Ugadi 2023: ఉగాది నుంచి గజకేసరి రాజయోగం.. ఈ మూడు రాశులకు సర్వత్రా విజయం .. అందులో మీరున్నారా..?
ఉగాది నుండి మీనరాశిలో బృహస్పతి, చంద్రుడి కలవనున్నారు. దీంతో కొన్ని రాశులకు గజకేసరి రాజయోగాన్ని కలిగిస్తుంది. మీనరాశిలో ఏర్పడనున్న ఈ గజకేసరి రాజయోగంతో మూడు రాశులవారు పట్టిందల్లా బంగారమే అవుతుంది.
Updated on: Mar 20, 2023 | 11:15 AM
చైత్రమాసంలోని శుక్లపక్ష పాడ్యమినాడు రోజు ఉగాది పండుగగా జరుపుకుంటారు. ఈ రోజునుంచి తెలుగువారికి నూతన సంవత్సరం ప్రారంభమవుతుంది. ఈ ఏడాది శోభకృత్ నామ సంవత్సర ఉగాది పండగను అత్యంత ఘనంగా జరుపుకోడానికి రెడీ అవుతున్నారు. ఈ ఏడాది మార్చి 22వ తేదీన ఉగాది వచ్చింది. ఉగాది నుంచి మనుషుల జీవితంలో సరికొత్త మార్పులు వస్తాయని.. 12 రాశులల్లో విభిన్నమైన మార్పులు వస్తాయని విశ్వాసం. అందుకనే పంచాంగ శ్రవణం ద్వారా తమ ఏడాదిలో రానున్న లాభనష్టాలను తెలుసుకోవడానికి ఆసక్తిని చూపిస్తారు. ఈ నేపథ్యంలో ఉగాది పండగ నుంచి మూడు రాశులవారికి గజకేసరి యోగం లభించనున్నదట.
ఉగాది నుండి మీనరాశిలో బృహస్పతి, చంద్రుడి కలవనున్నారు. దీంతో కొన్ని రాశులకు గజకేసరి రాజయోగాన్ని కలిగిస్తుంది. మీనరాశిలో ఏర్పడనున్న ఈ గజకేసరి రాజయోగంతో మూడు రాశులవారు పట్టిందల్లా బంగారమే అవుతుంది. ఆర్ధికంగా అన్ని విధాలా లాభాలను అందుకుంటారు అని జ్యోతిష్య శాస్త్ర నిపుణులు పేర్కొన్నారు. ఈ గజకేసరి రాజయోగం వల్ల ఎటువంటి పరిస్థితులు ఎదురైనా సులభంగా ఎదుర్కొంటారు. సమాజంలో ఉన్నత స్థానానికి చేరుకుంటారు. ఈ రోజు గజకేశరి యోగ అంటే ఏమిటి? ఆ మూడు రాశులు ఏమిటో తెలుసుకుందాం..
గజకేసరి రాజయోగం:
గజకేసరి అంటే అర్ధం ఏమిటంటే.. గజము అంటే ఏనుగు అని, కేసరి అంటే సింహము. ఏనుగు సింహం రెండూ మంచి బలమైన జంతువులు.. దీంతో ఈ గజకేశరి రాజయోగంతో ఆ ఆయా రాశులకు చెందిన వ్యక్తులు .. తమ తెలివి తేటలను.. ప్రతిభాపాటవాలను ప్రదర్శిస్తారని.. చేపట్టిన అన్ని పనుల్లో విజయం సాధిస్తారని విశ్వాసం. అందుకే ఈ గజకేసరి రాజయోగం అంటే సకల శుభాలని ఇచ్చే రాజయోగం అని అంటారు.
సింహ రాశి:
ఉగాది పండగ రోజునుంచి మీన రాశిలో ఏర్పడనున్న గజకేసరి రాజయోగంతో ఈ రాశి వ్యక్తులు తిరుగులేని జాతకులగా మారతారు. ఈ ఏడాది వీరికి శుభప్రదంగా ఉంటుంది. కొత్త ఉద్యోగ అవకాశాలను అందుకుంటారు. వృత్తి, విద్య వ్యాపారస్తులకు అన్నింటా లాభదాయకంగా ఉంటుంది. ఈ రాశికి చెందిన వ్యక్తులకు గజకేసరి యోగంతో ఆర్ధికంగా లాభాలను పొందుతారు.
మీన రాశి:
ఈ రాశివారికి ఈ యోగంతో విశేష శుభాలను పొందుతారు. తాము నిర్దేశించుకున్న లక్ష్యాలను చేరుకుంటారు. ఏ పని మొదలు పెట్టినా సక్సెస్ ఫుల్ గా పూర్తి చేస్తారు. విద్యారంగంలోని వారు విశేషమైన కీర్తి ప్రతిష్టలను పొందుతారు. అన్నింటా విజయాలను అందుకుంటారు. ఈ రాశి వ్యక్తులు ఏ పని మొదలు పెట్టినా సమయం అనుకూలిస్తుంది. అన్నీ కలిసి వస్తాయి.
మిథున రాశి:
ఈ రాశివారికి ఈ రాజయోగంతో అన్ని విధాలా కలిసొస్తుంది. ఈ రాశి వ్యక్తుల జాతకంలో దేవ గురు బృహస్పతి ఉగాది నుంచి ఆధిపత్యం చెలాయించే స్థానంలో ఉంటాడు. ఈ రాశి వ్యక్తులు మంచి ప్రయోజనాలు చేకూరుతాయి. ఆదాయం గణనీయంగా పెరుగుతుంది. ఈ సంవత్సరం శుభప్రదంగా ఉంటుంది. వ్యాపార, ఉద్యోగ రంగంలోని వారు ఆర్థిక ప్రయోజనాలు పొందుతారు.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి.
Note: (ఇక్కడ ఇచ్చినవి నమ్మకం మీద ఆధారపడి ఉంటాయి. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం)
