Andhra Pradesh: ఏపీ ప్రభుత్వ ఉద్యోగులకు శుభవార్త.. స్పెషల్ పే పెంచుతూ ఉత్తర్వులు
ప్రభుత్వ ఉద్యోగులకు ఏపీ ప్రభుత్వం మరో గుడ్న్యూస్ చెప్పింది. స్పెషల్ పే పెంచుతూ ప్రభుత్వం బుధవారం ఉత్తర్వులు జారీ చేసింది. ఈ మేరకు 11వ పీఆర్సీ సిఫార్సులు అమలు చేస్తూ ప్రభుత్వం ఉత్తర్వులను విడుదల చేసింది. కాగా, ప్రభుత్వం నిర్ణయంతో 1,2 కేటగిరిలకు మినహా మిగిలిన అన్ని కేటగిరి ఉద్యోగులకు ప్రయోజనం కలగనుంది.
Updated on: Jun 15, 2023 | 10:03 AM
ప్రభుత్వ ఉద్యోగులకు ఏపీ ప్రభుత్వం మరో గుడ్న్యూస్ చెప్పింది. స్పెషల్ పే పెంచుతూ ప్రభుత్వం బుధవారం ఉత్తర్వులు జారీ చేసింది. ఈ మేరకు 11వ పీఆర్సీ సిఫార్సులు అమలు చేస్తూ ప్రభుత్వం ఉత్తర్వులను విడుదల చేసింది. కాగా, ప్రభుత్వం నిర్ణయంతో 1,2 కేటగిరిలకు మినహా మిగిలిన అన్ని కేటగిరి ఉద్యోగులకు ప్రయోజనం కలగనుంది. అయితే ఈ ఉత్తర్వులు జులై నుంచి అమలులోకి రానున్నాయి. ప్రభుత్వ ఉద్యోగులు, అధికారుల్లో వారి స్థాయిలను బట్టి ఈ పెంపు చేస్తున్నట్లు ఆర్థిక శాఖ తెలిపింది.
ఏ స్థాయి వారికి ఎంత పెంచుతున్నామన్నది కూడా ఈ ఉత్తర్వుల్లో వివరాలు సమర్పించినట్లు పేర్కొంది. శాఖలతోపాటు, ముఖ్యమంత్రి పేషీలో పనిచేస్తున్న వారి వివరాలు కూడా వివరించింది. 11వ ఆర్థిక సంఘం కాలపరిమితి ఈ నెలాఖరుతో పూర్తవుతున్న తరుణంలో ఉద్యోగాల స్పెషల్ పెంపు ఉత్తర్వులు రావడం ప్రాధాన్యం సంతరించుకుంది.
మరిన్ని ఆంధ్రప్రదేశ్ వార్తల కోసం క్లిక్ చేయండి..
