Maruti Alto K10: ఆ బడ్జెట్ కారులో అధునాతన ఫీచర్లు.. ప్రయాణికుల రక్షణే ప్రధానంశంగా కీలక మార్పులు
ప్రభుత్వం కూడా ప్రయాణీకులందరికీ భద్రత కల్పిస్తూ కార్లకు 6 ఎయిర్బ్యాగ్లు తప్పనిసరి చేసింది. దీనికి అనుగుణంగా కంపెనీలు తమ కార్లలో మార్పులు చేర్పులు చేస్తుండగా అక్టోబర్ 1 నుంచి అన్ని కార్లలో 6 ఎయిర్ బ్యాగ్స్ అమర్చనున్నారు. అంటే బడ్జెట్ కార్లలో కూడా ఈ సేఫ్టీ ఫీచర్ ఉంటుంది. బడ్జెట్ వాహనాల కొనుగోలుదారులు భద్రత విషయంలో రాజీ పడాల్సిన అవసరం ఉండదు. కాబట్టి భారతదేశంలో అత్యంత నమ్మకమైన బడ్జెట్ కార్లను మారుతీ సుజుకీ కంపెనీ అందిస్తుంది. ఈ కంపెనీ అందించే ఆల్టో కార్లకు ప్రత్యేక ఫ్యాన్ బేస్ ఉంది.
Updated on: Sep 13, 2023 | 6:45 PM
ఆటోమొబైల్ రంగంలో కొత్త విప్లవం వచ్చింది. ప్రస్తుతం వాహనాల కొనుగోలుదారులు వాహనాల ఫీచర్లు, ఇంజిన్, భద్రతపై శ్రద్ధ చూపుతున్నారు. దీంతో ప్రభుత్వం కూడా ప్రయాణీకులందరికీ భద్రత కల్పిస్తూ కార్లకు 6 ఎయిర్బ్యాగ్లు తప్పనిసరి చేసింది. దీనికి అనుగుణంగా కంపెనీలు తమ కార్లలో మార్పులు చేర్పులు చేస్తుండగా అక్టోబర్ 1 నుంచి అన్ని కార్లలో 6 ఎయిర్ బ్యాగ్స్ అమర్చనున్నారు. అంటే బడ్జెట్ కార్లలో కూడా ఈ సేఫ్టీ ఫీచర్ ఉంటుంది. బడ్జెట్ వాహనాల కొనుగోలుదారులు భద్రత విషయంలో రాజీ పడాల్సిన అవసరం ఉండదు. కాబట్టి భారతదేశంలో అత్యంత నమ్మకమైన బడ్జెట్ కార్లను మారుతీ సుజుకీ కంపెనీ అందిస్తుంది. ఈ కంపెనీ అందించే ఆల్టో కార్లకు ప్రత్యేక ఫ్యాన్ బేస్ ఉంది. ఈ నేపథ్యంలో తాజా మార్పులు ఆల్టో కే 10 వెర్షన్లో కూడా చేస్తుంది. కాబట్టి ఆల్టో కే 10 ఫీచర్లతో పాటు కీలక విషయాలను తెలుసుకుందాం.
మారుతి ఆల్టో కే 10 ఇప్పుడు దేశంలో అత్యంత పొదుపుగా ఉండే కారుగా మారనుంది. ఇప్పుడు ఈ కారులో కడా ఆరు ఎయిర్బ్యాగ్ల భద్రతా ఫీచర్ను జోడిస్తున్నారు. అంటే తక్కువ ధర, అధిక మైలేజ్ కారు ఇప్పుడు మీ కుటుంబానికి మెరుగైన భద్రతను అందిస్తుంది. ఎయిర్బ్యాగ్లతో పాటు ఆల్టో కే 10లో ఏబీఎస్, ఈబీడీ, రివర్స్ పార్కింగ్ సెన్సార్, చైల్డ్ లాక్, స్పీడ్ సెన్సింగ్ డోర్ లాక్లు వంటి ఫీచర్లు కూడా ఉంటాయి. ఇతర ఫీచర్లు పెద్ద ఇన్ఫోటైన్మెంట్ సిస్టమ్, 4 స్పీకర్లు, డిజిటల్ డ్రైవర్ డిస్ప్లే, పవర్ స్టీరింగ్, పవర్ విండోస్, ఇంజిన్ ఇమ్మొబిలైజర్ వంటి ఫీచర్లు సౌకర్యవంతమైన ప్రయాణాన్ని అందిస్తాయి.
ఆకట్టుకునే మైలేజ్
మారుతి ఆల్టో కే10 సహజంగా ఆశించిన పెట్రోల్ ఇంజిన్తో, సీఎన్జీ వేరియంట్ ఎంపికతో వస్తుంది. మైలేజీ విషయానికి వస్తే ఆల్టో కే 10 ఇతర కార్ల కంటే ప్రత్యేకంగా నిలుస్తుంది. ఈ కారు పెట్రోల్పై 27 కిలోమీటర్ల మైలేజ్ను ఇస్తుంది. అలాగే సీఎన్జీ కిలోకు సగటున 36 కిలోమీటర్ల వరకు అందిస్తుంది.
ధరలు ఇలా
మారుతి ఆల్టో కే 10 బేస్ మోడల్ ధర రూ. 3.99 లక్షలు (ఎక్స్-షోరూమ్), టాప్ వేరియంట్ రూ.5.96 లక్షలు (ఎక్స్-షోరూమ్). సీఎన్సీ మోడల్ ధర కూడా రూ. 5.96 లక్షలు (ఎక్స్-షోరూమ్).
మరిన్ని బిజినెస్ వార్తల కోసం ఇక్కడ క్లిక్ చేయండి..
