హైదరాబాద్ లో ఘోర రోడ్డు ప్రమాదం

హైదరాబాద్ తార్నాకలో ఘోర రోడ్డు ప్రమాదం చోటు చేసుకుంది. పల్సర్ బైక్ యూటర్న్ చేస్తుండగా.. తార్నాక నుంచి సికింద్రాబాద్ వెళ్తున్న ఎల్పీజీ ట్యాంకర్ ఢీకొని నవీన్ అనే వ్యక్తి అక్కడిక్కడే మృతి చెందాడు. సోమరాజు అనే వ్యక్తి హాస్పిటల్ కు తరలిస్తుండగా ప్రాణాలు కోల్పోయాడు. ఖిలా వరంగల్ కు చెందిన నవీన్, జనగామ జిల్లా చీటూరు గ్రామానికి చెందిన సోమరాజు తార్నాకలో నివాసం ఉంటున్నారు. ఇద్దరు ఆర్టీసీ క్రాస్ రోడ్డులో మేస్త్రీ పనికి వెళ్తుండగా ప్రమాదం చోటు చేసుకుంది. వీరిపై నుంచి కర్నాటకకు చెందిన ఎల్పీజీ ట్యాంకర్ దూసుకెళ్లింది. కొద్ది దూరం బైక్ ను లాక్కెళ్లింది.