Horoscope Today: వారికి ఆకస్మిక ధన లాభం.. 12 రాశుల వారికి సోమవారం రాశిఫలాలు ఇలా..
మేషం రాశివారికి ఆశించిన శుభవార్తలు వింటారు. వృత్తి, ఉద్యోగాల్లోనూ, కుటుంబంలోనూ ఒకటి రెండు శుభ పరిణామాలు చోటు చేసుకుంటాయి. వృషభం రాశివారికి ఉద్యోగంలో పని ఒత్తిడి ఎక్కువగా ఉంటుంది. అధికారులు ఎక్కువగా ఆధారపడే అవకాశం ఉంది. వృత్తి, వ్యాపారాలు బాగా బిజీగా సాగిపోతాయి. మిథునం రాశివారికి శుభ గ్రహాల అనుకూలత వల్ల రోజంతా హ్యాపీగా, సాఫీగా సాగిపోతుంది. ముఖ్యమైన వ్యవహారాలు, పెండింగు పనులన్నీ పూర్తవుతాయి. మేష రాశి మొదలు మీన రాశి వరకు 12 రాశుల వారికి సోమవారం నాటి రాశిఫలాలు ఎలా ఉన్నాయో తెలుసుకోండి..
Updated on: Aug 11, 2025 | 6:42 AM
మేషం (అశ్విని, భరణి, కృత్తిక 1): ఆశించిన శుభవార్తలు వింటారు. వృత్తి, ఉద్యోగాల్లోనూ, కుటుంబంలోనూ ఒకటి రెండు శుభ పరిణామాలు చోటు చేసుకుంటాయి. ఆదాయంలో అంచనాలకు మించిన పెరుగుదల ఉంటుంది. అనుకున్న పనులు, వ్యవహారాలు అనుకున్నట్టు పూర్తవుతాయి. ముఖ్యమైన వ్యక్తిగత సమస్య ఒకటి పరిష్కారమవుతుంది. వృత్తి, ఉద్యోగాలు అనుకూలంగా, సంతృప్తికరంగా సాగిపోతాయి. ఆర్థికంగా ఆశించిన స్థాయి స్థిరత్వం లభిస్తుంది. నిరుద్యోగులకు ఉద్యోగం లభించే అవకాశం ఉంది.
వృషభం (కృత్తిక 2,3,4, రోహిణి, మృగశిర 1,2): ఉద్యోగంలో పని ఒత్తిడి ఎక్కువగా ఉంటుంది. అధికారులు ఎక్కువగా ఆధారపడే అవకాశం ఉంది. వృత్తి, వ్యాపారాలు బాగా బిజీగా సాగిపోతాయి. స్వల్ప అనారోగ్యానికి అవకాశం ఉంది. పిల్లల మీద బాగా ఖర్చు చేయడం జరుగుతుంది. కొద్దిపాటి వ్యయ ప్రయాసలతో పెండింగు పనుల్ని పూర్తి చేస్తారు. ఆదాయానికి లోటుండకపోవచ్చు. ఒకరిద్దరు బంధుమిత్రులకు ఆర్థికంగా బాగా సహాయం చేస్తారు. కుటుంబ జీవితం ప్రశాంతంగా సాగిపోతుంది. ఎవరినీ గుడ్డిగా నమ్మకపోవడం మంచిది.
మిథునం (మృగశిర 3,4, ఆర్ద్ర, పునర్వసు 1,2,3): శుభ గ్రహాల అనుకూలత వల్ల రోజంతా హ్యాపీగా, సాఫీగా సాగిపోతుంది. ముఖ్యమైన వ్యవహారాలు, పెండింగు పనులన్నీ పూర్తవుతాయి. ఆర్థిక, ఆస్తి వ్యవహారాలను కూడా సంతృప్తికరంగా పూర్తి చేస్తారు. అనేక విధాలుగా ఆదాయం వృద్ధి చెందుతుంది. ఇతరులకు ఇతోధికంగా సహాయం చేస్తారు. ఇష్టమైన ఆలయాల్ని సందర్శిస్తారు. వృత్తి, వ్యాపారాలు విజయవంతంగా సాగిపోతాయి. ఉద్యోగంలో ప్రాధాన్యం బాగా పెరుగుతుంది. ప్రముఖులతో పరిచయాలు బాగా వృద్ధి చెందుతాయి.
కర్కాటకం (పునర్వసు 4, పుష్యమి, ఆశ్లేష): ఆర్థిక పరిస్థితికి లోటుండదు. అనేక మార్గాల్లో ఆదాయం పెరిగే అవకాశం ఉంది. కుటుంబ జీవితం సాఫీగా సాగిపోతుంది. వృత్తి, ఉద్యోగాల్లో జీతభత్యాలు పెరిగే అవకాశం ఉంది. వ్యాపారాల్లో కూడా లాభాలు వృద్ధి చెందుతాయి. ఆర్థిక సమస్యలు చాలావరకు తగ్గుముఖం పడతాయి. ఆర్థిక లావాదేవీలు, స్పెక్యులేషన్లు, షేర్లు బాగా లాభిస్తాయి. వృథా ఖర్చులకు వీలైనంత దూరంగా ఉండడం మంచిది. ఆరోగ్యం నిలకడగా ఉంటుంది. కొందరు మిత్రుల వల్ల ఆర్థికంగా నష్టపోయే అవకాశం ఉంది.
సింహం (మఖ, పుబ్బ, ఉత్తర 1): అష్టమ శని ప్రభావం వల్ల కొన్ని ముఖ్యమైన పనులు ఆలస్యం అయ్యే అవకాశం ఉంది. స్వల్ప అనారోగ్యాలు, శ్రమాధికత్యత, తిప్పట వంటివి తప్పకపోవచ్చు. వృత్తి, ఉద్యోగాల్లో అధికారులు మీ మీద ఎక్కువగా ఆధారపడే అవకాశం ఉంది. ఆకస్మిక ప్రయాణ సూచనలున్నాయి. వ్యాపారాలు లాభాలపరంగా కొత్త పుంతలు తొక్కుతాయి. కుటుంబ పరిస్థితులు బాగా అనుకూలంగా మారు తాయి. పిల్లల నుంచి ఆశించిన శుభవార్తలు వింటారు. ఆదాయం బాగా వృద్ధి చెందే అవకాశం ఉంది.
కన్య (ఉత్తర 2,3,4, హస్త, చిత్త 1,2): రోజంతా ఉత్సాహంగా, ఉల్లాసంగా గడిచిపోతుంది. ఎటువంటి ప్రయత్నమైనా సఫలమవుతుంది. వ్యక్తిగత సమస్యల నుంచి కొద్దిగా ఊరట లభిస్తుంది. వృత్తి, ఉద్యోగాల్లో అధికారుల ఆదరా భిమానాలు పెరుగుతాయి. ఉద్యోగంలో సానుకూల మార్పులు చోటు చేసుకుంటాయి. వ్యాపారాలు లాభసాటిగా ముందుకు వెడతాయి. షేర్లు, వడ్డీ వ్యాపారాల మీద దృష్టి సారిస్తారు. ఆదాయ ప్రయత్నాలు బాగా సానుకూలపడతాయి. పిల్లల పురోగతికి సంబంధించి శుభవార్తలు వింటారు.
తుల (చిత్త 3,4, స్వాతి, విశాఖ 1,2,3): అనుకోకుండా మంచి పెళ్లి సంబంధం కుదిరే అవకాశం ఉంది. కుటుంబంలో శుభ పరిణామాలు చోటుచేసుకుంటాయి. నిరుద్యోగులకు విదేశాల నుంచి మంచి ఆఫర్ అందుతుంది. ఆకస్మిక ధన లాభానికి అవకాశం ఉంది. ఏ ప్రయత్నం తలపెట్టినా విజయవంతమవుతుంది. అనారోగ్యం నుంచి ఊరట లభిస్తుంది. ఆస్తి, ఆర్థిక వ్యవహారాలు కొద్ది ప్రయత్నంతో చక్కబడతాయి. వృత్తి, ఉద్యోగాలు సానుకూలంగా సాగిపోతాయి. వ్యాపారాలు బాగా పుంజుకుంటాయి. మంచి పరిచయాలు కలుగుతాయి.
వృశ్చికం (విశాఖ 4, అనూరాధ, ఆశ్లేష): ఆదాయం బాగానే పెరుగుతుంది. ఆర్థిక వ్యవహారాలు కొద్దిగా కలిసి వస్తాయి. ఉద్యోగంలో బాధ్యతలు పెరిగినా ఫలితం ఉంటుంది. వృత్తి, వ్యాపారాల మీద శ్రద్ధ పెంచడం మంచిది. మిత్రుల సహాయంతో ముఖ్యమైన వ్యవహారాలను పూర్తిచేస్తారు. ఆరోగ్యం నిలకడగా ఉంటుంది. కొందరు బంధువుల కారణంగా ఇబ్బందులు పడే అవకాశం ఉంది. వ్యక్తిగత సమస్యలు తగ్గుముఖం పడతాయి. సొంత పనుల మీద వీలైనంతగా శ్రద్ధ పెట్టడం మంచిది. నిరుద్యోగులు శుభవార్త వింటారు.
ధనుస్సు (మూల, పూర్వాషాఢ, ఉత్తరాషాఢ 1): ఆదాయానికి లోటుండదు. రావలసిన సొమ్ము చేతికి అందుతుంది. కొన్ని కష్టనష్టాల నుంచి విముక్తి లభిస్తుంది. అన్ని పనులు, వ్యవహారాలు అనుకున్నట్టు పూర్తవుతాయి. ఏ ప్రయత్నం తలపెట్టినా విజయవంతం అవుతుంది. వ్యక్తిగత సమస్యలకు పరిష్కారం లభిస్తుంది. వృత్తి, వ్యాపారాల్లో రాబడి బాగా పెరుగుతుంది. ఉద్యోగంలో మాట చెల్లుబాటు అవుతుంది. పిల్లలు వృద్ధిలోకి వస్తారు. జీవిత భాగస్వామికి మంచి గుర్తింపు లభిస్తుంది. మంచి పెళ్లి సంబంధం కుదురుతుంది.
మకరం (ఉత్తరాషాఢ 2,3,4, శ్రవణం, ధనిష్ట 1,2): పెళ్లి, ఉద్యోగ ప్రయత్నాలకు సంబంధించి అనుకోకుండా ఒకటి రెండు శుభవార్తలు వింటారు. వృత్తి, వ్యాపారాల్లో సొంత ఆలోచనలు బాగా కలిసి వస్తాయి. ఉద్యోగంలో అధికారులను మీ పనితీరుతో ఆకట్టుకుంటారు. ఉద్యోగ బాధ్యతల్లో సానుకూల మార్పులు చోటు చేసుకుంటాయి. ఉద్యోగం మార డానికి ఇది అనుకూల సమయం. ఆదాయానికి, ఆరోగ్యానికి ఇబ్బందేమీ ఉండదు. కుటుంబ జీవితం హ్యాపీగా సాగిపోతుంది. వృథా ఖర్చులు తగ్గించుకోవడం మంచిది. నిరుద్యోగులు శుభవార్త వింటారు.
కుంభం (ధనిష్ట 3,4, శతభిషం, పూర్వాభాద్ర 1,2,3): ఆర్థిక విషయాల్లో జాగ్రత్తగా ఉండడం మంచిది. వృథా ఖర్చులకు, ఉచిత సహాయాలకు దూరంగా ఉండాలి. ఇంటా బయటా బాగా ఒత్తిడి ఉంటుంది. ముఖ్యమైన వ్యవహారాలు సజావుగా సాగిపోతాయి. కుటుంబ విషయాల మీద శ్రద్ధ పెట్టడం అవసరం. వృత్తి, ఉద్యోగాల్లో ప్రాధాన్యం పెరుగుతుంది. అధికారులు ప్రత్యేక బాధ్యతలను అప్పగిస్తారు. వ్యాపారాల్లో లాభాలు నిలకడగా సాగుతాయి. ఆదాయానికి, ఆరోగ్యానికి లోటుండదు. ఉద్యోగ, పెళ్లి ప్రయత్నాలు ఒక కొలిక్కి వస్తాయి.
మీనం (పూర్వాభాద్ర 4, ఉత్తరాభాద్ర, రేవతి): ఆర్థిక పరిస్థితి అనుకూలంగా ఉన్నప్పటికీ ఖర్చులు పెరిగే అవకాశం ఉంది. వృత్తి, ఉద్యోగాల్లో మీ పనితీరుతో అధికారుల్ని ఆకట్టుకుంటారు. వ్యాపారాలు నిలకడగా ముందుకు సాగుతాయి. ప్రస్తుతానికి కొత్త ప్రయత్నాలను వాయిదా వేయడం మంచిది. ఆర్థిక విషయాల్లో ఎవరికీ వాగ్దానాలు చేయవద్దు. ఎదురు చూస్తున్న శుభవార్తలు వింటారు. ఆశించిన పెళ్లి సంబంధం కుదిరే అవకాశం ఉంది. ఆరోగ్యం అనుకూలంగా ఉంటుంది. ఆస్తి, ఆర్థిక సమస్యలు చాలావరకు పరిష్కారమవుతాయి.
