ఒక్క సెల్ఫీతో డ్రైవింగ్ లైసెన్స్.. ఆన్‌లైన్‌లో లైసెన్స్ రెన్యువల్‌.. అందుబాటులోకి రవాణా శాఖ ఆన్‌లైన్‌ సేవలు

డ్రైవింగ్ లైసెన్స్ పొందాలంటే నానాతంటాలు పడాల్సిందే. ఇక ఆ కష్టాలన్ని తీరనున్నాయి. ఆర్టీవో కార్యాలయానికి వెళ్లకుండానే ఇంటినుండే డ్రైవింగ్ లైసెన్స్ రెన్యూవల్ చేయొచ్చు.

Updated on: Mar 06, 2021 | 9:07 PM

Driving License Renewal : డ్రైవింగ్ లైసెన్స్ పొందాలంటే నానాతంటాలు పడాల్సిందే. ఇక ఆ కష్టాలన్ని తీరనున్నాయి. ఆర్టీవో కార్యాలయానికి వెళ్లకుండానే ఇంటినుండే డ్రైవింగ్ లైసెన్స్ రెన్యూవల్ చేయొచ్చు. ఆన్ లైన్ ద్వారానే అన్ని సేవలను అందించేలా రవాణాశాఖ ఏర్పాట్లు చేస్తోంది. ఇక, నుంచి డ్రైవింగ్ లైసెన్స్ రెన్యూవల్ చేసుకునే వారు ఆర్టీవో కార్యాలయాలకు వెళ్లాల్సిన అవసరమే లేదు. ఎక్కడుంటే అక్కడే లైసెన్స్ పొందే అవకాశాన్ని రాష్ట్ర రవాణా శాఖ కల్పిస్తోంది. కేవలం ఒక్క సెల్పీ దిగి ఆన్‌లైన్‌లో అప్లికేషన్ పెట్టుకుంటే చాలు పని పూర్తైపోతుంది. ఈ నెలాఖరుు నుంచి దీన్ని అమలులోకి తీసుకురానున్నారు. ఇప్పటికే ఫ్యాన్సీనంబర్లు ఆన్‌లైన్‌ బిడ్డింగ్‌ ద్వారా దక్కించుకునే అవకాశం కల్పించిన రవాణాశాఖ సరికొత్త విధానం అందుబాటులోకి తీసుకొచ్చింది.

ఇప్పటివరకు డ్రైవింగ్ లైసెన్స్ రెన్యువల్ చేసుకోవాలంటే ఆర్టీఓ కార్యాలయాల చుట్టూ రోజుల ప్రదక్షిణలు చేయాల్సి వచ్చేది. ఒక రోజు వెళితే పని అవుతుందనే గ్యారంటీ అసలు లేదు. ఇక అధికారులకు ఎంతో కొంత చేతిలో పడాల్సిందే. అయితే, ఇప్పటినుంచి అలాంటి కష్టాలు ఇక ఉండవు. ఎంతో చక్కగా ఇంట్లో నుంచే డ్రైవింగ్ లైసెన్స్ రెన్యూవల్ చేసుకోవచ్చు.

తాజాగా కేంద్ర రోడ్డు రవాణా మంత్రిత్వ శాఖ ఒక వెబ్‌సైట్‌ను ప్రారంభించింది. ఈ వెబ్‌సైట్ ద్వారా ఆన్‌లైన్‌లోనే డ్రైవింగ్ లైసెన్స్ రెన్యూవల్ చేసుకోవచ్చు. అంతేకాకుండా ఈ వెబ్‌సైట్‌లో 18 రకాల సేవలను అందుబాటులోకి తీసుకువచ్చింది.