Rashi Phalalu: ఆ రాశి వారికి ఆకస్మిక ధన లాభం.. 12 రాశుల వారికి రాశిఫలాలు

దిన ఫలాలు (అక్టోబర్ 24, 2025): మేష రాశి వారికి ఆర్థిక, వ్యక్తిగత సమస్యల ఒత్తిడి తగ్గుతుంది. ఆరోగ్యం విషయంలో జాగ్రత్తగా ఉండడం మంచిది. వృషభ రాశి వారికి ఉద్యోగ జీవితం సాఫీగా సాగిపోతుంది. నిరుద్యోగులకే కాక, ఉద్యోగులకు కూడా మంచి ఆఫర్లు వచ్చే అవకాశం ఉంది. మిథున రాశి వారికి ఉద్యోగంలో హోదా లభించే అవకాశం ఉంది. అధికారులు ప్రత్యేక బాధ్యతలను అప్పగించడం జరుగుతుంది. మేష రాశి మొదలు మీన రాశి వరకు మొత్తం 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1): ఉద్యోగుల పనితీరుకు ఆశించిన గుర్తింపు లభిస్తుంది. అధికారుల నుంచి ప్రోత్సాహకాలు కూడా లభిస్తాయి. వృత్తి, వ్యాపారాలు ఆశించిన విధంగా లాభసాటిగా సాగిపోతాయి. ఆదాయం బాగానే వృద్ధి చెందుతుంది. దైవ సేవా కార్యక్రమాలకు సహాయం అందిస్తారు. జీవిత భాగస్వామితో కలిసి వస్త్రాభరణాలు కొనుగోలు చేస్తారు. ఆర్థిక, వ్యక్తిగత సమస్యల ఒత్తిడి తగ్గుతుంది. ఆరోగ్యం విషయంలో జాగ్రత్తగా ఉండడం మంచిది. కుటుంబ జీవితం ప్రశాంతంగా, సామరస్యంగా సాగిపోతుంది.

వృషభం (కృత్తిక 2,3,4, రోహిణి, మృగశిర 1,2): వృత్తి, వ్యాపారాల్లో అంచనాలను మించి లాభాలు గడిస్తారు. ఉద్యోగ జీవితం సాఫీగా సాగిపోతుంది. నిరుద్యోగులకే కాక, ఉద్యోగులకు కూడా మంచి ఆఫర్లు వచ్చే అవకాశం ఉంది. ఆర్థిక విషయాల్లో ఆచితూచి నిర్ణయాలు తీసుకోవడం మంచిది. కొందరు మిత్రుల వల్ల ఆర్థిక నష్టం కలిగే అవకాశం ఉంది. బంధువుల నుంచి శుభవార్తలు వింటారు. అనేక విధాలుగా ఆదాయం పెరుగుతుంది. స్వల్ప అనారోగ్యానికి అవకాశం ఉంది. కుటుంబ సభ్యుల మీద ఖర్చులు బాగా పెరుగుతాయి.

మిథునం (మృగశిర 3,4, ఆర్ద్ర, పునర్వసు 1,2,3): ఉద్యోగంలో హోదా లభించే అవకాశం ఉంది. అధికారులు ప్రత్యేక బాధ్యతలను అప్పగించడం జరుగుతుంది. వృత్తి, వ్యాపారాల్లో ఆశించిన లాభాలు అందుకుంటారు. కుటుంబ సభ్యులతో కలిసి దైవ కార్యాల్లో పాల్గొంటారు. పెళ్లి సంబంధం విషయంలో బంధువుల నుంచి ఆశించిన సమాచారం అందుతుంది. ఆర్థిక బలం బాగా పెరుగుతుంది. ఆస్తి, ఆర్థిక వ్యవహారాలను విజయవంతంగా చక్కబెడతారు. ఆరోగ్యం చాలావరకు కుదుటపడుతుంది. కొత్త ఉద్యోగావకాశాలు అందివస్తాయి.

కర్కాటకం (పునర్వసు 4, పుష్యమి, ఆశ్లేష): ఉద్యోగంలో ఎదురు చూస్తున్న శుభవార్తలు వింటారు. వృత్తి, వ్యాపారాలు చాలావరకు లాభసాటిగా సాగిపోతాయి. కొన్ని ముఖ్యమైన పెండింగ్ పనులను పట్టుదలగా పూర్తి చేస్తారు. పెళ్లి ప్రయత్నాల్లో బంధువుల నుంచి శుభవార్త అందుతుంది. కుటుంబంలో సుఖ సంతోషాలు వెల్లివిరుస్తాయి. జీవిత భాగస్వామితో కలిసి విహార యాత్ర చేస్తారు. ఆర్థిక పరిస్థితి బాగా మెరుగ్గా ఉంటుంది. కొందరు బంధుమిత్రులకు సహాయం చేస్తారు. కుటుంబ సభ్యుల మీద ఖర్చులు పెరుగుతాయి.

సింహం (మఖ, పుబ్బ, ఉత్తర 1): వృత్తి, ఉద్యోగాల్లో బరువు బాధ్యతలు పెరుగుతాయి. పని భారం, పని ఒత్తిడి కూడా కాస్తంత ఎక్కువగానే ఉంటాయి. ఆర్థిక లావాదేవీలు, ఆర్థిక వ్యవహారాలు సజావుగా సాగిపోతాయి. ఆదాయం నిలకడగా సాగిపోతుంది. వ్యాపారాలు సంతృప్తికరంగా ముందుకు సాగుతాయి. పెళ్లి, ఉద్యోగ ప్రయత్నాల్లో శుభవార్తలు వింటారు. బంధుమిత్రులతో కొద్దిగా అపార్థాలు చోటు చేసుకుంటాయి. తల పెట్టిన పనులు వేగంగా పూర్తవుతాయి. ఆరోగ్యానికి ఢోకా ఉండదు. ఖర్చులు బాగా తగ్గించుకోవాలి.

కన్య (ఉత్తర 2,3,4, హస్త, చిత్త 1,2): ఉద్యోగంలో పదోన్నతికి, జీతభత్యాల పెరుగుదలకు అవకాశం ఉంది. ఆదాయ వృద్ది ప్రయత్నాలు నూరు శాతం ఫలితాలనిస్తాయి. ఆర్థికంగా మరింత పురోగతి సాధిస్తారు. స్థిరాస్తి వివాదాలు కూడా ఒక కొలిక్కి వస్తాయి. వ్యాపారాల్లో కొద్దిపాటి మార్పులు చేపట్టి ఆశించిన లాభాలు అందుకుంటారు. సమాజంలో గౌరవ మర్యాదలు పెరుగుతాయి. నిరుద్యోగుల ప్రయత్నాలకు సానుకూల స్పందన లభిస్తుంది. ఇతరులకు మేలు జరిగే పనులు చేస్తారు. ఆరోగ్యం అనుకూలంగా ఉంటుంది.

తుల (చిత్త 3,4, స్వాతి, విశాఖ 1,2,3): ఆర్థికంగా బాగా అనుకూల వాతావరణం ఉంటుంది. కొద్ది ప్రయత్నంతో ఆదాయం బాగా పెరిగే అవకాశముంది. ముఖ్యమైన అవసరాలు తీరిపోతాయి. ఆరోగ్యానికి లోటుండదు. ఆశించిన శుభ వార్తలు వింటారు. వృత్తి, వ్యాపారాల్లో సమస్యలు కాస్తంత తగ్గుముఖం పడతాయి. ఆధ్యాత్మిక విషయాల మీద శ్రద్ధాసక్తులు పెరుగుతాయి. చిన్ననాటి మిత్రులతో సరదాగా గడుపుతారు. ఉద్యోగంలో గౌరవ మర్యాదలు పెరుగుతాయి. కొందరు మిత్రుల విషయంలో జాగ్రత్తగా ఉండడం మంచిది.

వృశ్చికం (విశాఖ 4, అనూరాధ, జ్యేష్ట): వృత్తి, ఉద్యోగాల్లో ముఖ్యమైన లక్ష్యాలను సకాలంలో పూర్తి చేస్తారు. లాభాలపరంగా వ్యాపారాలు మరింత ఉత్సాహంగా ముందుకు సాగుతాయి. ప్రతి ప్రయత్నమూ సఫలం అవుతుంది. గట్టి పట్టుదలతో ముఖ్యమైన పనులు, వ్యవహారాలను పూర్తి చేస్తారు. ఆకస్మిక ధన లాభ సూచనలున్నాయి. ప్రముఖులతో మంచి పరిచయాలు ఏర్పడతాయి. తోబుట్టువులతో లేదా బంధువులతో ఆస్తి వివాదాలు చాలావరకు సద్దుమణుగుతాయి. దాంపత్య జీవితంలో అన్యోన్యత పెరుగుతుంది.

ధనుస్సు (మూల, పూర్వాషాఢ, ఉత్తరాషాఢ 1): వృత్తి, వ్యాపారాల్లో ఆర్థిక పరిస్థితి గణనీయంగా మెరుగుపడుతుంది. ఉద్యోగంలో ఆశించిన స్థాయిలో సంపాదన పెరుగుతుంది. ఉద్యోగులు ఒకటి రెండు శుభవార్తలు వింటారు. పెళ్లి ప్రయత్నాల్లో ఆశించిన సమాచారం అందుతుంది. బంధుమిత్రులు మీ సలహాలు పాటించి ప్రయోజనం పొందుతారు. చిన్ననాటి మిత్రులతో బాగా ఎంజాయ్ చేస్తారు. శుభ కార్యంలో ఇష్టమైన బంధువులను కలుసుకుంటారు. ఉద్యోగ ప్రయత్నాలు కలిసి వస్తాయి. రావాల్సిన డబ్బు చేతికి అందుతుంది.

మకరం (ఉత్తరాషాఢ 2,3,4, శ్రవణం, ధనిష్ట 1,2): రోజంతా సానుకూలంగా గడిచిపోతుంది. ఒకటి రెండు వ్యక్తిగత సమస్యలు పరిష్కారం అవుతాయి. ఉద్యోగంలో అధికారులు కొన్ని ప్రత్యేక బాధ్యతలను అప్పగించే అవకాశం ఉంది. ఖర్చుల విషయంలో ఆచితూచి వ్యవహరించడం మంచిది. వృత్తి, వ్యాపారాల్లో శ్రమ ఎక్కువ, ఫలితం తక్కువ అన్నట్టుగా ఉంటుంది. స్వల్ప అనారోగ్యానికి అవకాశం ఉంది. ఆదాయం నిలకడగా ఉంటుంది. ఇంటా బయటా బాగా ఒత్తిడి ఉంటుంది. కుటుంబ జీవితం హ్యాపీగా, సాఫీగా సాగిపోతుంది.

కుంభం (ధనిష్ట 3,4, శతభిషం, పూర్వాభాద్ర 1,2,3): ఉద్యోగ వాతావరణం చాలావరకు అనుకూలంగా సాగిపోతుంది. వృత్తి, వ్యాపారాల్లో కొద్దిగా రాబడి పెరుగుతుంది. ఆదాయం నిలకడగా ఉంటుంది. ఇతరుల విషయాల్లో తలదూర్చకపోవడం చాలా మంచిది. ప్రముఖులతో సేవా కార్య క్రమాల్లో పాల్గొంటారు. కొన్ని ముఖ్యమైన వ్యవహారాలను కుటుంబ సభ్యుల సహాయ సహకారాలతో పూర్తి చేస్తారు. బంధుమిత్రులతో మాట పట్టింపులుంటాయి. పెళ్లి, ఉద్యోగ ప్రయత్నాల్లో ఒకటి రెండు శుభవార్తలు వింటారు. ఆరోగ్యం బాగానే ఉంటుంది.

మీనం (పూర్వాభాద్ర 4, ఉత్తరాభాద్ర, రేవతి): వృత్తి, వ్యాపారాలలో ఆర్థిక సమస్యలు చాలావరకు తగ్గిపోతాయి. ఉద్యోగంలో పని భారం కాస్తంత ఎక్కువగా ఉంటుంది. ఆదాయం బాగా పెరిగే సూచనలున్నాయి. జీవిత భాగస్వామితో కలిసి వస్త్రాభరణాలు కొనుగోలు చేసే అవకాశం ఉంది. ముఖ్యమైన పనులను వేగంగా పూర్తి చేస్తారు. బంధువుల నుంచి ఆశించిన శుభవార్తలు వింటారు. నిరుద్యోగులకు అవకాశాలు అంది వస్తాయి. పరిచయస్థులలో పెళ్లి సంబంధం కుదురుతుంది. ఆరోగ్యం విషయంలో కాస్తంత జాగ్రత్తగా ఉండాలి.