Online Gaming: ఆన్‌లైన్ గేమింగ్‌తో ప్రభుత్వానికి భారీ ఆదాయం
ఆన్‌లైన్ గేమ్‌లు ఆడే అభిమానులకు ప్రభుత్వం తాజాగా పెద్ద ఊరటనిచ్చింది. కొత్త పరోక్ష పన్ను విధానంలో జీఎస్టీ కౌన్సిల్, అపెక్స్ డెసిషన్ మేకింగ్ బాడీ, ఆన్‌లైన్ గేమ్‌లపై 28 శాతం చొప్పున పన్ను విధించాలని నిర్ణయించింది. దీని కారణంగా, ఆన్‌లైన్ గేమ్..
Updated on: Jul 14, 2023 | 4:33 PM
ఆన్‌లైన్ గేమ్‌లు ఆడే అభిమానులకు ప్రభుత్వం తాజాగా పెద్ద ఊరటనిచ్చింది. కొత్త పరోక్ష పన్ను విధానంలో జీఎస్టీ కౌన్సిల్, అపెక్స్ డెసిషన్ మేకింగ్ బాడీ, ఆన్‌లైన్ గేమ్‌లపై 28 శాతం చొప్పున పన్ను విధించాలని నిర్ణయించింది. దీని కారణంగా, ఆన్‌లైన్ గేమ్ ఔత్సాహికులు ఎక్కువ డబ్బు ఖర్చు చేయాల్సి ఉంటుంది. అయితే ప్రభుత్వం పెద్ద మొత్తంలో డబ్బు సంపాదించబోతోంది.
ఆన్‌లైన్ గేమింగ్‌పై 28 శాతం చొప్పున జీఎస్టీ విధిస్తే ప్రభుత్వానికి దాదాపు రూ.20,000 కోట్లు రాబట్టవచ్చని రెవెన్యూ కార్యదర్శి సంజయ్ మల్హోత్రా తెలిపారు. ప్రస్తుతం ఆన్‌లైన్ గేమింగ్ పరిశ్రమ 2-3 శాతం చొప్పున పన్ను చెల్లిస్తోందని, ఇది అత్యల్ప శ్లాబ్ 5 శాతం కంటే తక్కువగా ఉందని ఆయన అన్నారు. దీని తర్వాత కూడా ప్రభుత్వానికి రూ.1700 కోట్ల ఆదాయం వచ్చింది. అటువంటి పరిస్థితిలో పన్ను రేటును 28 శాతానికి పెంచినట్లయితే, మొత్తం రాబడి కూడా అనేక రెట్లు పెరగడం ఖాయమన్నారు.
మంగళవారం జరిగిన 50వ సమావేశంలో GST కౌన్సిల్ ఆన్‌లైన్ గేమ్‌లు, క్యాసినోలు, గుర్రపు పందాలపై పన్నుకు సంబంధించి నిర్ణయం తీసుకుంది. ఇప్పుడు ఆన్‌లైన్ గేమింగ్, క్యాసినో, గుర్రపు పందాలపై 28 శాతం చొప్పున GST విధించబడుతుంది. బెట్టింగ్‌పై ఉంచిన మొత్తంపై ఈ పన్ను విధించబడుతుంది. అదేవిధంగా, క్యాసినో విషయంలో, కొనుగోలు చేసిన చిప్ విలువపై పన్ను విధించబడుతుంది. ఆన్‌లైన్ గేమ్‌లను అందించే కంపెనీలు ఈ పన్నును చెల్లించాల్సి ఉంటుంది. అయితే, ఇలాంటి సందర్భాల్లో కంపెనీలు కస్టమర్ల నుంచి మాత్రమే పన్ను వసూలు చేస్తాయి.
ఓడినా గెలిచినా పన్ను కట్టాల్సిందే:
పందెం వేసిన ప్రతిసారీ ఈ 28 శాతం రేటు వర్తిస్తుందని సెంట్రల్ బోర్డ్ ఆఫ్ పరోక్ష పన్నులు, కస్టమ్స్ (సీబీఐసీ) చైర్మన్ వివేక్ జోహ్రీ స్పష్టం చేశారు. గెలుపు ఓటములతో సంబంధం లేదు. అంటే మీరు గెలిచిన లేదా ఓడిపోయిన రెండు సందర్భాల్లోనూ పన్ను చెల్లించాల్సి ఉంటుంది. అదే సమయంలో గెలిచిన మొత్తంపై ప్రత్యేక ఆదాయపు పన్ను నియమాలు వర్తిస్తాయి.
ఇంతకుముందు ఆన్‌లైన్ గేమ్ రకం ప్రకారం.. పన్నుకు సంబంధించిన పరిస్థితి స్పష్టంగా లేదు. అయితే ఆన్‌లైన్ గేమింగ్ కంపెనీలకు పన్ను విధించడం అనేది గేమ్ ఆఫ్ స్కిల్స్ లేదా గేమ్ ఆఫ్ ఛాన్స్ అనేదానితో సంబంధం లేదని ఇప్పుడు స్పష్టం చేసింది. రెండు రకాల గేమ్‌లపై 28 శాతం జీఎస్టీ మాత్రమే విధించబడుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
