌సీడీల్లో పెట్టుబడి సురక్షితమేనా..