Bigg Boss 4: హారిక అర్హురాలు కాదు.. కుండబద్దలుకొట్టిన అభిజిత్.. పాజిటివ్‏గా తీసుకున్న అరియానా..

బిగ్‏బాస్ నాల్గో సీజన్ ముగింపుకు ఇంకా కొన్ని రోజుల సమయం మాత్రమే ఉంది. ప్రస్తుతం ఇంట్లో 5గురు సభ్యులు మాత్రమే ఉన్నారు. కాగా చివరి రోజులలో హౌస్‏మేట్స్ ఉండే తీరు, వారి ప్రవర్తనపై  ప్రేక్షకులు వేసే ఓటింగ్ విధానం ఆధారపడి ఉంటుంది. ఇప్పుడున్న సభ్యులు హారిక, అభిజిత్, అరియానా, సోహైల్, అఖిల్ బిగ్‏బాస్ చివరి వారం కావడంతో ఫుల్ జోష్‏లో కనిపిస్తున్నారు.  బిగ్‏బాస్ విన్నర్‏ను ఎంపిక చేయడానికి ఇంకా కొన్ని రోజులు మాత్రమే ఉండడంతో అటు ఇంట్లో వాళ్ళ మధ్య చిచ్చులు పెట్టడానికి వ్యూహాలు రచిస్తూనే ఉన్నాడు. కాగా తాజాగా వదిలిన ప్రోమో ప్రకారం ఈరోజు ఎపిసోడ్‏లో హౌస్‏మేట్స్ మధ్య మళ్ళీ గొడవలు జరిగినట్టుగానే కనిపిస్తున్నాయి.

కానీ ఈసారి మాత్రం అభి, హారిక మధ్య చిచ్చు పెట్టినట్లుగా తెలుస్తోంది. హౌస్‏లో ఇప్పుడున్న కంటెస్టెంట్లలో ఎవరు విన్నర్ కావడానికి అర్హత లేదో వాళ్ళ పేరు చెప్పమని.. దానికి సరైన వివరణ ఇవ్వాలని ఇంటి సభ్యులను ఆదేశించాడు బిగ్‏బాస్. దీంతో హారిక అర్హురాలు కావొద్దు అంటూ బాంబ్ పేల్చాడు. ఇక మిగిలిన ఇంటి సభ్యులు హారిక, సోహైల్, అఖిల్ ముగ్గురు కూడా అరియానా విన్నర్ కావడానికి అర్హులు కాదు అని చెప్పారు. దీంతో “అందరి మైండ్‏లో తను ఉన్నానంటే తాను గేమ్ ఎలా ఆడుతున్నానో అర్థమైందని.. తను గేమర్ అని.. ఇది నాకు చాలా సంతోషంగా ఉందని అరియానా తనపై వచ్చిన కామెంట్లను కూడా పాజిటివ్‏గానే తీసుకుంది. ఇక ఇందులో మొత్తానికి ఎవరిని అనర్హురాలుగా ప్రకటించారో తెలియాలంటే ఈరోజు ఎపిసోడ్ చూడాల్సిందే.