7th Pay Commission: ఉద్యోగులకు మరో అదిరిపోయే శుభవార్త.. కీలక ప్రకటన చేసిన కేంద్ర ప్రభుత్వం

కేంద్ర ఉద్యోగులకు శుభవార్త తెలిపింది. కేంద్ర ఉద్యోగులకు ప్రభుత్వం పెద్ద ప్రకటన చేసింది. ఉద్యోగులు ఇల్లు కట్టుకోవడానికి ఇచ్చే బిల్డింగ్ అడ్వాన్స్ (హెచ్‌బిఎ)పై వడ్డీ రేటు అంటే..

7th Pay Commission Update

Subhash Goud | Edited By: Ram Naramaneni|
Updated on: Nov 03, 2022 | 7:30 AM

కేంద్ర ఉద్యోగులకు శుభవార్త తెలిపింది. కేంద్ర ఉద్యోగులకు ప్రభుత్వం పెద్ద ప్రకటన చేసింది. ఉద్యోగులు ఇల్లు కట్టుకోవడానికి ఇచ్చే బిల్డింగ్ అడ్వాన్స్ (హెచ్‌బిఎ)పై వడ్డీ రేటు అంటే బ్యాంకు నుంచి తీసుకున్న గృహ రుణంపై వడ్డీ రేటు 7.9 శాతం నుంచి 7.1 శాతానికి తగ్గింది. ప్రభుత్వం తీసుకున్న ఈ నిర్ణయంతో ఉద్యోగులు ఎంతో లబ్ధి పొందనున్నారు.

ఇల్లు నిర్మించడానికి, ఇల్లు లేదా ఫ్లాట్ కొనడానికి బ్యాంకు నుండి తీసుకున్న గృహ రుణాన్ని తిరిగి చెల్లించడానికి ఉద్యోగులకు ఇచ్చే అడ్వాన్స్‌పై ప్రభుత్వం ఏప్రిల్ 1, 2022 నుండి మార్చి 31 వరకు వడ్డీ రేటును 80 బేసిస్ పాయింట్లు పెంచింది. తాజాగా 0.8 శాతం తగ్గించబడింది. ఇప్పుడు వారి సొంతింటి కల నెరవేర్చుకునేందుకు మరింత సులభం అవుతుంది. ఉద్యోగులు ఇప్పుడు ఈ వడ్డీ రేటును మార్చి 31, 2023 వరకు పొందవచ్చు.

మీరు ఏ రేటుకు అడ్వాన్స్ పొందుతారో తెలుసా?

గృహనిర్మాణం, పట్టణ వ్యవహారాల మంత్రిత్వ శాఖ కార్యాలయం మెమోరాండం జారీ చేసింది. అడ్వాన్స్ వడ్డీ రేట్ల తగ్గింపు గురించి తెలియజేసింది. ప్రభుత్వం ఈ ప్రకటన తర్వాత, ఉద్యోగులు ఇప్పుడు సంవత్సరానికి 7.1 శాతం చొప్పున మార్చి 31, 2023 వరకు అడ్వాన్స్ తీసుకోవచ్చు. ఇది ఇంతకు ముందు సంవత్సరానికి 7.9 శాతం. ప్రభుత్వ నిర్ణయంతో ఉద్యోగులకు ఎంతో మేలు జరుగనుంది.

ఇవి కూడా చదవండి

ఎంత అడ్వాన్స్ తీసుకోగలను?

ఇప్పుడున్న ప్రశ్న ఏమిటంటే, మీరు ఎంత అడ్వాన్స్ తీసుకోవచ్చు? ప్రభుత్వం అందించిన ఈ ప్రత్యేక సదుపాయం కింద కేంద్ర ఉద్యోగులు తమ ప్రాథమిక జీతం ప్రకారం 34 నెలల వరకు లేదా గరిష్టంగా రూ. 25 లక్షల వరకు రెండు మార్గాల్లో అడ్వాన్స్ తీసుకోవచ్చు. అలాగే ఇంటి ఖర్చు లేదా దాని చెల్లించే సామర్థ్యం నుండి ఉద్యోగులకు ఏది తక్కువ అయితే, ఆ మొత్తాన్ని అడ్వాన్స్‌గా తీసుకోవచ్చు.

హెచ్‌బీఏ అంటే ఏమిటో తెలుసా?

కేంద్ర ప్రభుత్వం ఉద్యోగులకు హౌస్ బిల్డింగ్ అడ్వాన్స్ ఇవ్వడం గమనార్హం. ఇందులో ఉద్యోగి తన పేరున లేదా తన భార్య పేరుతో తీసుకున్న ప్లాట్‌లో ఇల్లు కట్టుకోవడానికి అడ్వాన్స్ తీసుకోవచ్చు. ఈ పథకం 1 అక్టోబర్ 2020 నుండి ప్రారంభమైంది. దీని కింద 31 మార్చి 2023 వరకు కేంద్ర ప్రభుత్వం తన ఉద్యోగులకు 7.1% వడ్డీ రేటుతో గృహ నిర్మాణ అడ్వాన్స్‌ను ఇస్తుంది.

మరిన్ని బిజినెస్ వార్తల కోసం ఇక్కడ క్లిక్ చేయండి