ఇకపై ఏపీలో ఇసుక తవ్వకాలకు ఈ-పర్మిట్ తప్పనిసరి.. ప్రత్యేక సాఫ్ట్‌వేర్‌ను సిద్దం చేసిన మైనింగ్ శాఖ..

ఇకపై ఏపీలో ఇసుక తవ్వకాలకు ఈ-పర్మిట్ తప్పనిసరి అని భూగర్భ గనుల శాఖ సంచాలకులు వీజీ వెంకటరెడ్డి వెల్లడించారు. ఇందుకోసం మైనింగ్...

Sand Crisis In Ap

Ravi Kiran |
Updated on: Jun 09, 2021 | 8:00 AM

ఇకపై ఏపీలో ఇసుక తవ్వకాలకు ఈ-పర్మిట్ తప్పనిసరి అని భూగర్భ గనుల శాఖ సంచాలకులు వీజీ వెంకటరెడ్డి వెల్లడించారు. ఇందుకోసం మైనింగ్ శాఖ అధికారులు ప్రత్యేక సాఫ్ట్‌వేర్‌ను సిద్దం చేశారని ఆయన తెలిపారు. ఇప్పటిదాకా ఇతర మినరల్స్‌కు అనుమతులు ఇచ్చేందుకు ఈ-అర్మిట్ విధానాన్ని అమలు చేశామని.. ఇకపై ఇసుక తవ్వకాలకు కూడా ఇదే విధానాన్ని వర్తింపజేస్తామన్నారు.

రాష్ట్రంలో రీచ్‌ల వారీగా ఇసుక తవ్వకాలు జరిపేందుకు ఇకపై ఆన్‌లైన్ ద్వారా ఈ-పర్మిట్‌కు దరఖాస్తు చేసుకోవాలని తెలిపారు. ఆయా దరఖాస్తులను మైనింగ్ అసిస్టెంట్ డైరెక్టర్‌లు పరిశీలించిన తర్వాత డీఎంజీ కార్యాలయం నుంచి ఈ-పర్మిట్‌ను జారీ చేస్తామని వీజీ వెంకటరెడ్డి స్పష్టం చేశారు. ఈ-పర్మిట్ ద్వారా మైనింగ్ సమాచారం ఖచ్చితంగా తెలుస్తుందని, అంతేకాకుండా ఆన్‌లైన్‌లో నమోదవుతున్న వివరాలలో పారదర్శకత, జవాబుదారీతనం వస్తుందన్నారు.