Aadhaar Locking: మీ ఆధార్ కార్డును లాక్ చేసుకోవచ్చన్న విషయం మీకు తెలుసా..? ఇలా చేయండి
అన్ని డాక్యుమెంట్లలో ఆధార్ ముఖ్యమైనది. ఇది లేనిది పనులు జరగవు. బ్యాంకు ఖాతా నుంచి ప్రభుత్వ, ప్రైవేటు పథకాల వరకు అన్నింటికి ఆధార్ కార్డు తప్పనిసరి కావాల్సిందే. అలాగే చిన్న చిన్న..
Updated on: Nov 04, 2022 | 8:52 AM
అన్ని డాక్యుమెంట్లలో ఆధార్ ముఖ్యమైనది. ఇది లేనిది పనులు జరగవు. బ్యాంకు ఖాతా నుంచి ప్రభుత్వ, ప్రైవేటు పథకాల వరకు అన్నింటికి ఆధార్ కార్డు తప్పనిసరి కావాల్సిందే. అలాగే చిన్న చిన్న పనులకు కూడా ఆధార్ కావాల్సిందే. భారతీయులకు ప్రభుత్వం జారీ చేసే విశిష్ట గుర్తింపు కార్డు ఇది. యూఐడీఏఐ నుంచి జారీ చేసే ఆధార్ కార్డు విషయంలో ఎన్నో సేవలు అందుబాటులోకి వస్తున్నాయి. ఆధార్లో మార్పులు చేర్పులకు సులభమైన పద్దతులు అందుబాటులోకి వస్తున్నాయి. ఈ మధ్య కాలంలో నకిలీ ఆధార్ కార్డులు పుట్టుకొస్తున్నాయి. కొందరు ఆధార్ కార్డులను నకిలీవి సృష్టించి మోసాలకు పాల్పడుతున్నారు. దీంతో ఆధార్ దుర్వినియోగం అవుతోంది. ఈ నేపథ్యంలో ఆధార్ దుర్వినియోగం కాకుండా చెక్ పెట్టవచ్చు. అయితే ఆధార్ కార్డు దుర్వినియోగం కాకుండా ఉండేందుకు కేంద్ర ప్రభుత్వం కీలక సూచనలు జారీ చేసింది. ఆధార్ కార్డు వినియోగంలో పలు జాగ్రత్తలు తప్పనిసరి అని సూచిస్తోంది. ఆధార్ కార్డును పబ్లిక్ కంప్యూటర్లలో ఎట్టి పరిస్థితుల్లో డౌన్లోడ్ చేయవద్దని హెచ్చరిస్తోంది. ఇలా బహిరంగ ప్రదేశాల్లో ఉన్న కంప్యూటర్లలో డౌన్లోడ్ చేసినట్లయితే ఇబ్బందులు ఎదుర్కొక తప్పదని హెచ్చరిస్తోంది. ఇందు కోసం ఆధార్ కార్డును కూడా లాక్ చేసుకోవచ్చు.
ఆధార్ కార్డును ఎలా లాక్ చేయాలి..?
ఆధార్ దుర్వినియోగం కాకుండా సురక్షితంగా ఉంచుకునేందుకు ఆన్లైన్ విధానంలో లాక్ చేసుకునే సదుపాయం ఉంది. ఎంఆధార్ యాప్ సహాయంతో ఈ సదుపాయాన్ని పొందవచ్చని చెబుతోంది. ఈ యాప్ ద్వారా మీ బయోమెట్రిక్ లాక్ చేసుకోవచ్చు. దీని కోసం మీకు వర్చువల్ ఐడీ అవసరం ఉంటుంది. ఈ ఐడీ 16 అంకెల రివోకేవల్ నెంబర్ ఉంటుంది. ఈ ఐడి నెంబర్ను ఆధార్ నెంబర్తో పాటు మ్యాచ్ చేస్తారు. దీని కోసం ఆధార్ హెల్ప్లైన్ నెంబర్ 1947పై ఎస్ఎంఎస్ ద్వారా పొందే వెసులుబాటు ఉంటుంది. దీని ద్వారా మీరు మీ ఆధార్ కార్డును లాక్ చేసుకోవచ్చు. యూఐడీని లాక్ చేయడానికి ఆధార్లోని చివరి 4 అంకెలు లేదా 8 అంకెలు టైప్ చేసి 1947 నెంబర్కు ఎస్ఎంఎస్ చేయడం ద్వారా కూడా లాక్ చేసుకోవచ్చు. ఉదా: GVID స్పేస్ 1234. ఒకే వేళ మీరు అన్లాక్ చేసుకోవాలంటే RVID 1234 టైప్ చేసి 1947 నెంబర్కు ఎస్ఎంఎస్ చేయాల్సి ఉంటుంది.
మాస్క్ ఆధార్
మాస్క్ ఆధార్ అనగానే మీ ఆధార్ కార్డును సురక్షితంగా ఉంచడం. ఈ కార్డును అనధికారిక సంస్థలకు ఇవ్వవచ్చు. దీని వల్ల మీ ఆధార్ నెంబర్ సురక్షితంగా ఉంటుంది. మీరు యూఐడీఏఐ అధికారిక వెబ్సైట్ నుంచి డౌన్లోడ్ చేసుకోవచ్చు. ఇందులో చివరి 4 అంకెలు మాత్రమే కనిపిస్తాయి. మిగతా అంకెలు కనిపించవు. వాటి స్థానంలో మార్క్స్ చేసి ఉంటాయి.
ఇదే కాకుండా మీ ఆధార్ను మరో విధంగా సురక్షితం చేసుకోవచ్చు. ఈమెయిల్ ఐడీ లేదా ఫోన్ నెంబర్తో లింక్ చేయడమే. ఈ విధానం ఆఫ్లైన్, ఆన్లైన్లోనూ ఆధార్ వెరిఫికేషన్ చేసుకోవచ్చు. ఆన్ వెరిఫికేషన్ కోసం ఈ లింక్ పై క్లిక్ చేయాల్సి ఉంటుంది. తర్వాత ఆధార్ నెంబర్ నమోదు చేసి ఆఫ్లైన్ వెరిఫికేషన్ ద్వారా ఆధార్పై క్యూఆర్ కోడ్ స్కాన్ చేయడం ద్వారా కూడా చేసుకునే సౌకర్యం ఉంది.
మరిన్ని బిజినెస్ వార్తల కోసం ఈ లింక్ క్లిక్ చేయండి..
