Car Insurance: కారు ఇన్సూరెన్స్ ప్రీమియం తగ్గాలంటే ఇలా చేయండి

ఇప్పుడు చాలామంది కారు కొంటున్నారు. దాదాపుగా కారు అందరికీ ప్రాధమిక అవసరంగా మారిపోతోంది. కారు కోసం ఇన్సూరెన్స్ చేయించడం తప్పనిసరి. కారు ఇన్సూరెన్స్ తీసుకోవాలంటే డబ్బు ఎక్కువగా చెల్లించాల్సి ఉంటుంది. కానీ, కారు ఇన్సూరెన్స్ పాలసీ రెన్యువల్ సమయంలో ప్రీమియం తగ్గించుకోగలిగే అవకాశం ఉంది. అదెలానో చూద్దాం.

కారు ఇన్సూరెన్స్ ఉంది కదా అని చిన్న చిన్న రిపేర్ల కోసం ఇన్సూరెన్స్ క్లెయిమ్ కి వెళ్ళకండి. మీరు సంవత్సరంలో ఒక్కసారి కూడా క్లెయిమ్ చేయకపోతే కనుక మీకు నో క్లెయిమ్ బోనస్ (NCB)వస్తుంది. రెన్యువల్ సమయంలో దాదాపు 20% వరకూ ప్రీమియం తగ్గుతుంది. ఉదాహరణకు మీ కారు పాలసీ 10 వేలు అనుకుందాం. కారుకు చిన్న ప్రమాదంలో బంపర్ దెబ్బతింది. దానిని రిపేర్ చేయించడానికి మీకు 1000 రూపాయలు ఖర్చు అయ్యాయి. అప్పుడు మీరు ఆ వెయ్యి రూపాయాలు క్లెయిమ్ చేస్తే మీకు నో క్లెయిమ్ బోనస్ రాదు. నిజానికి మీరు ఆ 1000 రూపాయలు క్లెయిమ్ చేయకపోతే మీకు 2 వేల రూపాయలు నో క్లెయిమ్ బోనస్ వచ్చి ఉండేది. అంటే మీరు వెయ్యి రూపాయలు నష్టపోతారు.

చిన్న చిన్న మరమ్మతుల కోసం అంటే డెంట్ రిపేర్, టెయిల్ లైట్ విరిగిపోవడం వంటివి కంపెనీ సర్వీస్ సెంటర్ కు బదులుగా మంచి మెకానిక్ దగ్గర చేయించండి. ఇక్కడ ఖర్చు కూడా తక్కువ అవుతుంది. అలాగే మీరు కొన్ని సంవత్సరాల పాటు కనుక ఎటువంటి ఇన్సూరెన్స్ క్లెయిమ్ చేయకపోతే మీకు ప్రీమియంలో 50% నుంచి 60 శాతం వరకూ డిస్కౌంట్ వచ్చే అవకాశము ఉంటుంది.

ఇవి కూడా చదవండి

ఉద్యోగి కాకుండా బ్యాంకు నుంచి ఆదాయం ఎలా పొందాలి?

ఎస్‌బీఐ యోనో యాప్‌ ద్వారా 3 నెలల్లో రూ. 100 కోట్లు ఆదాయం

UPI ATM: దేశంలోని మొదటి యూపీఐ ఏటీఎం..

వర్షాకాలంలో కార్ కేరింగ్.. ఈ టిప్స్ పాటించండి చాలు..

కారులో యాంటీ థెఫ్ట్ గాడ్జెట్ ఇన్ స్టాల్ చేయండి. ఇటువంటిది ఉండడం వలన మీకు ఇన్సూరెన్స్ ప్రీమియం లో 5% తగ్గుదల ఉంటుంది. అలాగే కారులో సేఫ్టీ పరికరాలను ఉంచడం వలన ఇన్సూరెన్స్ కంపెనీలు మంచి డిస్కౌంట్స్ ఇస్తాయి. ఇక మీ కారులో ఖరీదైన ఫ్యాన్సీ గాడ్జెట్స్ పెట్టుకోకండి. అంటే మీరు అల్ట్రాసోనిక్ సెన్సార్‌లు, ఆటోమోటివ్ నైట్ విజన్ మొదలైన ఖరీదైన గాడ్జెట్‌లను కారులో పెట్టుకుంటే మీ ఇన్సూరెన్స్ ప్రీమియం పెరుగుతుంది. మీరు కారులో ఎక్కువ ఖరీదైన గాడ్జెట్స్ అమర్చుకోవడం.. లేదా ఖరీదైన మార్పులు ఉదాహరణకు ఇంటీరియర్ డెకరేషన్.. ఏసీ వెంట్స్ వంటివి అమర్చుకుంటే తప్పనిసరిగా ఇన్సూరెన్స్ కంపెనీకి తెలియచేయాలి. లేకపోతె ఎపుడైనా ఇన్సూరెన్స్ క్లెయిమ్ కోసం వెళ్ళినపుడు రిజెక్ట్ చేసే అవకాశం ఉంటుంది.

ఎటువంటి పరిస్థితిలోనూ పాలసీ లాప్స్ కాకుండా చూసుకోండి. ఎప్పుడైనా ఒక్క రోజు ఆలస్యంగా ఇన్సూరెన్స్ పాలసీ ప్రీమియం చేసినా మీకు నో క్లెయిమ్ బోనస్ రాదు. అలాగే, ఇన్సూరెన్స్ పాలసీ తీసుకునే ముందు వివిధ కంపెనీలు ఇస్తున్న పాలసీల ధరలను పోల్చి చూసుకోండి. దానివలన మీరు తక్కువ ఖర్చు అయ్యే కంపెనీ నుంచి పాలసీ తీసుకోవచ్చు. డబ్బు ఆదా చేసుకోవచ్చు. అదేవిధంగా పాలసీ తీసుకునే టప్పుడు ఇన్సూరెన్స్ కంపెనీ టర్మ్స్ అండ్ కండిషన్స్ ని జాగ్రత్తగా చదివి అర్ధం చేసుకోండి.

సురక్షితంగా డ్రైవ్ చేయండి.. అతి వేగం వద్దు.. మద్యం తాగి కారు నడపవద్దు.. ఇలా అన్ని జాగ్రత్తలు తీసుకుంటే ఇన్సూరెన్స్ క్లెయిమ్ చేసుకునే పరిస్థితే రాదు కదా. అందుకే జాగ్రత్తగా డ్రైవ్ చేయండి.

మరిన్ని బిజినెస్ వార్తల కోసం ఇక్కడ క్లిక్ చేయండి