Horoscope Today: ఆ రాశుల వారికి శుభకాలం.. ఆదివారం రాశిఫలాలు..

Today Horoscope: ప్రతిరోజూ ముందు వెనుక ఆలోచించకుండా తీసుకునే నిర్ణయాలతో చాలాసార్లు ఇబ్బందుల్లో పడుతుంటాం. అందుకే కొత్త పనులను మొదలు పెట్టాలన్నా, శుభకార్యాలు

Shaik Madar Saheb |

Updated on: Dec 12, 2021 | 6:58 AM

Today Horoscope: ప్రతిరోజూ ముందు వెనుక ఆలోచించకుండా తీసుకునే నిర్ణయాలతో చాలాసార్లు ఇబ్బందుల్లో పడుతుంటాం. అందుకే కొత్త పనులను మొదలు పెట్టాలన్నా, శుభకార్యాలు నిర్వహించాలన్నా.. జాతకాలు, రాశిఫలాలను అనుసరించేవారు చాలామంది ఉన్నారు. కావున ఆదివారం (డిసెంబర్ 22న ) రాశి ఫలాలు ఎలా ఉన్నాయో.. ఓసారి తెలుసుకుందాం..

మేషం: ఈ రాశివారు చేపట్టే పనుల్లో శ్రమ పెరుగుతుంది. అయినప్పటికీ ధైర్యంతో ముందడుగు వస్తే విజయం వరిస్తుంది. బంధు మిత్రులతో, సన్నిహితులతో బేధాభిప్రాయాలు రాకుండా చూసుకోవాలి. అపార్థాలు, అనుమానాలకు దూరంగా ఉండాలి.

వృషభం: ఈ రాశివారు చేపట్టిన పనులు, కార్యక్రమాలు సకాలంలో పూర్తి చేస్తారు. అన్నిరంగాల వారికి ప్రతిభకు తగ్గ ప్రశంసలు లభిస్తాయి. ముఖ్య నిర్ణయాల్లో పెద్దల సలహాలు తీసుకుంటే మంచిది.

మిథునం: ఈ రోజు మొదలు పెట్టిన అన్ని పనులను పూర్తి చేస్తారు. బంధువులతో, సన్నిహితులతో ఆనందంగా ఉంటారు. ఇష్టమైన పనులపై దృష్టిసారిస్తే మంచి లాభాలుంటాయి.

కర్కాటకం: ఆయా రంగాల వారికి మిశ్రమ వాతావరణం ఉంది. ప్రయాణాల్లో అప్రమత్తంగా ఉండాలి. తప్పుదోవ పట్టించేవారితో జాగ్రత్తగా వ్యవహరించాలి. ఆరోగ్యంపై దృష్టిసారించాలి.

సింహం: ఈ రాశి వారికి వృత్తి, ఉద్యోగ, వ్యాపార రంగాల్లో శ్రమ పెరుగుతుంది. జాగ్రత్తగా వ్యవహరిస్తే పనులన్నీ పూర్తవుతాయి. సమయానికి పనులన్నీ పూర్తవుతాయి. ఆరోగ్యాన్ని కాపాడుకోవాలి.

కన్య: ఈ రాశి వారికి శుభకాలం. అన్ని రంగాల వారు చేపట్టిన పనులు సకాలంలో పూర్తిచేస్తారు. కీర్తి, ప్రతిష్టలు పెరుగుతాయి. బంధువులు, స్నేహితుల సహకారం లభిస్తుంది.

తుల: ఈ రోజు చేపట్టిన కార్యక్రమాలు పూర్తి చేస్తారు. బంధుమిత్రులతో, సన్నిహితులతో ఆనందంగా గడుపుతారు. ఉన్నతులతో పరిచయాలు ఏర్పడతాయి. ప్రయాణాల్లో జాగ్రత్త అవసరం.

వృశ్చికం: ఈ రాశివారు ఇబ్బందులు ఎదురైనప్పటికీ.. అనుకున్నది పూర్తిచేస్తారు. మనోధైర్యంతో ముందుకు సాగితే లాభం చేకూరుతుంది.

ధనుస్సు: ఆయా రంగాల వారు ఆచితూచి ముందడుగు వేయాలి. ముఖ్య విషయాల్లో జాప్యం వద్దు. ఒకటి ఊహిస్తే మరొకటి జరుగుతుంది. చెడు ఆలోచనలను దరిచేరనీయకండి. నవగ్రహ శ్లోకాలను చదవండి.

మకరం: ఈ రోజు ఈ రాశివారికి శుభకాలం. వ్యాపారంలో ఆర్థికాభివృద్ధిని సాధిస్తారు. సన్నిహితులతో విందు, వినోదాల్లో పాల్గొంటారు. నూతనంగా చేపట్టిన పనుల్లో పురోగతి ఉంటుంది.

కుంభం: ఈ రాశివారికి అనవసర ఖర్చులు పెరిగే అవకాశం ఉంది. కొన్ని సంఘటనలు విచారాన్ని కలిగిస్తాయి. ముఖ్యంగా వివాదాల్లో తలదూర్చకుండా ఉండటం మంచిది.

మీనం: ఈ రోజు ముఖ్యమైన సమస్య ఒకటి పరిష్కారమవుతుంది. సమయానికి సాయం అందుతుంది. కీలక విషయాల్లో జాగ్రత్తగా వ్యవహరించాలి. ఖర్చులు పెరగకుండా జాగ్రత్తలు తీసుకోవాలి.